|
|
بنات انا تونى حللت وطلعت لله الحمد حامل بس الحين مانى عارفه شسوى ومتى ابدا اراجع الطبيب ومتى افتح ملف ابى كل الخطوات غفيه اخاف اعد اكون غلطانه واخاف اروح يولون ملقوفه
اهم شي ال3 شهور الاولى اخذي فولك اسيد من الصيدليه وطبعا مع الراااحه التامه وبعد ال3 شهور روحي افتحي ملف
عند اي دكتوره تبينها تسويلج سونار وتحاليل وتعطيج فيتامينات وبس
من البدايه واهم شي تبدين فولك اسيد لانه مهم اول 3 شهور للبيبي
والف الف مبروك الله يتمملج على خير يارب
روحي العيادة اللي تبينها فتحي ملف و لما تدخلين عالدكتورة اكيد بتسأل متى اخر دورة و منها بتحدد لج متى بتسوي لج اول سونار علشان تسمعين النبض
و بتقول لج تاخذين الفوليك اسيد لانهم مهم حيل لا تطوفينه
ربي يتمم لج على خير و لا يخسر التعب
على طول روحى لان بعض الحما ل يصير مشاكل من بدايته
تدرين شنو احلا من يوم الي تعرفين فيه انج حامل , لما تسمعين دقات قلبه وتشوفينه يتحرك
احساس غريب بس عجيب انشالله تحسينه
عليج بالدعااااء
اللهم اني اسألك الذريه الصالحه الطيبه , السليمه , المعافاه.
اللهم اجعله من الصالحين ومن اهل السعاده في الدنيا والاخره واجعله بارا" بوالديه
اللهم اني اسالك الخير كله عاجله وآجله وأعوذ بك من الشر كله عاجله وآجله
والله يسهل علينا الحمل
وروحي فتحي ملف وطمني على نفسج وعلى البيبي من البداية احسن
والله يثبته انشاءالله