|
|
السلام عليكم………………….
اشلوونكم…………………….
شخباركم……………………
نبي نسوي ديوانيه حق البنات اللي كانوا يدرسون أيام أواخر السبعينات…………. وتشمل الآتي:
– منو أحسن أبله درستج؟
– واشرايج بالمدرسات الفلسطينيات؟
– شلوون كانت الواجبات؟
– كنتي تحضرين المطعم وتاكلين وجبتج؟
– جم مره طقتج ابلتج على ايدج؟
– أونس حصه عندج وليش ؟
– شاركتي بحفلة الفن الشعبي بمناسبة العيد الوطني؟
– شاركتي بالمسابقات الرياضية وشنو الرياضة؟
– جم مره مريتي المخزن وخذيتي مريوول مدرسة ثاني؟
– كنتي ترفعين صوتج على الأبله ؟
– شنو كانت تقوول أمج حق الأبله يوم الإجتماع؟
عندي شغلات واجد بس بكتفي بهذا……….
ها أبلش"
_ أحسن أبله: ابلة العربي….. الصراحه لا يعلى عليهم الفلسطينيات…….كنا ننسخ الواجب 15 مرة – ياحلات المطعم خصوصا الشوربه بالشتا- والله طقوني بس حق مصلحتي- حصة الألعاب لإني مشتركة بالسلة- اي شاركت -شاركت بكرة السلة وكنا نروح ثانوية الجزائر اهناك تقام المسابقات ويا حلات لبسنا تنورة قصيره بيضة وتحتها شوورت.
– جم مرة مريت المخزن مره لأن نفنوفي المدرسه بقع من ورا – أصلا كنت ما أرفع راسي عليها- أمي كانت تقول: لكم اللحم ولنا العظم يعني كيفكم سوو فيها اللي تبون بس العظم لا تكسرونه (كله علشان مصلحتي)
يلا الحين دووركم……………………
ابله نوره تربيه اسلاميه وكانت كويتيه
– واشرايج بالمدرسات الفلسطينيات؟
كان صج تدريس
– شلوون كانت الواجبات؟
بسيطه
كنتي تحضرين المطعم وتاكلين وجبتج؟
-اي ومانسي العدس والكتكات والكتكو
جم مره طقتج ابلتج على ايدج؟
ولا مره
– أونس حصه عندج وليش ؟
الموسيقي هوايه
شاركتي بحفلة الفن الشعبي بمناسبة العيد الوطني؟
لا فريق الموسيقي دايما
شاركتي بالمسابقات الرياضية وشنو الرياضة؟
لا
– جم مره مريتي المخزن وخذيتي مريوول مدرسة ثاني؟
عد وخربط
كنتي ترفعين صوتج على الأبله ؟
لا حشا
شنو كانت تقوول أمج حق الأبله يوم الإجتماع؟
ماعمرها امي حضرت اجتماع
المدرسات شديدات يطقونا …………..واحنا ساكتين ما نرفع صوتنا نخاف منهم لهم هيبتهم
– منو أحسن أبله درستج؟
والله وايد ابلات منهم كويتيات
في اولى ابتدائي ابله غنيمه مالت العربي
– واشرايج بالمدرسات الفلسطينيات؟
اغلبهم كانو مدرسات عربي وحيل اقويا..بس بصراحه ماكنت احبهم..وكرهت العربي من سبتهم..
احس علبو ان ديرتهم محتله..رايحين رادين ..فلسطين وفلسطين ..احنا لاحد يكلمنا ..و
طيب امنا بالله خليتونا نحبها ونتمنى الشهاده فيها..
ليش لما صار الغزو ..وقفوا ضدنا وسووا مسيرات ضدنا؟؟؟
وكانو يشاخون حق البنات الفلسطينيات..وكل قيادة الانشطه لهم واحنا عقبهم …مع ان احنا بعد شطار..-
شلوون كانت الواجبات؟
ما كنت اواطن واجبات العربي…نسخ حتى الموت..وعلى ما اخلص اكون سابه الابله مليون مره..لوول
– كنتي تحضرين المطعم وتاكلين وجبتج؟
لا مو دايما ..اذا طاقني اليوع..ومو موديه فلوس..
غالبا كنت انحاش لانهم ساعت يجبرونا انروح المطعم .. وما كنت احب ريحته..مادري ليش؟؟
– جم مره طقتج ابلتج على ايدج؟
اللي صج طقتني وعقدتي ابله كويتيه..كنت 2 ابتدائي ..وتبينا نحفظ جدول الضرب..
بس اهي كانت عصبيه..ويثله وتخوف(رعب) ..لووول الله يذكرها بالخير..
كنت احفظه بس تقولي سمعي انساه..فطقني..ولي يومج مو حافظته ..مع اني تخرجت من علمي
– أونس حصه عندج وليش ؟
الالعاب..كنت احلم اني اصير لاعبة جمباز ..مثل (ناديا كومانشي)لوول
– شاركتي بحفلة الفن الشعبي بمناسبة العيد الوطني؟
طبعا..عشان احط حمره يوم الحفله..لوول
واذا ما وفقوني اول الصف ..ابجي..
– شاركتي بالمسابقات الرياضية وشنو الرياضة؟
دائما مع الزهرات…و
طبعا كان حلمي اني اصير لاعبة جمباز والبس المايو الرياضي..لوول..
بس ما قدرت
لان صار فيني روماتيزم في ثانيه ابتدائي..ولما طبت منه اشتركت على طول بالتمرينات في ثالثه ابتدائي..بس في نص التديبات ردلي الروماتيزم اقوى..وطلعت يوم الحفله كنت اشوف البنات ..واتحسر..
– جم مره مريتي المخزن وخذيتي مريوول مدرسة ثاني؟
ولا مره.
– كنتي ترفعين صوتج على الأبله ؟
نو.
– شنو كانت تقوول أمج حق الأبله يوم الإجتماع؟
ولا مره امي راحت الاجتماع.
باختصار كانت ايام رائعه .. كنا نبني نفسنا بانفسنا ..لا اهلنا يدرون عنا ..ولا يساعدونا …
بس من قريت هالجمله تذكرت امي الله يخليها ويحفظها صج لمصلحتنا
اخذوا اللحم وخلو العظم
مبين دمج خفيف يا الصابره …..عاد معقوله ماكو بنات مواليد السبعينات والستينات
ولا المدارس يترسون عيونا مرهم …………..ولازم تفتيش الأظافر مو الحين
وإلا إللي إدرسوا أواخر السبعينات إذا دراسة أيام السبعبنات أنا للحين ما إنولدت وقتها ؟؟؟؟؟
وضحي فكرتج من الموضوع ؟؟؟؟؟
