|
|
بنات كلنا سمعنا عن اللي توفت برويال حياة واختي ولاادتها شهر 7 عند دكتورة خالده ومن سمعت السالفه وهي خايفه حيل لان احتمال اختي يصير معاها نزيف وقت الولاده لانها تاخذ بييبي اسبرين وابرة كلكسان
اللي تعرف السالفه بالضبط ياليت تقولي عنها شلون صارت حتى لو برساله خاصه على الاقل ترتاح اختي
واالله يرحم اللي توفت ويصبر اهلها
وانا اعرف الدكتوره من 2024 كنت اراجع عندها
وااااايد شاطره وتخصصها مع الولاده علم الاجنه
وانا بعد اخذ بيبي اسبرين وقالت لي ابدي اقلل الكميه من الحين
ترا بكل المستشفيات تحدث حالات الولاده وهذا شي الله كاتبه
قولي حق اختج تتوكل على الله وتستخير ولاتسمع كلام الناس
والله يسهل على الجميييييع
بس حبيت اقوولج شغلة ترى دكتورة خالدة المجيبل اشهر من نار على علم بسوالف الاجنة و الحمل كامن الخطووورة
و اللي ماتت هذا يومها و الله يرحمها و نحسبها عند الله شهيدة
انا من اللي ولدوا برويال و العناية تووووووووووب من ناحية الاطفال و الامهات
كل مستشفيات الكويت شهدوا حالات وفاة
دار الشفا 9 حالات 3 بيبيات و 6 حوامل
العدان عد و خربط
الصباح وااااااااااااايد
المواساة بعد
يعني كل واحد و يومه و الدكتورة خبرررررة و كفاية انه دكتور الماني زائرر نصحني فيها قال هذي لو تيي عندنا نعتبرها مكسب!!
خل تتوكل على الله و ان شاء الله ماكو الا الخيرر
الحديث بما في معناه: "أعلم أنه لو أجتمعت الإنس والجن على أن يضروك بشي لن يضروك بشي إلا قد كتبه الله عليك"
اللي الله كاتبه بيصير وهذا ترى نوع من التطير
الإنسان يتخذ الأسباب بإختيار المستشفى والطبيب وكل شي على رب العالمين
عسى الله يقوم أختج بالسلامة وكل الحوامل يا رب
انا بنت عم إلي توفت برويال الحياة و الدكتورة خالدة ولدتها بالولادتها الأولى و كانت أوكي لكن الولادة الثانية ولدتها مو موعدها
و خالتي هم ولدت عند دكتورة خالدة بالولادة كانت اوكي لكن بالفحص كل مرة كلام مرة البيبي بطنه كبير مره صغير مره راسه مرة ما أدري شنو
و رفيجة أمي و أختها و بنت عم رفيجتها تقريبا صارلهم نفس الشي لكن الله كتبلهم عمر
و أنا مو قصدي أشوه سمعة الدكتورة لكن الحق ينقال
كرهتني بالولاده حسبي الله عليها وتغصبني على اشيااء مابيها مثل ابره ظهر بس ودها تملي الفاتوره ..
صج مانصح ولا وحده تولد عندها ..
والحمدالله ولدت وساعدتني كثر ما تقدر عشان طبيعي مع اني كنت ابي قيصرية لانه ضغظ الجاهل هبط وكنت خايفة لكن الحمدالله الله سبحانه وتعالي ما خسر تعبي وو اهي الدكتورة ساعدتني كثر ما تقدر سواء كنت حامل او بالولادة
والصراحة كلن يموت بيومة ربج اذا كتب شي كتبه
والصراحة الدكتورة خالدة عكس ما سمعت تزف وتنرفز وتصرخ وبالعكس كانت تدعي وتساعدني بالدعاء والحمدالله الله كتبة على ايدهااا
والله يعطيهااا العافيه ويرزقهااا ويهنيهااا هالدكتورة فظيعه
و انا اكتشفت ان وايد من الدكاتره المشهورين بالكويت بدون ذكر اسامي عليهم قضايا
بس هذا شي عادي لان مافي انسان ما يغلط او يصير موقف صعب و و قرار صعب يمكن يطلع خاطئ
كل الدكاتره بشر
بس في دكاتره تحسين فيهم حرص و عنايه
و عشان جذي صارو مشهورين
و مع ذلك تصير اخطاء
و لو انهم صج مو زينين جان طاح سوقهم ولا احد راح لهم
ولا راح افكر اغير المستشفى والدكتورة
والي كاتبية ربي بيصير
