احبي نفسك تصبحي جميله سمعي كلام زقرتيه وماتندمين

شلوووووووووووووووونكم ؟؟؟؟شخبااااااااااااركم؟؟؟؟؟
انشالله زينيييين؟؟؟؟

الموضوووع للبنات طبعا بس ممكن الشباب بعد يستفيدووون منها

مابطول عليكم هالموضوع انا استفدت منه فوق ماتتخيلون والنصايح هذه كلها اطبقها واستفدت منها وانا لوماحبكم واعتبركم خواتي مانصحكم بالشغلات هذه ….
وما انسى اشكر صاحبة الموضوووع …
اتمنى تستفيدون مثل ماستفدت……….. يلااااا بسم الله نبتدي

طبعا تعرفون ان مافي وحدة قبيحة….ووحدة حلوة…كل البنات حلوين
بس الفرق ان في وحدة تعرف نقاط الجمال فيها وتحاول تبرزها …والثانية لأ …
وراح ابدا معاكم ببعض النقاط اللي باذن الله راح تفيدكم..

-أول شي الجمال يعتمد على العادات….يعني تعلمي بعض العادات واغرسيها بنفسج
وغيري العادات اللي تفقدك جمالك..
ولا تخلين بينج و بين بشرتج وشعرج وجسمج حرب ….وتكرهينهم …وتصيرين تنططين من خلطة لخلطة…
لأنك لو سويتي جذي راح تملين وتحوسين بالخلطات…
لكن اختاري خلطة أو ثنتين لكل شي….يعني أكثر شي فادج للشعر وللبشرة وللجسم..
وخليها عادة وحبيها واستمري عليها فترة طويييييلة…راح تلاقين نفسج مامليتي
وبنفس الوقت ماتقدرين تستغنين عنها…

– تأكدي مثل ماانتي تملين هم شعرج وبشرتج يملون …يعني خلال استخدامج للخلطات المخصصة لهم…فاجئيهم بخلطة جديدة مرة بالشهر…بعدها رجعي للخلطات اللي اعتمدتيهم.

– العادات الخاصة بالجسم…

_لبس الدراعات بشكل مستمر يخلي الوحدة يزيد وزنها بدون ماتحس
– قبل كل وجبة شربي ماي كثر ماتقدرين
– لاتشربين ماي خلال الاكل
– حاولي تشدين بطنج وقت الاكل علشان تحسين بالشبع بسرعة
– مضغي الاكل ببطء لأن المخ يبدأ يرسل الاشارات للمعدة بعد 20 دقيقة
فالناس اللي ياكلون بسرعة مايشبعون الا بوقت متأخر
– لاتاكلين الاكل واهوّا حار حيل خليه يبرد شويّ …لأن الحرارة تسبب تمدد جدار المعدة…فأنتي تاكلي والمعدة تتمدد( دراسة حديييييثه)
وتظطرين تاكلين وايد علشان تحسين بالشبع….
-لاتاكلين شي قبل موعد النوم بساعتين…
– شربي على الاقل كوب واحد جاي أخضر باليوم ( الشكر قليييييل)
-الملح …العدو اللدود للرشاقه يزيد الوزن بشكل رهيب لأنه يعبي الجسم ماي
-ابتعدو عن المشدات(الكورسيه)…يسبب ترهل وتمدد السولوليت
بسبب الشد والرخي اللي يسويه المشد او الكورسيه …..

_خليج دايما على طبيعتج…لاتغيرين كل شويّ باللوك مالج…ولا تحطين ميك اب على طول…
ولا تغيرين لوكج بشكل تدريجي…انتي ماراح تحسين بالفرق ولا الناس اللي حولج…
عني أنا كل 6 شهور أسوي نيو لوك( قص الشعر- صبغ – عطر- ستايلي بالميك اب واللبس
انقلب 180 درجة ..انا استانس والناس يلاحظون الفرق…أصلا نفسيتج ترتاح …..

صار شي قبل فترة ونسني…بنت عمتي كلش مو راضيه عن شكلها وزنها82….
قبل 3 شهور سوينا انا واهياا تحدي…انها تغير نفسها …اتحمست…وبتدينا بنظام غذائي
كتبتلها جدول للعناية بكل شي….بهذي الفترة ماقامت تطلع وايد علشان الناس مايلاحظون التدريج بالتغيرات…المهم وصل وزنها58…بعدها رحنا الصالون.. اخترتلها القصة والبلياج..
اشتريتلها ميك اب على ذوقي…( طبعا الوان غير الالوان اللي كانت تستخدمها)… بعدها اشتريتلها
ملابس بستايل جديد والوان مناااااااقضة للي كانت تلبسها…
قبل اسبوعين راحت حفله الناس استخفوو عليها …تصدقون انّ محد عرفها حتى رفيجاتها…
نفسيتها الحين مثل العسل الله يديمها عليها …

– بصراحة صوتي طفولي حييييييييييييل وكأني توني قاعده من النوم…كنت اعتقد انه خلقة
بس اكتشفت السبب…لمّا اتصلت مرة على رفيجتي..رد عليّ أخوها…بعد ماكلمتني قالتلي انتي تشربين ماي عالريج ؟
قلتلها اي…قالتلي…تشربين ماي ورد؟ قلتلها اي…بعدها سألتها ليش؟
قالتلي أخوي قاللي اسأليها…لأن مرة قرا ان هذا الشي يخلي الصوت مثل صوتج..
فسبحان الله…عندي عادة من طفولتي… امي دايما تحطلنا بماي الشرب ماي ورد
وهم تعودت أشرب ماي دافي على الريج ……

( ياريت اللي تعرف شي عن صحة هذي المعلومة تقوللي ) ..

– هذي الطريقة للعصبيااااات…واللي كنت أولهم لكن الحمد لله تخلصت منها…
اخذي كمية عيش( زر ) بيدج ونثريها على الارض…بعدين رجعي جمعيها حبة حبة …ومع كل حبة سبحي …
( خلي الكمية عندج واستخدميها بكل مرة تحسين فيها ان اعصابج فالتة)…

– بحكم دراستي للبرمجة اللغوية العصبية (NLP)… تعلمت..ان لازم الواحد يحب كل قطعة فيه..
تقبلو نفسكم…أشكالكم ..لاتنزعجوا من أجسامكم… حاولوا تعدولون فيها … كل شي اييي بالطيب …
ومن هذا المبدأ تفشل أكثر محاولات العناية… لأنج تسوين الشي وانتي كارهته ومجبورة عليه…ومستعجلة ..
فالجسم أصلا مايتقبل الشي اللي تسوينه بدون رضا ( بالذااااااااااااااااااااات الريجيم )..
لو تلاحظون ان أكثر اللي يسوون الريجيم…بمجرد التفكيرفيه…تييلهم حالة من الشراهة…بعكس اللي مايفكرون فيه..
لأن النفس تحس كأنها تتعاقب…( كل ممنوع مرغوب )….

فلازم قبل ماتبدين بأيّ ريجيم…توقفين جدام لمنظره وتقنعين نفسج… انّ الوزن اللي وصلتيله يعتبر انجاااز
….وأنج مثل ماقدرتي على زيادة وزنج تقدرين على تحقيق انجاز ثاني اللي اهوّا خسارة الوزن…
فكري اذا انتي الحين بعز شبابج حارمة نفسج من الرشاقة والملابس الحلوة…متى راح تعوضين؟؟؟؟ ( لمّا يصير عمرج 60سنة ؟؟؟)
بشنو زادو عنج البنات الرشيقات؟ مثلج مثلهم؟ تقدرين تصيرين أحسن منهم..
الأكل الزايد والحلويات والمشروبات الغازية اللي أكلتيها أمس..ليل حين باقية لذتها وطعمها؟؟؟ولا خلاص راحت؟؟
طبعا راحت …واليوم ودج تاكلين منّها بعد….
استفدتي شي؟؟ طبعا ولا شي الا شوية جرامات….

أتمنى انكم تبدأون من اليوم بغرس هذي العادات…وكل وحدة عندها عادة سيئة …تتخذ قرار من الحين انها تتركها وتستبدلها بشي أحلى…
وبأذن الله راح تلاقون نفسكم كسبتو الجمال والصحة…