ابي حل مع الغازات :(

بناات انا قبل ماعرف شي اسمه غازات بالبطن ..

صارلي سنه والده أعااني من بطني كله غازات ومتفووخ مادري شالحل .. بليز اللي نفس حالتي تقولي .. انا حاطه لولب ساعات أقول من اللولب يمكن معنا ماله شغل

دايم اشربي ماي مع ماي لقاح …
اشربي الطبيخة عجيييييييييبة تلقينها بالجمعيات يم ماي الورد واللقاح ..

يمدحون حبوب الفحم تلاقينهم بالصيدليه

انا نفس المعاناة

الله المستعان

وانا بعد نفس المعاناه بس انا بنت مو متزوجه

حبوب الفحم من بوتس او اي صيدلية ب600فلس

عندج شراب الكمون واليانسون انا بعد اي وجبه اشرب كمون وااايد حلو للهوا…وعندج بعدشراب بيريه بالجمعيه وكثري من السوائل والزنجبيل الطازج والنعناع….وعموما ترا القولون يسبب ازعاج وانتفاخ,,,

عندك حبوب حلوه ديسفلاتيل موجوده بالصيدليات مص او تمضغينهم نكهتهم نعناع وهي اصلا للغازات وخففي من شرب المشروبات الغازيه

نفس المشكله

عرضت مشكلتي محد رد
رحت طبيب خاص قالتلي الدكتوره قالون الله لايواريج
بس بعدي عن المخللات الفلفل المشروبات الغازيه
انتبهي نوعيه أكلج
بمشي معاج بموضوع لأني أنا ابي حل

حبوب الفحم ..

شاي اخضر .. شاي زهورات ..

ماي الحندبان ..

وفنجان صغير من العسل الطبيعي على الريق ..

الكمون عجيب وفي حبوب غازات بالصيدليات تفي بالغرض

الكمون حلو ..

روحي اقتحمي الجمعيه اللي يمكم ومري صوب ركن الشاي بتلقين علبه لونها اخضر فيه بالليمون وفيه بالزنجبيل عرفتي اقصد شنو جاي اخضر وبعدي اخذي فوق تحت وردي البيت على طول وروحي المطبخ وحطي قوري الماي على النار ليما يبق بق الماي تالي صبي الماي بالقلاصوبعدين فجي الجاي الاخضر اللي شريتيه من الجمعيه وحطي لبتنه وحده مو كله وصحتين وهنا جوجو

هههههههههههههههههههههههههههههههه

ماتشوفين شر يختي ولابأس طهور ان شاء الله