|
السلام عليكم أبلات
شرايكم بمشروع تخفيف الحقيبة المدرسيه
من شوي حاطين بأخبار قناة الوطن المؤتمر اللي سووا عن تخفيف الحقيبة المدرسية
طبقوه هالسنه على 60 مدرسه
ان الطلبه يسخدمون خزانات المدرسه
والطالب ياخذ معاه بالبيت بس "كتاببين" علشان يستخدم الجنطه اللي صمموها
وكل كتبه بالمدرسه بالخزانات اللي بالمدرسه
أنا بس بعرف هالوزارة شناوين عليه!!!
شالمشروع اللي مايشجع على الدراسه ويشجع على الكسل
يعني يبون يقلدون المدارس اللي في امريكيه
الطلبه بامركا صج ماياخذون معاهم الكتب وكل طالب عنده خزانه
بس مايدرسونهم كل المواد كل يوم
ونظاهم غير وجدواولهم غير وحصصهم غير
وماعندهم منهج اجباري والزامي وموحد وتوجيهه يحاسبهم على التأخير
وماعندهم ان المدرس يكون عنده دفتر تحضير ويسوي وسايل على حسابه
وماعندهم احتياط ومناوبه مثلنا
حراااااااام عليهم محد راح ياكلها الا الطلبه كافي الملف الاعجازي قصدي الانجازي الفاشل
مافي رسوب واولياء الامور بالابتدائي هاملين عيالهم علبونه ماكو رسوب
هالمشروع راح اييب المشاكل
وعلشان الطالب يتأخر عن الحصه بحجة زحمه عند الخزانات
ولا كتابي ضايع ولا نسيت آخذ دفتري معاي البيت واحل الواجب
ولا نسيت آخذ كتابي علشان ادرس حق الامتحان
هالمشروع هدفه تجاري بحت ولا ياي صوب مصلحة الطالب
من سالفة الجنطه الى سالفة الخزانات كلها مصالحه تجاريه ربحيه على حساب الطلبه
اهوه النظام حلو .. نظري
بس عاد شلون بيتطبق عندنا مادري ..
يعني اذا الواجبات تتقسم ..
مثلا اليوم عربي وانجليزي ..
باجر عربي ورياضيات ..
اللي عقبه اسلامية وعلوم ..
جذيه يعني ..
راح يكون النظام حلو ..
وبدال الكتب ايودون معاهم اوراق عمل وتلخيص للمنهج المطلوب ..
بس عاد هذا اذا ولي الأمر يتابع .. وهذا من سابع المستحيلات ..
اهمه حتى الملف الانجازي حطوه علشان يبين مستوى الطالب الصجججي ..
بس عندنا جنهم حاطينه علشان اولياء الأمور يناجرونج على الدرجة وليش هني جيد جدا وليش هني مو امتياز ..
همهم بس الشهادة تنترس امتيازات علشان يتشيحطون بعيالهم .. ما يهمهم المستوى الصجي ..
احنا وينا وين .. ووين اللي بيطبق على سنع ؟.
ووين اولياء المور اللي بيتعاونون ..
يبا هذا حق دول بره مو لنا ..
شكلنا مثل باقي القرارات ..
تتطبق غلط .. وشي شكلي بس ..
وصج .. شكلهم اولياء الأمور بيشيلون ايدهم عن عيالهم بالابتدائي بالمرة ..
وعاد شوفي لي وصلو رابع وخامس شلون بياكلونها ..
شلون يدرس الطالب
وشلون يتابع مع اهله
شكلهم يبون يقطعون العلاقة بين الطالبة والمدرسة
يعني يطلع من المدرسة قاط كل شئ وراء ظهره
بس ساعات وايد اقول احسن عشان الجنطة ثقيلة على اليهال وخصوصا الابتدائي
سامحوني طولت عليكم بس ابموضوعج هذا ضربتي على الوتر
والله خوش قرار << بخفف عن وليدي الكتب
انا ولية امر وموظفه والله الحمدالله يارب قادره انسق بين دوامي ومتابعة بنتي بدوامها بالمدرسه ….
ما فكرت فاللحظه ان بنتي تجتاز الماده جوازا ….. بالعكس ودي انا بنتي تطلع من الاوائل مو علشان اتشيحط فيها
بس افتخر فيها ان تعبي ماراح بلاش……
خووووش قرار والله يعطيهم الف عافيه عليه
مهارات الحياتيه 4 كتب ؟؟؟؟ والكتب من قبل وايد على عيالنا
الجنطه ثقيله واشياء ياخذونها مالها داعي واغلب الاحيان عيالي ياخذون كل الكتب عشان التبديلات
مدرستنا طلبت من المدرسات انهم يحطون بالخزانات
كتب التربيه الحياتيه – كتاب الحاسوب – القران الكريم ( في خزانات الفصل ) كتب العلوم ( بخزانات المختبر )
و حتى لو يقلدون مدارس برا شفيها لو قلدو الشي الزين بالعكس شي لصالح عيالنا
ويعطيج العافيه
الحاسوب شيبي فيه بالبيت ولا الوطنيه ؟؟؟
زين سوو … ظهور عيالنا اختربت من هالالقال
مدرستنا مطبقينه
خووووش قرار والله يعطيهم الف عافيه عليه مهارات الحياتيه 4 كتب ؟؟؟؟ والكتب من قبل وايد على عيالنا الجنطه ثقيله واشياء ياخذونها مالها داعي واغلب الاحيان عيالي ياخذون كل الكتب عشان التبديلات مدرستنا طلبت من المدرسات انهم يحطون بالخزانات كتب التربيه الحياتيه – كتاب الحاسوب – القران الكريم ( في خزانات الفصل ) كتب العلوم ( بخزانات المختبر ) و حتى لو يقلدون مدارس برا شفيها لو قلدو الشي الزين بالعكس شي لصالح عيالنا ويعطيج العافيه |
الموضوع عتيج احنا الحين في شهر 11 وهالموضوع من شهر 9 هههههههههههههههههههه
يالله مشكوره على الرفع
لو انا سويت جذي لعصبتو علي وسكرتو موضوعي المهم
الطلبه في مدرستكم شلون يدرسون في البيت ويحفظون ويحلون الواجبات ؟؟؟ خصوصا ان المواد نظريه ويبيلها حفظ
والابلات شلون طريقتهم مايعطونهم واجبات ولا امتحانات ولا شلون طريقتكم خل نستفيد من تجربتكم؟