ما تخرب الميزانيه وكول%

السلام عليكم ورحمة الله وبركاته

شلونكم بنات يا رب باحسن حال

اليوم انا موضوعي يخص البنوتات المراهقات الفنكيات إللي لما الحين ما اشتغلو وما عندهم معاش علشان يشترون هدايا حيل غاليه

خصوصا لو كان الشخص إللي بعطي الهديه رفيجتي حيل المقربه كلش وبينا ميانه او اختي العوده او حتى اختي الصغيره

تقدرين تسوين هديه كووول ومن مصروفج وما ترهق الميزانيه لان احيانا يصادف عيد ميلاد شخص وانا مو مستعده ..صح؟؟

بغض النظر انا شخصيا طول عمري احب هالنوعيه من الهدايا ويضيق خلقي لما وحده تييب لي عطر او ساعه

احس نفسي كأني غريبه عنها بس استانس لما احد يعطيني شي من صنع ايده وتكون كيوت وكووول احس لها طعم غير

(ملاحظه: الحين الموضه الدارجه بالهدايا انج تيبين بوكس كبيير وتملينه شغلات وااايد فناتق يعني تخلينه وشوي شوي تضيفين عليه اغراض لما يصير موعد عيد ميلاد رفيجتج او اختج تقدمينه .. موضوعي يخدم هالنوعيه
من الهدايا ويجاري الموضه خليجية)

(ملاحظه: في بنات يحسون انهم مقصرين بحق الشخص إذا قدمو له هدايا بسيطه.. لكن لو كان الشخص قريب كلش وميانه وكووول راح يحس بقيمة الهدايا رغم بساطتها وراح يقدر انج مو موظفه وانج طالبه كيوته)

بوريكم بعد شوي هديه انا مسويتها وما كلفتني 2 KD تصوري!!!؟؟ خليجية

بس اول اوريكم افكار الهدايا وبعدين التتوريال

بسم الله الرحمن الرحيم

ممكن تحطين بالبوكس شوكلت بار بس تسوين له ظرف كيوت

خليجية

هذي افكار لأظرف بار الكاكاو

وممكن تحطين بالبوكس MUG او حتى ممكن تقدمين الMUG بروحه

خليجية

الصورتين إللي فوق حاطين داخل المق اظرف كبتشينو سريعة التحضير ومارشملو وكيكه انت ممكن تضيفين شي لذيذ مع اظرف الكبتشينواو الهوت شوكلت وتغلفينه على ذوقج

والمق إللي تحت مسوينه مثل بوكيه وتقدمينه علشان الواحد يفرح بالورد ويحتفظ بالمق خليجيةخليجية

وممكن تقدمين حلويات من صنع ايدج – إذا كنتي شاطره بالطبخ – وتغلفين الهديه بطريقه كووول

خليجية

الله انا مره صديقتي اهدتني مربى فراوله هووم ميد ما تصدقون اشكثر فرحت بالهديه ولها طعم ثاني

وممكن تقدمين هديه في برطمانات Jar هم هذي ممكن تضيفينها بالبوكس إللي تكلمت عنه

خليجية

شفتي الصوره إللي تحت هذي خلطات جاهزه للبروانيز للكوكيز والكب كيك إذا كانت صديقتج تحب الطبخ

تقدرين تهدينها هالهديه في Jar كيوت ومزين بس لا تنسين تحطين الطريقه تحت البرطمان خليجية

ممكن تعطين هديه لصديقتج نوت بوك او كارد بس يكون مزين على ذوقج

خليجية

هذي افكار للتزين النوت بوك والكاردز

انت شاطره بالكوروشيه؟؟

خليجية

سوي فناتق بالكوروشيه وقدميها .. صدقيني صديقتج راح تفرح فيها حيل وخصوصا لو اعرفت انها من صنع ايدج

وهذي افكار منوعه

خليجية

ممكن تهدينها بروش.. نبته غريبه تسقيها كل يوم .. (هذي نبتة الزنجبيل سبحان الله شكلها رووعه انت ممكن تقدمين صباره صغيره متوفره بمحلات الورد على دينار وااايد يشوقون)

مخده من الجوخ انت مسويتها .. او حتى بوب كورن (بالصوره قاسمين بين النوعين بكرتون مقوى)

هذا اول قسم لموضوعي .. الحين بعرض لكم القسم الثاني لموضوعي وهوه التتوريال لأشياء تقدرين تسوينها بإيدج
تجميعي+تطبيقي

بلييز بنات لا تردون بعد ما خلصت

الحين بضيف القسم الثاني من الموضوووع

1-طريقة عمل زينه تحطينها على الباب او المرايا لزوجج او اختج باوراق نوتة الموسيقى واوراق الكتب (نفس رقم 1)

خليجية

2-تحتاجين كرتون مزين – جليتر – اوراق نوتة موسيقى مقصوصه على شكل قلب وخرمه من الجوانب – اوراق كتاب مقصوصه طوليا- شريط تور – ماده لاصقه – اهني مستخدمين قلب من كوروشيه – إللي مو عارف يسويه وما يلقى جاهز
ممكن انت تحطين اي شي على ذوقج (صوره 2-3-4)

3- شفتي الالاوراق الطوليه بصوره (4) راح تسوينها مثل الاوكارديون (نفس صوره 5)

4- تلزقين الطرف بالطرف

5- تبتدين ترتبين شكله وتضمينه على بعضه وتثبتينه نفس صوره (7-8)

خليجية

6- تثبتين عليه قطعه مدوره لزيادة ثبات الورده 7- ثبتي القلب الكوروشيه 8- قصي من الورق اللامع شكل دائره (صوره 11)

9- وثبتي تحت الورده (صوره 12 ) وثبتي الشكل كله على واحد من القلوب

10- زيني القلوب بالجليتر ووصليهم ببعضهم بعض بالتور

11- قصي باقي احرف كلمة LOVE وثبتي على باقي القلوب 12- صوره 16 الشكل النهائي

2-طريقة عمل بوكيه الحلويات

خليجية

تحتاجين اعواد خشب مزينه بتيب اخضر (ممكن تزينينه باي لون يعجبج)-فاز ماليتها قش الورق
مقص قطاعه حلاو بيبز(نفس المارشملو بس عليه شكر ممكن تستخدمين المارشملو (خد البنات) وحلاو جيلي على قلب
(ممكن تستخدمين اي شكل) – شرايط للتزيين

الطريقه:

الصور واااضحه خليجية ورقم 8 الشكل النهائي

3- طريقة عمل تب الحلويات

خليجية

تيبين تب وتحطين فيه فلينه وبعدين تزينينه بالقش الورق

وعقبها تيبين الحلويات إللي على ذوق صديقتج وتثبتينها باعواد من خشب وبلاستك نفس الصوره رقم 5

صوره رقم 6 الشكل النهائي بعد ما تزنينها على ذوقج (ممكن تزينين التب ببالون او ورد)

4- هدايا من الصابون

خليجية

تحطين ورقه مقوى على الشكل إللي تحبينه وتبتدين تنحتين الصابونه بالسكين

وتحطينه في كيس رقيق

(ملاحظه اعجبتني الفكره وحبيت اسوي هديه من هذا التكنيك)

هدية الصابون المنحوت من تطبيقي

خليجية

نحت الصابون على شكل قلب

لزقت استيكر ابيض (نفس طوابع المدرسه) وزينته

سويت من الشمع شكل نجمة البحر وزينته بستيكر لامع وثبت عليه سلسلة ميداليه قبل ما يتجمد الشمع

ملاحظه : تشكيل الشمع شرحته بوضوح واسهاب بهالموضوع

http://www.q8yat.net/showthread.php?t=677578

يبت صحن من سوق بو 100 من زجاج ازرق شفاف وحطيت عليه قش من ورق

زينته بالقواقع (من سوق بو 100 ) وثبت على المحاره لولوه (هم من سوق بو 100) وحطيت زيت
عطري بريحة السينامون (الزيت المستخدم للمبخر الفخار) للريلاكس (كله من سوق بو 100) خليجية

وبعدين غلفته بالسولوفان

اشرايكم بالشغل ؟؟ مو صح حلو؟؟ كل هذا ما كلفني حتى دينارين تخيلوووخليجية

خلص موضوعي اتمنى انه يكون مفيد وممتع .. واحب اشكركم كلكم لولا تشجيعكم لي ما كنت تشجعت اعرض لكم مواضيع

حلوه تستاهلونها

ابي منكم الدعوه الحلوه يا الغاليات لاني تعبت وااايد وانا اجمع الصور خليجية

مشكوريييين يا حلويييين

رررررررروعه

يعطيج العافيه

ررروعه يسلمووووووو
ماشاء الله عليك
افكااااااارك رووووووووعه
وصحيح البنات اللي توهم هابين بهالأفكار
ميرسي حبيباتي على المروووور الرائع نورتوني خليجية
شغل عدل وافكار وايد حلوه
ماشاء الله علييج بالضبط هذا اللي ادوره

وفعلا ملينا من العطور والساعات

هذي الاشياء يكون لها معنى ومتعوب عليها

كملي ومتبعينج انشالله وعطينا افكار حلوة

يونسون سيفته بال favourites لان احسهم صراحة احلى من الهدايا الجاهزة وعاد يايني وقت ابي فيه هدايا وايد خليجية

يسلمو حياتي وناطرين جديدج

ما شاء الله تبارك الرحمن
شغلج وايد حلو
تسلم يدينج

وأفكار حلوة للهدايا
الله يوفقج ويسخر لج عباده الصالحين

رووووعه

خووش أفكار والله

ثينكس حبي *;

وااااااااااايد حلويييييييين صراحة خوش افكار ياقلبي يعطيج العافية
الله يوفقج وينولج اللي ابالج

لانا فعلا جهد متعوب عليه لذلك تشكرين جزيل الشكر عليه يا مبدعه خليجية

رووووووووووووووووووعه

يعطيج العافيه حبيبتي ماقصرتي

اقتباس:
المشاركة الأصلية كتبت بواسطة معكرونه أسبكتى يم يم خليجية
شغل عدل وافكار وايد حلوه

حياتي تسلمين يا رب خليجية

اقتباس:
المشاركة الأصلية كتبت بواسطة M!Ss 3B8RiNOaH خليجية
يونسون سيفته بال favourites لان احسهم صراحة احلى من الهدايا الجاهزة وعاد يايني وقت ابي فيه هدايا وايد خليجية

يسلمو حياتي وناطرين جديدج

اي والله ملينه .. يا بعد عمري يا عل ايامج كلها اعياد وفرح ويا رب تتوفقين بعاشر خليجية
حياج الله يا قلبي من عيوني خليجية

اقتباس:
المشاركة الأصلية كتبت بواسطة اخت أخوها خليجية
ما شاء الله تبارك الرحمن
شغلج وايد حلو
تسلم يدينج

وأفكار حلوة للهدايا
الله يوفقج ويسخر لج عباده الصالحين

مشكوووره يا قلبي على هالدعوه الحلوه يزاج الله خير ويا رب ل مثلها واحسن منها خليجية

اقتباس:
المشاركة الأصلية كتبت بواسطة Mzajii 9a3b خليجية
رووووعه

خووش أفكار والله

ثينكس حبي *;

حياج حياتي خليجية

اقتباس:
المشاركة الأصلية كتبت بواسطة فوقهن و تسواهن خليجية
وااااااااااايد حلويييييييين صراحة خوش افكار ياقلبي يعطيج العافية

منورتني حياتي ميرسي خليجية

اقتباس:
المشاركة الأصلية كتبت بواسطة أورلاسو نوفاز خليجية
الله يوفقج وينولج اللي ابالج

لانا فعلا جهد متعوب عليه لذلك تشكرين جزيل الشكر عليه يا مبدعه خليجية

يا بعد عمري يجزيج الخير على هالدعوه الحلوه ويا رب لج اضعافها يا رب العفو يا قلبي تعبكم راحه خليجية

اقتباس:
المشاركة الأصلية كتبت بواسطة D@LoOoL خليجية
رووووووووووووووووووعه

يعطيج العافيه حبيبتي ماقصرتي

يعافيج حياتي منوره كلج ذوووق خليجية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.