بنات تعالو سولفو معاي سالفه شاغله بالي وابي رايكم عفيه

السلام عليكم ….
شلونكم
بنات سالفه شاغله بالي وايد انا عندي 5 يهال الله يحفظهم اكبر واحد 14 سنه واصغر واااحد الشهر الياي يكمل سنتين بخاطري احمل عليه مو لاني متشوقه للياهل استغفر الله الف الحمد الله والشكر لله الف مره بس عندي امنيه قويه ان احمل ببنت اخت حق بنتي الوحيده اللي بين صبيان بس المشكله خايفه وقلقه واااايد ماني عارفه احمل ولا تو الناس وتري انا موصغيره واااايد عمري 32 بصراحه انا بودي يكبر ولدي يعني يصير بو 6 او 7 سنوات بس احس العمر يركض وبنتي تكبر وحاسه فيها وحيده وكاسره خاطري حيل شرايكم احمل
الحين ولا تو الناس وما اغبي عليكم ولدي اسم الله عليه وااايد حركي ومتعبني شوي تدرون بسن السنتين يبيله وراه وراه

انا ما عندي خوات اسولف معاهم وانتو احسكم خواتي والله عطوني رايكم بصراحه شرايكم ؟؟؟خليجية




الله يرزقج يااااااااااارب



احملي حبيبتي و الله يرزقج بالبنت الصالحه



و الله ياختي انا اقول حملي و توكلي على الله اليهال او العيال عزوه و انتي صغيره و فيج حيل طول ما ان فيج حيل حملي ليش لا انا من راييي لاتنطرين توكلي على الله و الله يرزقج ان شاء الله البنت الصالحه يارب



احمدي ربجعلي اللي عندج فييج طاقة ربيهم



مشكورين بنات وماقصرتو حبيابي وهذا اللي قاعد افكر فيه والله



استخيري يا قلبي ..وربي يرزقج ببنوته حلوة



احملــــــــــــــــــــــــي وتوكلي على ربــــــــــــــج (:
شـــــــــــــــــــــــوراج (: جيبيلها اخـــــــــــــــت



انا من رايي احملي والله ان شالله رزقج على قد نيتج



احملي ياقلبي …

والله ياختي لو ربي يرزقني الحمل لأحمل ورى بعض وماأقطع بينهم إلا شي غصب علي ربي يرزقني يارب العيال عزوه ..




ياحياتي انتو ماقصرتو وياي والله كلكم ….

ورد الودود ربي يرزقج يهال معافين ويفرح قلبج فيهم يارب




أنا أشووف أنج تحملين ألحين أفضل لج

لعدة أسباب… أولها أن والصغير صار رجال ومدة الحمل بيكوون اكبر شوي بعد

وثانيا لو أجلتي الحمال بتكون بنتج كبيره ماراح يتفاهمون من ناحية التواصل الفكري واللعب وغيره..يعني حاولي انج تلحقين وتحملين وتجيبين بنوته أخت لها ..هذا أنتي مالج خوات يعني بتحسين في بنتج يوم انج بكبرها شلون كانت وحدتج بالبيت بين عيال..

وثالثا… انتي 32 يعني لا كبيره ولا صغيره.. ولكن لج شده بالحمل والاهتمام بالمولود والرعايه له وللبيت بنفس الوقت.. يعني لو أجلتي كم سنه بيكون عمرج قرب على 40… تعتقدين لج قوة حمل وتعب ورعايه للصغير مثل ما أنتي لج ألحين؟؟؟

رابعا… لو حملتي وأنجبتي أن شاء الله بتكونين قربتي التواصل الفكري بين عيالج كلهم ويكونون لا كبرتي معج بالطول والتفاهم…يعني بالاخير أنتي اللي مستفيده لانج بتفرزين طاقة شبابج وطاقة جسدج بالحمل والرعايه والاهتمام عدل فيهم من غير تفكك ولاتعب…

أنا أقوول توكلي على الله وأحملي وعسى ربي ينولج اللي ببالج ويخلي لج عيالج

اسفه لو طولت عليج .. بس حبيت تحسبينها صح

وأدعي ربج ان الله يرزقج ببنووته تفرحين فيها وتفرح فيها بنتج

اعذريني عالاطاله




انا من رايي ان الوقت مناسب تحملين عليج بالدعاء وكثرت الاستغفار وقيام الليل ودعاء الرحمن بان يرزقج البنت اللي تتمنينها وتكون صالحة ومتعافية يا رب



هموسه __ والغزلان

بردتو علي قلبي الله يوفقكم وين ما ترحون ان شالله وفعلا اللي قلتوه قاعد افكر فيه ما قصرتو حبايبي كلكم ذوق




الله يرزقج ببنوتة متعافية وصالحة ياااارب



اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *