يوم الشوفه الحقوا علي

السلااااام عليكم

شلونكم كويتيات ؟؟

بنااااااات متزوجات ومخطوبات ومالجات رايكم يهمني …

جاوبوني على هالاسئله:

خطيبج طلب يشوفج
1_ شنو تلبسين ؟
2_تحطين مكياج ولا لأ ؟
3_منو يكون معاج ؟
4_ تتكلمين ولا لأ واذا تتكلمين شنو تقولين ؟
5_ والأهم من هذا اذا رفضج بعد الشوفه والناس كلها درت شتسوين؟؟؟؟؟؟

حبيبتي انتي
اذا على اللبس لبسي شي بسيط يغطي العيوب اذا فيه عيوب جسمج ويبرز حلات جسم واخذي الوان هاديه
والمكياج كل ماكان انعم بهالموضوع كان احلاا واقنع للزوج يعني كثري مسكره مع بلشر خفيف وكريم هادي وقلوس وركزي على عيونج بالمكياج حيل
واكيد امج بتكون معاج
ولا تتكلمين كثير خليج هاديه ردي على قد السوال
واذا رفصج عقب الشوفه خليج ريلاكس وقولي كل شي نصيب ماعجبته اعجب غيره !!!!!
اتمنى اني افدتج
وموفقه ان شالله

مثل ما قالت غزلان خليج ريلاكس وعادي هذا اذا ما صار نصيب لا انشالله
واذا كان عل اللبس خلي لبسي ذرب و نعوم والوان فاتحه

والمكياج حيييييييييييييل هادي يعني طبيعي عل الاخر

ومثل ما قالت غزلان ردي عل قد السوال
ونصيحه دايما خلي عيونج بالارض يعني مستحيه لووووووول انا خطيبي ين علي قال حييل خجوله
والله يوفقج يارب و يهنيج ويكتبه لج اذا كان صالح

وصدقيني اذا ماصار نصيب هذا من حظج لان الله ما يكتب للانسان الا النصيب الصالح يعني قولي الحمدالله و قولي روميويي للحين ما لقاني هههههههههه

أنا رايي
1 كشخي يعني بدله مرتبه
2 حطي مكياج ليش لأ
3 يكون معاج أمج وخواتج
4 تكلمي بس بحدود المعقول اذا سأل جاوبي على قد السؤال وسأليه عن الأسئله اللي بخاطرج
5 لا تقولون حق الناس خلو الشي بحدود بيتكم أمج وخواتج بس
والله اوفقج انشالله يا ربي و نفرح فيج احلى عروس انشالله

مشكورين وماقصرتوا

واااااااااي حدي خااااااااااااااايفه الله يستر بس شكلي بقلب اليوم عزا وبطقها بجيه………

الله يوفقج وييسر لج الامور

انا اقوووول اللي قالته غزلان

والله يوفقج ياارب

الله يستر شدي حيلج يا قلبي ودعيلي عسيء الله يوفقني ويجيني نصيبي دعو لي يا حبيباتي

_ شنو تلبسين ؟
طبعا أكيد لبست بدلة راقيه وساتره عشان ماياخذ عني فكره

2_تحطين مكياج ولا لأ ؟
ايه حطيت مكياج وكان مكياجي نااااااااااااااااااااااااعم عشان ملامح ويهي تبين .

3_منو يكون معاج ؟
أمي وأمي العوده وخالتي وامه .

4_ تتكلمين ولا لأ واذا تتكلمين شنو تقولين ؟
أكيد اتكلم اذا ماتحجيت حسباله طرمه ..
شوفي أول شي قال لي .. شلونج .. انشالله بخير .. وبس يعني سلام وبس

5_ والأهم من هذا اذا رفضج بعد الشوفه والناس كلها درت شتسوين؟؟؟؟؟؟
ما أسوي شي …. اقول كل شي قسمه ونصيب
شوفي لاتخلين هالشي يأثر فيج ويزعزع ثقتج بنفسج .. اذا ما ارتبط فيج اهوا الخسران

وعسالله يوفق كل بنت حلال ويرزقها بالرجال الصالح

_ شنو تلبسين ؟
ملابس ساترة بس كشخة
2_تحطين مكياج ولا لأ ؟
احط بس ناااااعم … يعني فونديشن بس مو ثقيل و كونسيلر و كحلة فوق العين خط ضعييييييييييف و بلشر و حمرة بس مو فاقعه
3_منو يكون معاج ؟
الكل يكون موجود بالصالة .. بس يصير تاخذون كتر و تتكلمون
4_ تتكلمين ولا لأ واذا تتكلمين شنو تقولين ؟
اتكلم و ارد على قد السؤال
5_ والأهم من هذا اذا رفضج بعد الشوفه والناس كلها درت شتسوين؟؟؟؟؟؟
الله مو كاتب
وقولي حتى انا ما كنت متقبلته

يااااااااا بعد جبدي والله اثلجتوا صدري وحسستوني انكم خواتي >>بببجي

بنااااااات المشكله اخوي الكبير يبي يدخل معاي يعني انا وخطيبي واخوي بس >>قمة الفشله والاحراج والاجيد من هذا انا الوحيده من عايلتنا يشوفني خطيبي قبل الملجه ……….>>كبشه الفداء ياحسرتي

توكلي علي ربج واللي كاتبه الله بصير وانشاءالله يكون من نصيبج ونفرح فيج

حبيبتي ماعليه لو اخوج معاج انتي خلج منزلة راسج وجاوبي على اسئلة المعرس(ياااااااااااااااااااارب يجعله من نصيبج) بكل هدوء خليه يحس انج ريلاكس وترا الوضع جدا عادي وبيكون خمس دقايق….

وضحكي الحين عالمعيريس خنة حيلي تلقينه الحين مشتط اكثر منج مودي الدشداشة والغترة المصبغة وبيروح الصالون يضبط اللحية عشانج ويختار احسن عطر وساعة عنده

يعني فقير حتى اهو فيه قلق وتوتر ههههههههههههههههههههههههه

وياااااااااااااااااربي يوفقج الحين وقت اقامة صلاة العشاء اسأل الله يوفقج يا اختي ويرزقنا كلنا ولد الحلال الصالح

عاد بشرينا عنج شيصير ويااااااااااااااااااااااااااااااااااااااااارب ياااااااااااااااااارب نفرح فيج هالصيف

يااااااا بعد قلبي والله … ان شااءالله اذا ربي كتب نصيب راح ابشركم ..

زين تهقون هو يفكر ويحاتي مثلي ولا بس انا وتتوقعون الريال لما يطلب الشوفه شنو يبي يشوف في البنت وشنو بيركز عليه .. بنات انا جايتني حالة بس اسرح وافكر وآكل اظافيري وبس اسأل و دايم اطقني البوهه ومحتاسه وخايفه ياااااي بنات تكفون تكفوووون نصحوني ريحوني لا اطنشوني ….