يوم التخضير لمعلمات الروضة

السلام عليكم
بنات أبي مساعدتكم في فكرة ليوم التخضير

أبي فكرة للأطفال أنا فكرة أحطلهم أطواق من ورود على أيدينهم
بس الأبلات إلي معاي يقولون ما لا داعي لأن الأطفال بعد القرقيعان راحو يغيبون
وأنا خايفة أتورط أشرايكوم
وأبي فكرة حلوة للاطفال غير الأطواق؟

وشكرا

انا بعد ابي فكره للابتدائي !

وانا بعد

نبي افكار للتخضير

همتكم معانا

تقدرون تلبسونهم تي شيرت أخضر وشورت بني

او

بطاقة خاصه بتخضير يلبسها

وفكرتج الأطواق وايد حلوه واذا عندج وقت سويها وافتكي حق السنين اليايه

عندي بطاقه مسويتها عن التخضير

راح احطها لكم

إن شاء الله

ممكن عمل اوشحة عليها عبارة عن التخضير ..
او قبعة من بو امية وتلصقين عليها اوراق شجر ..
وممكن اساور على ورود من بوامية الله يطول بعمره

السنة اللي طافت لبستهم قبعات من بو ميه

وزينتها بالورود وأوراق شجر صغيرة

ورفيجتي مسويه بنطلونات بنية وقمصان خضرا

للأطفال وكان شكلهم حلو كأنهم أشجار صغار

والله انا مسوية حق عيالي باندات خضر وعليهم وردة عباد الشمس كبيرة

وشحلاتهم وقت التصوير وكلهم لابسين هالباندات…

حتى احنا ابلات الصف نلبسهم بيوم التخضير ونصير طقم معاهم

حتى الناظرة تخلي صفي واجهة للروضة وتصورهم كل شوي وتخلي عيال الروضة يتصورون مع عيالي

احم احم

شارية ورد عباد الشمس من بو امية بس قبل سنيتن تقريبا والحين اهمه معاي وشحلاتهم

بس هالسنة مادري حابة أغير .. إذا لقيتلي فكرة يمكن اغيرهم

وانا ودي بفكرة يديدة بس ابيها ملفته للانتباه.. يعني عيال صفييصيرون مميزين