يرجع الزمن ورى ولا تسوين هالشيء

صباح الفجر …

ما أدري إذا هالموضوع مكرر أو لا … والسؤال أهو ,,

لو رجع فيج الزمن لي ورى شنو الشيء اللي ما تكررينه ؟؟

أنا عن نفسي ودي يرجع الزمن شهرين ورى… علشان ماأفكر أرفع سماعة التلفون أكلم مرت أخوي وأطيب خاطرها بموقف بايخ كان بيني وبين أخوي وتدخلت إهي و فهمته غلط ( مع إنها مالها شغل بالموضوع بس لقافه )
وطلعت على أصلها ووضحت لي أخلاقها الساميه عقب ما عاملتها بطيب أخلاقي كان هالإتصال أكبر غلطه بحياتي

نقرأ رجعة الزمن ورى ونتعظ

خوووش موضوع يعطيج العافية فعلا شكثر اتحلطم واتمنى لو الزمن يرجع واصلح
أخطائي اللي قاعدة أتـحسف اني سويتها واول شي ماسويه هو تخصصي الخايس بالجامعه وهو عربي متوسط وثانوي واللي بسبته ضيعت ثلاث سنين من عمري ,, مع إني كنت أبي تربية فنيه << فرق صح؟؟؟ والشغلة الثانية هي إني أغير تعاملي مع ناس معينين للأسف فتحت لهم قلبي وصرت لهم أحلى من الاخت بس للأسف طلعوا مو كفو

أفا والله يا بدويه طلعتي أبله عربي حق الشقا … تعبير وإملاء ونحو وصف وبلاغه وإختبار أول وإختبار ثاني وامتحانات وتصحيح ….لالالالالالالالالا بصراحه تعب بس ما تبين شلعة قلب بس أهون تعالي إبتدائي على الأقل ألف وباء تونا على المفعول من أجل ما أدري منه والضمير الغائب وعووووووووووووووه نحو

لوووووووووووووووووووووووووول
انا غلطه عمري لما ولدت بالسلام ..
وكنت رايحه عادي ولا يولدوني

اه بس لو يرجع جان اسوي البلاوي

اه بس اه

بخاطري شي واحد تحسفت عليه بعمري كله !!!
بس ما اقول إلا "حسبي الله ونعم الوكيل"
( لو) تفتح عمل الشيطان
لكن المؤمن لا يلدق من الجحر مرتيييين
الحمد لله على كل حال
اللي فات مات وخلكم اعيال اليوم…والزمن ما يرجع لكن خلايا العقل تتجدد ونتعلم ونستفيد من اي شي تحسفنا عليه …إلا الخير والطيب والاخلاق الراقية حتى اذا ما جالج من وراه خير دنيوي فأجره ثــــــــــــــــابت وهذا اللي يبرد الجبد
ودمتي ياللي طرحتي الموضوع وحركتي الشجون

ما اعطي ثقتى لانسان مو اهل للثقه بس

ابيه يرجع 3 سنوات ورى بالضبط بالتمام والكماااااااااال

أبي هالزمن يرجع يرجع يرجع عشر سنوات وأكثر ويوقف ولا يمشي

اتمـــــــــــــــــــــــنى لو سنه وحده بس يرد ورى بس سنه

لالالالالالالا ما يصير صار موضوع ألغاز
لازم لازم كل وحده تقول ليش تبي الزمن يرجع الدعوه دردشه يه ترى أعصب

أبي ارجع وارضى بزوج كنت رافضه ولا لقيت له مثيل

اه اه اه فتحتوا المواااااااجع

اذا رجع الزمن ورا ما اصير ابله عربي لاني كنت علمي ومعدلي عالي بس مع الزواج اضطريت احول عربي

واذا رجع الزمن ورا احاول ان ادخر شي من معاشي لاني رصيدي اخر الشهر صفر

واحاول اتعامل مع الناس بحذر وما اعطي اي احد سري

ووووووووووووووووووووووووما راح نخلص

مشكورة أختي مون 14 عالموضوع الحيوي
وانا عن نفسي أتمنى الزمن يرجع عشان أتفادى تجربة سيئة و أغير طريقة تعاملي مع بعض الناس وأكون أكثروعي واترك السذاجة والطيبة اللي تعتبر بهالزمن غباء وضعف وأخلي نفسي أول الاولويات في حياتي
بس أرد واقول لو ما مريت بهالتجربة ولو ما تعاملت مع نوعية سيئة من البشر جان ما تعلمت أشياء الانسان لا يمكن يتعلمها الا بالتجربة الشخصية والانسان الذكي يتعلم من تجاربه السيئة وما يكرر غلطاته
لكن عزائنا الوحيد كمسلمين ان الله تعالى لا يضيع أجرمن أحسن عملا ورسولنا الكريم قال بما معناه ان المسلم الذي يخالط الناس ويصبر على اذاهم افضل من المسلم الذي لا يخالط الناس ولا يؤذونه
وسلامتكم واسفة عالاطالة

انا ودي يرجع لمرحلة المتوسط
واقراء لر سالة جتني و كنت معصبة
وشققتها وقطيتها بزبالة المدرسة

وارجع مرحلة الثانوي واخليها مقررات
لان اهلي اللة يحفظهم حولوني من مقررات الى عامة

اهم شي الرسالة ودي اعرف شنو مكتوب داخلها