ياعروسه من وين خذيتي بدلتج البيضا ؟ ساعدو المتوهقات مثلي:(

السلاااام عليكم

بنااات*
عرسي مابقى عليه شي

وماشريت * بدلة العرس لما الحين
مادري وين اروح !*
ع اساس بروح الرياض اخذها من هناك*
بس ماقدرت
ومادري شسوي *

قولولي بدلاتكم من وين ؟ وبجم سواء شاريتها او أجار
وياليت مع العنوان والرررقم

*

انا والله شريتها من بره
وـآب لـ عيونج

xxxxxxxxxxxxxxxxxxxxxxxxxxxx

تنبيه من الاشراف

العروض التجاريه الخاصه ممنوعه
حسب ما هو موضح بالقوانين المثبته بالقسم

شوفي حبيبتي اذا ستايلج ناااااااعم حيل انصحج بزياد انطوان او اخذي جاهز من برونوفياس اللي بثري سيكتي او محلات ليلى
اما اذا تحبين الفخم اللي فيه شغل مو شرط يكون الشغل اوفر روحي لوسميه المانع او بشرى العيدان
انا اجرت من وسميه المانع وكانت بدلتي اسطووووريه فخامه واناقه بنفس الوقت
وموفقه ان شاء الله

والله يابنات انا رحت للخبر مشاغل شارع سويكت روعة وبعضهم نفس المشاغل اللي عندنا هم عندهم 300 او 400 دك وعندنا 1000 الي 2000 مستغربه من اسعار المشاغل الكويت –هل العروس الكويتيه تبيض ذهب — او قاعدة علي كنز مع انها افقر وحدة بس الكل طامع فيها حتى الصالونات لما تقولين عروس مكياج مع تسريحة 400 دك واي وحدة ثانيه نفس المكياج والتسريحة 90

اي والله عدل كلامج قطيعه ياكلون الوحده اكال

والله يعين اختي

اب اب انا فصلتها اب اتيليه

حيآتي عندج رشا شيك وزياد أنطوان و الدزه ووسميه المانع

يعني في كذا مكان يبيلج فراره وتدورين عدل

والله يووفقج ويسهل عليج ..~َ!

باذن الله تتوفقين حبيبتي وتلاقين بدله حلوه باقرب وقت

تحياتي

وسيمه المانع
رفيجتي بدلت عرسها ..تجنن روووعه حييييييييييييييييييييل
انا ناويه اجــربدلتي منها غلااتي
والله ويوفقج يارب..

ويوفقنا

ان شاءالله تلقين أحلى بدله بقرب وقت

،

أب أب

نصيحتي لج زيادد انطوان صراحه ذرب وناعم وانات توني فااره عليهم والله كلهم لووعه بالذات انجفه ماعجبني خبه شوي ما ادري انصحج تشوفين على عينج احسن عند زيادد والله يوفقج حياتي وووو بعد روحي لشروق سالمين

انا عرسي كان السنه اللي طافت بدلتي سويتها عند شروووق سالمين بدووون مبالغه الكل انجن عليها طبعا انا محليتها لوووول
بس قسم بالله تجنن مابقى أحد ما سأل عنها وبعت ورى عرسي بأسبووع قولو ماشاء الله

واكسسواري كان غريب عباره عن خاتم وتراجي ستايلها غريب بس ماحبيت ابيعهم اخاف اتحسف قلت بأجره وترددت لأني مسويته غالي

بس انا فريت على كل الاتيليهات ماعجبني الا شغل شروق سالمين وانا بعد ماحبيت البس شي احد لابسه وهي نظامها ماتحب تكرر البدل البيضاء فأنصحج فيها