|
|
–
–
السلام عليكم ورحمة الله وبركاته
عرايس أي موضوع تستفيدون منة أو معلومات
| Hands & Feet – اليدين والقدمين |
سواء من الصيدلية أو عناية خاصة الخ
ياليت تذكرونه هني عشان يكون مرجع لكم
وأنا بعد بحط لكم
دعواتكم
وموفقين
مشكلة تسمين اليدين من المشاكل المنتشرة بين النساء في عالمنا العربي، فالكثير منهن يعانين من نحف أيديهن ويبحثن عن الحلول التي تجعل أيديهن أسمن بدون أن تتأثر باقي أجزاء الجسم، واليوم سنقدم لك الحل وهو خلطة طبيعية لتسمين اليدين والتي سنقدم لك تفاصيلها فيما يلي:
مكونات خلطة تسمين اليدين:
تحتوي مكونات هذه الوصفة على العديد من المواد المغذية والمتواجدة في منازلنا بشكلٍ مستمر، والتي لكلٍ منها عمله المنفصل عن الآخر كما لا يمكننا الإستغناء عن أي واحدِ منها وهي:
– الحليب:
فالحليب مبيضٌ ومغذي للبشرة فهو يزودها بالفيتامينات اللازمة لكي يحفزها على السمنة.
– الخميرة العربية:
تؤدي الخميرة العربية مع الحليب عمل الهرمون الطبيعي الذي يسمن اليدين دون أن تتأثر باقي أجزاء الجسم بهذه السمنة.
– الليمون:
يعرف الليمون بقدرته على تبييض البشرة ودعمها بالفيتامين المطلوب الذي يؤدي إلى سمنة اليدين.
الشوفان:
يحتوي الشوفان على الحديد والخمائر الضرورية للسمنة.
– النشا:
أما النشا فهو العنصر الأساسي الذي يحمي اليدين من اسمرار اللون أثناء استخدام هذه الوصفة، ويعطيهما رونقاً ناعماً خالياً من البقع.
مقادير خلطة تسمين اليدين:
تحتاجين إلى 0.25 كوب من الحليب وملعقة صغيرة من الخميرة العربية و 2 ملعقة من عصير الليمون و 2 ملعقة كبيرة من الشوفان وملعقة كبيرة من النشا.
طريقة تحضير خلطة تسمين اليدين:
نخلط الخليط بشكلٍ جيدٍ ومن ثم نقوم بدهنه على اليدين لمدة نصف ساعة ثم نغسله بالماء الدافئ، نقوم بعمل هذا الماسك يومياً لمدة شهر وبإذن الله سوف تحصلين على النتائج المرجوة.
تحتاج كل سيدةٍ أن تحافظ على أناقتها ومظهرها الخارجي أمام زوجها وأمام صديقاتها وهذه الوصفة إحدى الوصفات التي ستساعدك على الإعتناء بنفسك، وإن كان لديك أي وصفاتٍ أخرى تودين أن تسألي عنها شاركينا بطلبك وسنكون مسرورين بالإجابة عنه.
المصدر :
– الى الاماام
|
المشاركة الأصلية كتبت بواسطة إلشآمخة
 حلاته ضعيفة ولا وسط بس مو سمينةة
– الى الاماام |
واللي اقصده بالسمنه تكون " وسط "
على حسب كل وحدة ودرجة السمار اللي فيها بتحصل نتيجة مرضية
قبل:
بعد:
تبين لون ايدج وريلج يرد مع تفتيح ونعوومه خياليه عيل مالج الا عنايتي وبالصور
تبين لون ايدج وريلج يرد مع تفتيح ونعوومه خياليه عيل مالج الا عنايتي وبالصور
ما شاء الله و لا قوه إلا بالله
هذيله الصور اللي موطالعين طلعتهم بقوقل
عنايتي مع "الاطراف الانثويه" للمسابقه بالصور
https://www.q8yat.com/t1069908.html
وهـ يا زين رجيلاتي ~ 97% لا معاناة بعد اليوم .. ~ بالصور تجربتي
اسم صاحبة الموضوع :
عآبره سبيل
——
هذه بعد اذن صاحبه جلاله الموضوع بضيف اناا
بسم الله الرحمن الرحيم
حبيباتي اخباركم ؟ ان شاء الله بخير ..
انا حالي زي حال أي وحده هنا فالمنتدى ..
محد كامل (والكامل الله) .. لكن دائما نطمح ان نفيد و نلاقي حلول لبعض ..
و خلال مواضيعي الثلاث قلت لكم ما احب ابالغ بالنتيجه ..
واحب استخدم اشياء ما تكلفني اكثر من 50 ريال ..
( والله مو بخل .. لكن فيه منتجات كثيره غاليه ما استفدنا منها ابد )
تخلصت من 95% من "الرؤوس السوداء" .. ولي اكثر من "3 شهور" على هالحال ~ بالصور
و اخيرا وبعد عناء .. تخلصت من 85% من النقط البنيه في السيقان .. والحل بسيييط <<بالصور
خلط الكريم + القهوه التركيه = ؟؟؟؟ ~~ بالصور
——
واليوم حبيت انزل موضوع جديد ..
بصراحه .. القدم بالنسبه لي اهم منطقه فالجسم ..
ما ادري ليه عندي احساس ان اذا كانت القدم ناعمه و مو خشنه و موحدة اللون
هي اللي تبين انثوية البنت اكثر من يدها ..
هذا رأيي طبعا ههههههه عندي عقده مع الاقدام ..
لكن بإذن الله اليوم بتكون هي نهاية المعاناه عندكم .. مثل ما انتهيت من 97% منها ..
——-
طبعا اغلب البنات يكون عندهم بقع في القدم من الشوزات (وانتوا بكرامه) او الجلسه على الارض ..
و غالبا هالاماكن تكون هذي :
1) خلف القدم .. (اليرقوب) .. ( خف بنسبة 86%)
2) قريب من الكعب .. "وهي كتله سوده مادري من وين تطلع" .. ( قدمي اليمين راحت 100% و اليسار 97%)
3) جنب اصبع القدم الكبير .. ( في القدم اليمين و اليسار راحت 100%)
ملاحظه/ انا ما اعاني من اسوداد الكعب .. لكن ممكن تجربينها عليه ..
نبدأ بسم الله ..
كل ما تحتاجين له اشياء بسيطه ..
– ربع ملعقة جليسوليد ..
– ربع ملعقة فازلين ..
– اقل من ربع صابونة دوف الورديه ..
ملاحظه/ ممكن تجربين صابونه ثانيه اذا ودك لكن مادري اذا النتيجه نفسها او لا
– نصف عصير ليمونه ..
اول شي ناخذ صابونة دوف ..
و نقطع مقدار اقل من ربع ..
ملاحظه/ انا جربت الطريقه 3 مرات .. وما استخدمت الا نص صابونة دوف ..
طبعا انتي و على راحتك كيف تقصينها .. البعض يحكها بالسكين عشان تصير مبشوره على طول ..
ولا صيري زيي و ابشريها بالمبشره و افتكي ..
— يــتبــــع —
نصب عليها عصير الـ نصف ليمونه ..
بعد الخلط ..
و نضيف ربع ملعقة جليسوليد .. تقريبا هالمقدار ..
بعد الخلط ..
نضيف ربع ملعقة فازلين .. تقريبا هالمقدار ..
ملاحظه/ ترى الفازلين ربع ملعقه لكن وانا اصور صار سايح و كأنه نص ملعقه ولا هو اصلا ربع ملعقه)
بعد الخلط .. بتكون شوي ثقيله .. زي كذا ..
و بعدها حطيها على رجلك .. و حطي على الاماكن الغامقه طبقه اكثف ..
طبعا لا تظنينها زي الكريم بتتشربها البشره ..
لا لا حطيها و بتكون خلطه بيطه على رجلك ههههههه ..
و جيبي كيس نايلون ..
ملاحظه/ اذا بتستخدمين الكيس العادي تأكدي انه خالي من الوسخ او أي قطع صغيره ..
انا استخدمت هذا الكيس .. حق تغليف الاكل .. اقصه على مقاس اكبر من رجلي بشوي ..
و ألبس فوقه شّراب (جوارب, دلاغ) .. واقعدي فيه مده لا تقل عن ساعه ..
اذا مرت ساعه .. شطفي رجلك بالمويه بس (بدون صابون) ..
بعدين خذي الحجره السوده او البيضه .. ( انا استخدمت البيضه ) ..
ملاحظه/ ممكن تستخدمين الفرشاه الخشبيه حقة القدم من بودي شوب بدل الحجره لكن انا ما جربتها فـ ممكن انها ما تجيب نفس مفعول الحجره البيضه ..
و افركي رجلك خصوصا على الطبقات الغامقه .. لكن بخفيييف لا تجرحين نفسك .. بعد ما تخلصين من الفرك اغسليها بالصابون اللي يريحك ..
و اذا خلصت من كل شي ارطب رجلي بـ نيفيا زيت اللوز ..
وبس ..
———
النتايج :
مدة استخدامه:
استخدمتها 3 مرات فقط وشفت نتايج واااااااو ..
كيفية استخدامه:
تحطين الخلطه على رجلك مده لا تقل عن ساعه ثم تشطف القدم بدون صابون و تستخدم الحجره البيضه او السوده
تفركين فيها المناطق الغامقه .. بعد الفرك اغسليها بالصابون اللي يريحك ..
النتيجه:
ورببببي نتييييجه مذهههللللللللللللله .. تقريبا ككل رجلي تحسنت بنسبة 97%
صرت امشي على رجلي فالبيت بكل فخر .. واختي تطالع تقول كأن فيه بقع برجلك وينها ؟؟؟
حتى حسيت الفرق بمفاصل رجلي .. بدت تتوحد ولله الحمد ..
مدة النتيجه:
من اول مره شفت النتيجه على ..
1) البقعه القريبه من الاصبع الكبير (وصراحه هي كانت معقدتني و ذهلت من اول مره خفت بنسبة 50%)
2) البقعه اللي قريبه من الكعب ( آآآآآه كانت معذبتني بشككككل)
و من ثالث استخدام شفت التحسن بـ خلف قدمي (اليرقوب) ..
————–
ان شاء الله ما طولت عليكم ولا كثرت كلام ..
حبيت اني افيدكم وما اطلب منكم الا ياااارب يتحقق اللي في بااالي و يجمعني معه ..
أي سؤال حاضره للغالين ..
ملاحظه مهمه/ هذي الخلطه للاستعمال مره وحده .. يعني ماتحفظينها او شي .. لا لا على طول تخلطينها و تحطينها على رجلك .. هي تكفي اصلا حق رجلينك الثنتين لمره وحده فقط ..
منقوووووووول
