يا صاحبات الخبرة في التدريس والتربية أنقذوني

السلام عليكم ورحمة الله وبركاته

أبي أدخل بالموضوع على طول لأنه استفسار لذوات الخبرة

أنا معلمة لغة عربية متوسط وثانوي :::لي بالتدريس خبرة 4 سنوات
لو بحول تخصصي إلى ديكور وكهرباء ::: شنو الطريقة المتبعة؟ وهل يصير وإلا لأ؟
مع العلم إني كنت علمي بالثانوي وبالجامعة سنتين فيزياء وكيمياء وحولت للعربي.

سمعت إنه يصير عن طريق دورات بسيطة وأحول؟هل هذا صحيح
وإذا صحيح وين أروح ؟ ولمنو ؟

والله يجزاها خير كل من ردت علي أو رفعت لي موضوعي .. وعسى ربي يرزقها من رزقه من كل أبوابه..

للرفع

أول مرة أسمع إن معلمة العربي تقدر تحول تخصص ثاني !!

والله اول مرة اسمع معلمة عربي تحول ديكور و الفرق واضح من الشقى الى الراحة

للأسف محد قال لي شلون أحول؟
ليش أول مرة تسمعون:
عندنا مدرسة عربي متوسط حولت إلى إسلامية متوسط بس تقاعدت من سنتين
وعندنا وحدة مدرسة اجتماعيات كانت لغة عربية وحولت عن طريق دورات ومادريت عنها لما تقاعدت طبي هالفصل.
وفيه وفيه .. بس ما أعرف أحد ألحين يفيدني؟
إن ماحصلت هالشي بطلع من التربية وأصير مطبقة بجوازات الكويت أريح
واستفسرت عن هالشي حتى الراتب زيادة250دذعن ألحين.بس صعبة أترك بيتي يومين!!!!!
أبي أظل معلمة بس غير اللغة العربية؟

يعتمد على التخصص حبيبتي لأن الي يدرسون لغة عربية ابتدائي بدراستهم يا يكون المساند إسلامية أو اجتماعيات علشان جذي اللي تعرفينهم حولوا هالتخصصات أما ديكور وكهرباء ما أتوقع ..

وكان الله في عونج لأني نفس مجالج وصارلي 8 سنوات أكافح إني أطلع .. التدريس مثل القبر استغفر الله إذا دشيتيه مو بالساهل تطلعين منه

ما اظن يصير

حبيبتي إنتي تخرجتي من الجامعة تخصص لغة عربية متوسط وثانوي صح؟؟
إذن ماعندج مساند علشان جذي ماتقدرين تحولين حق اجتماعيات او اسلامية لانج مو ابتدائي وبعدين شلون تتعينين على تخصص معين وتبين تحولين لتخصص ثاني بعد التخرج مايصيرالا اذا بتحولين اداري لج مطلق الحرية اما التدريس لأ… تحياتي

السلام عليكم الله يوفقج
بس لاتزعلين من كلامي انسي الموضوع نهائيا الكل يتعين على تخصصه
اما اللي حولت تربيه اسلاميه مان تخصصها المساند اسلاميه وبواسطه حولت لان فيه مجال بالواسطه تحول للتخصص المساند مع ان التربيه تعتمد في التعيين على التخصص الرئيسي ومثلها الاجتماعيات اما ديكور وكهرباء ما عمرها صارت ولا راح تصير

ما أتوقع يصير إلا إذا كان مساندج ديكور …وأكيد مساندج مو ديكور

ونفس ما قالو البنات إللي حولو مساندهم يكون نفس التخصص إللي حولو له

..بعد آنا أعرف وااايد ابلات حولو بس تحويلهم كان على حسب مساندهم

موفقة يالغالية

7

7

وناااسة لو يصير نحول من تخصص لي تخصص ماله شغل بدراسته

اول من يحول انا من انجليزي لي رياضيات << من ردي لي اردى

بس شسوي احب الرياضيات

سوري حبيبتي طلعت عن الموضوع بس زين لو يصير

على قولة طالبة 1990والله وناسة

يصير أحول من تربية إسلامية إلى رسم ألوان أقصد تربية فنية

أو إلى تربية طقطقة أقصد تربية موسيقية

الملخص :- كااان زين ما كنش حد غلب