يا شباب هالكلمه لكم .

تقعد نصف الليل تبجي ودمعتها تنزل وتصب من قلب محروق مكسور

ماكو أحد يسمعها او يشوفها

مختنقه ومحتارة ما تدري شنو تسوي

تدري غلطت وتلوم نفسها

لكن واحد استغلها واستغل عاطفتها وقلة خبرتها في الحياة

ولعب بمشاعرها

نفس ما أنت سويت في بنات خلق الله

ليش يا خوي؟؟

اللعب بأعراض الناس صار شطارة منكم وهذا مطلوب عشان تكتمل رجولتكم

والرجوله ما تيي الا بهتك عرض الناس ؟؟

حتى لو أيهي سيئة حتى لو أيهي يتلك بريلها

تذكر قصة سيدنا يوسف عليه السلام

ماقال أنا نبي الله وايهي حدتني

وما قال الله يعرف أني ماقدر أمسك نفسي

ولا قال ايهي يتلي بريلها

ولا قال ايهي موزينه وماشيه بطال

ولا قال فرصة بنت مقشرة زاهبه مينون انا أطوفها

الكل يدري انها ايهي الي كانت تحرضه على الغلط

لكن قال معاذ الله أن اعصي ربي

والسجن كان احب إليه مم كان يطلبون منه النساء من فجر ومعصية

ليش ياخواني تسون في البنات جذي؟؟

انتم رجال عقولكم اكبر ما تتحكم فيكم العواطف

تقول حق بنت انا أبي اتعرف عليج من باب الزواج

او خلينا نكون صداقه ونكلم بعض نستانس

او خلينا نحب بعض ونكلم بعض من ورا أهلنا حتى لو ما كنتي من نصبيي

أنا أحبج بس أمي موراضيه لأتزوج

أنا أحبج بس الحين ماعندي فلوس

أنا أحبج وأبيج بس لازم أعرفج أكثر

أنا أحبج فخليني أشوفج

أنا أحبج وأغار عليج بس خليني استانس وياج بالتلفون وغيره …..

أنا وانته يا خوي ندري زين انه هذا عذر قبيح وكاذب

انته تسمع البنت الكلمه الي تبيها

الزواج والحب

وكل هالخداع علشان شنو؟؟

عشان شهوه تستمر 5دقايق؟؟ 10 دقايق؟؟ نص ساعه ؟؟ ساعه؟؟

شكثر يعني بطول؟؟

وبعدين خذيت الي تبي وخلصت منها وبعدين ؟؟؟

شنو استفدت من بعد ماخلصت وراحت الشهوه ؟؟

غير انه ستر بنت وناس راح

انه عرض ناس هتك

غير انك راح تعاقب عقاب شديد يوم القيامه وفي قبرك

غير انه الله ماراح يتركلك هذا الشي

وراح يرد عليك بنفسك او بأقرب الناس لك

او في شخص انته تحبه وتعزه

لا تقول والله أكبر أروح الحج أستغفر

اول شي محد ضامن انه يعيش حتى لي نهاية موضوعي

ثاني شي الأعمال بالنيات وانا اختك

يعني تلعب وتسرسر وتخربط وتسووي الي ما يتسوى

بعدين تبي البنت الشريفه العفيفة الي تحفظ بيتك وتتتزوجها وتروح الحج وتقول يا رب استغفرك من كل ذنب

لا ياخوي ذنبك مو مغفور ولا عذرك مقبول لأنك مبيت النيه

للتوبة شروط واحكام

وأهم شي

والله وين بالموضوع هذا كله؟؟

لا تنظر الى المعصية انظر لمن عصيت

ليش الحرام؟؟

مثل ما تخاف على شرفك هم غيرك يخاف على شرفه

الا ما ترضاه على اختك وبنتك وأمك وعرضك

لا ترضاه على غيرك

والأ ياويلك

كل بنت عرضك لا ترضا أحد يدنس شرفك وعرضك

اذا مو زينه وخر عنها

ترى

الدنيا تلف وتدور مو تقول أتوب مو تقول أستغفر

هذا حقوق ناس

والله ما يتساهل مع الي يهضم حقوق الناس

والي يكسر قلب بنت الله يكسرله ضهره حتى لوسامحته حتى لو استغفر

لأن في شي اسمه عواقب الأمور

وأنا هم ألوم البنات ترى ولاأقول بريئين

بس انته الرجل

انته لك القوامه

ايهي تسعي صح ايهي خربانه ووقحه صح

لكن انته الي يخليها تكمل او توقف

لو كل واحد يقول جذي جان البنات الصيع ما يلقون شباب يصيعون وياه

أخواني الشباب

تذكرو العقاب والحساب في القبر أخواني

كل بنت عرضك لا ترضا أحد يدنس شرفك وعرضك

اذا مو زينه وخر عنها

عذرك الي تقول فيه ليش كلمت بنت

تخيل تقوله حق منكر ونكير في القبر

شنو تهقا راح يسوون فيك؟؟

يالله يهديكم يا شباب ويا بنات

الله يجزاج خير ويجعله في ميزان اعمالج هذي المواضيع اللي تفتح النفس واللي يستفيد منها ادم مو الخرابيط اللي وين تحبين القبله ووين وين الله يهدي الجميع ويصلحهم

مشكورة موووووووووووووووووووووووووون مبدعه دايمااا

الله يسلمج حبيتي ومشكووره

هذا كله من فضل ربي

ام شوووووق والله والله لج وحشة بعد عمري مشكووورة انتي

على راسي كل كلمه قلتيها ,
موفقه كل خير ..

يا ليت والله يدخلون الشباب مواضوعج من خلف الكواليس " يعني من غير تسجيل عضوية " لووول
عشان يتعظون ويكون تذكير لهم ….. واللي يهتك اعراض البنات تدور الأيام وعرضه يهتك سواء بناته أو زوجته …. إلخ
اللهم استر على بنات وشباب المسلمين
موضوع راااااائع

جزاك الله كل خير والله موضوعج وايد مهم
وإن شاء الله الناس تتعظ

يا عمري يسلم راسج العفو حبيبتي

حبيبتي مشكرو لأضافتج وانشاءالله تعم الفايده

انشاءالله حبيبتي مشكورة

مشكوره يالغاليه عالموضوع الحلو وصاجه يكثرهم في زمنا هذا الله يهديم ويستر علي بناتنا وبنات المسلمين بالعافيه وننتضر موضيعج الجديده

جزاااااااااااااااااااااااااااااااااااااااااااااااا ااااج الله ألف خيييييييييييييييييييييييييييييييييييييييير

صاجة و يعطيج العافية

ان شاء الله يسمعون هالحجي عاد!

موضوع قمة في الرووووووووووعه جزاج الله الف خير