ووين اروح علشان اسجل بالجامعه

حبيبتي تاخذين معاج شهادة الثانويه الاصليه والبطاقة المدنية الاصلية ونسخه عنها وصورة عن الجواز وشهادة راتب من اي بنك باجر لا رحتي قبل لاتروحين مري اي فرع للبنك مالج واخذي شهادة تحويل الراتب هذي مهمه للاعانه ماشي ولازم تكون بطاقتج المدنيه مو منتهيه ديري بالج لان اذا منتهيه ما يسجلونج وجيبي معاج عشر دنانير هذا رسوم التسجيل اسمعيني تروحين جامعة الكويت بالشويخ بعدها تروحين عند مكان تسجيل الطلبة المستجدين تلقين المكان يم الاستاد هناك وانتي اذا ماعرفتي اسألي الناس ويعلمونج طبعا راح تسجلين رغباتج وكل شي وبعدها تاخذين الظرف اللي سجلتي فيه وتروحين للصاله الثانيه لما تروحين يقولوج اذا انقبلتي قبول فوري ولا لا او انج تنطرين اسمج يدزولج مسج او تنطرين الجريده ماشي وهذا موقع عمادة القبول والتسجيل عشان تتاكدين من الطلبات
https://www.reg.kuniv.edu.kw/

جزاج الله خير اختي ما قصرتي كفيتي ووفيتي
بس هل في مقابله والا متى؟
وانا سمعت ان نختار الدكاتره هل صح والا لا ومتى نختار بالتسجيل والا وقت ثاني
شنو يسألون عنه ؟

مشكوووره

المقابلة حق كلية الحقوق و كلية ثانية بعد أعتقد التربية ..

موفقة ..

ياقلبي لا ما يسوون لا مقابله ولا شي المقابلة الشخصيه بس للي بتسجل حقوق او تربية عرفتي انتي دشي الموقع وتعرفين كل شي اهو بس تسجيل عادي تعبين الاوراق وتودين الظرف عرفتي وبس ويقولون لج اذا انقبلتي فوري واذا لا اي سؤال حاضره للحلوين

اختي تسجلين مواد وتختارين دكاتره اذا كنتي قبول فوري..

والتسجيل بالشويخ بصالة ام تي سي..

وموفقه يارب..

عاد شعرفنا بالدكاتره الزينين:/

يعطيكم العافيه جميعا

واذا اقبلوني فوري ما اختار دكاتره ولا احدد التخصص صح ؟؟
ادري طولت عليكم

جدول انقبلتي ولا لي الحين؟؟

في وايد طرق..

يان تسالين بنات القوائم واستفيدي منهم ..

او تسوين لج جدول وتحطين اكثر من ماده احتياط..

والدكاتره تسالين بالمنتدى عنهم وتشوفين بموقع قيم مدرسك..

واذا احد من اهلج او رفيجاتج بهالكليه بفيدج..

وموفقه يارب..

رونه انا مو فوري قالولي انطري:/

اول ما يقبلوني بسأل ان شاء الله بنوتات المنتدى ان شاء الله يفيدوني

حبيبتي ان شاءالله تنقبلين , واذا انتي مو ناجحه بالقدرات انجليزي حطي في بالج ان لازم تاخذين تمهيدي انجليزي وماده ثانيه , يعني دوري من الحين اسامي دكاتره زينين وموفقه حبيبتي

يعطيكم العافيه جميعا ما قصرتوا كفيتوا ووفيتوا ويزاكم الله
خير على كل شي وعلى اسألتي اللي ما تخلص
الله يوفقكم جميعا

حبيبتي سوسو نسيت شغله بعد من الطلبات يبون صورتين شخصيتين

يمه بنات شسالفه بدا التسجيل ؟؟ انا للحين ماحددت شنو ابي

زين اسمي فيه غلط من الوزاره اروح اعدله ولا ماله داعي ..؟

متى يخلص التسجيل ؟ ومتى بدا ؟
وفي سؤال محيرني من زمان يكتون دايم الكليات التي تعتمد على المعدل المكافئ زين اذا مابي اعتمد على القدرات ابي تمهيدي لاني اسقط فيهم دايم

يربي احس اني داجه بنات نورني تكفون