السلام عليكم
اتمنى اني القى الحل عندكم وياليت تفيدوني
ولدي عمره 7 سنوات بس ماشاء الله عليه عنده نشاط مفرط وحركة زائدة في البيت والمدرسة والكل يشتكي منه المدرسات والتلاميذ واولياء الامور حتى الاهل ما يخلي احد بحاله مع انه شاطر وذكي بالمدرسة وهو طالع الاول على المرحلة اللي فيها حتى المدرسات صابرين عليه لان ذكي ويقولون انه سابق عمره
بس مشكلتي ان مفشلني مع الكل وما ادري شلون اعدل من سلوكه
اسم الله عليه لاتنضلينه .. اول مره اشوف ام تقول عن ولدها جذي .. اسم الله ع=لازم الولد يكون حركي .. انا اشوف كل الاولاد جذي بس تستغربين اذا ولد قاعد عاجل هذا الي تقولين مو طبيعي
حبيتي اوبرا مشكورة على الرد انا معاج هو لازم يكون حركي بس انا ابي احد من حركته الزايدة اللي يسمونها قلة ادب في بعض الاحيان
الله يهديه ويهدي سره والحركة المفرطة ترى مرض بس القاعد إسويه ولدك شيء ثاني اسمة لفت الإنتبه حاوريه أكثر ولا تلومينه وخليه يثبت وجودة في أشياء يطلع طاقته فيها مثل انك تشركينة في نادي رياضي بالإضافة انك تعطينة أعمال منزلية حتى لو ما سواها عدل مومشكلة المهم أنجز
والله يا ام عبدالعزيز فكرتج حلوة اني اشركه بنادي رياضي صح يمكن يطلع الطاقة اللي فيه بس عندج فكرة بالاماكن الزينة اللي ممكن تفيده
حبيبتي نفس وليدي الله يحفظة ويحفظ لك ولدك شوفي حاولي تبعدين عنه المواد التي تحوي على السكريات بقدر المستطاع وانا لقيت حل بعد وايد ريحني ولله الحمد وشفت نتيجتة بصورة سريعة ماشاءالله وهو بالنهار أو بعد ما يرجع من المدرسة أو قبل صلاة المغرب بنصف ساعة أقعد وليدي جدامي وأكون أنا امام القبلة وعلى طهارة ووضوء أقرأ عليه سورة يس وانفخ وبالليل وهو نام بعد على طهارة ووضوء أقرأ عليه سورة الغاشية ونفس الطريقة والله راح تشوفين شئ راح يريحك ويريحة بإذن الله
وهذا عن تجربة وأختي كلام الله كله نور في نور
وبخصوص النادي ممتاز انا بعد أكثر شئ نفع معاه من بعد ماجربت رياضات كثيرة وهي رياضة السباحة ماشاءالله مفيدة ويرجع تعبان كل طاقتة مفرغها هناك
الله يخليه لج انشالله
حاولي تحاورينه على انه ريال كبير
سأليه شنو النادي اللي يحبه .. و وديه خل يشترك فيه
و لا تودينه عيادات .. ديري بالج
اعرف وحده ودت ولدها حق دكتوره اطفال و عطته حبوب ..
و الحين الولد مسكين ما يتحرك من مكانه (( الله يحفظ عيالنا يارب ))
مشكورين على الردود حبابيبي وماقصرتوا والله يخليلكم عيالكم باتم الصحة والعافية
بس ابي اعرف اي نادي دخلتي وليدج يا ام عبدالله ويجابلونه عدل ؟
وأنا مع أختي أم عبدالله
والله يحفظ عيالك وعيالنا…
حبيبتي انا ولد رفيجتي كان جذي وايد تشتكي منه تقول طول اليوم يحوس ما يقعد وودته الدكتور قالها عنده نشاط مفرط ولازم تودينه مكان يفرغ فيه هالنشاط ودخلته كاراتيه والحمدالله من عقبها ارتاحت تقول يرد مهدود حيله يدور الفراش واذا مو حابة الكاراتيه عندج السباحة احسن وانفع
اقتباس:
المشاركة الأصلية كتبت بواسطة بنت ميلاني 
بس ابي اعرف اي نادي دخلتي وليدج يا ام عبدالله ويجابلونه عدل ؟
|
عزيزتي انا دخلت وليدي نادي المدرسة اهو في مدرسة خاصة وعندهم اشتراك للسباحة وعندهم مختصة لحالات الحركة المفرطة يعني منتبهين عليه عدل
بس لا تنسين القرآن