ولدي والبجي ساعدوني

السلام عليكم اشلونكم كويتيات …

ولدي والبجي الزايد اللي من غير سبب … ياليت تساعدوني لاني صج تعبت ولدي عمره سنه وشهرين والبجي اللي يبجيه ودلعاته هذي مو مخليني اسوي شي بس اراضيه واسكت فيه .. لا اسوي شغلي ولا اطالع نفسي ولا بيتي

يبي العطر لا حبيبي يمد ايده ويبطل علجه ويصكر عين وعين يفتحها اذا ما عطيتوني بجيت وصج هذا اللي يسويه وانا شقتي جنب شقه خالتي وحمواتي يفشلني بصوته

حتي لو نزلنا تحت نفس الشي لما اكون بالدوام وادق عالبيت او عالخدامه اسمعه ساكت وهادي
خالتي تقول بس لما يشوفج يسوي جذي ولا باقي الوقت شحليله

يعني بجيه دلع بس صوته عالي ومستمر ما يمل ودمووع وبس نعطيه اللي يبي باقل من ثانيه يسكت

والله تعبت معاه يا بنات ودي يصير نفس عيال حمواتي اصغر منه واكبر منه مو بواجد بس ما اسمع اهم صياح كلش كلش 3 مرات باليوم هو متواصل

كويتيات تكفون شسوي … اااااااااه تعبت والله

حقرية بيتعب ويسكت لاتعطينة اللي يبيه لانة بتعودوباذيج ويفشلج جدام الناس مسكيةوطالعية وحاولي تكلمينةبالاول بعافر وماراح يسمع منج تالي بيستسلم تري الياهل ذكي وعارف انة هالشي ياثر فيج والدليل انةمايسوي هالحركةالا بوجودج

انا مو متزوجه ولكن من خلال حضور محاضرات وكذا سمعت دكتوره تقول ان لازم تقسمين وقت طفلك لثلاث اقسام
اول شي لازم يلعب نص ساعه لعب حركي يعني ركض يمشي ينط ووانتي تلعبين معه
ثاني شي لازم تعطينه الوان خشبي يلون ويرسم وكذا
وثالث شغله لازم تقصين وتلصقين معه انتي تقصين بالمقص وهو يلصق وانتهبي من المقص لازم انتي للي تقصين مو هو
يعني تخصصين ركن بغرفته حق الرسومات للي سواها والقص والصق للي سويتوها مع بعض.

كل هذولا الشغلات تطلع الشحنات السالبه بالطفل وو تعلمي تكونين حنونه وتكلمينه بااسلوب حلو لان الطفل يبدا يكون شخصيته سبحان الله ترا يفهم لو تكلمتي معه وحاولي تكون طبقة صوتك واطيه وانتي تكلمينه وانتي تكونين في نفس مستواه يعني تجلسين على ركبك وتكلمينه او تححطينه بحضنك وتكلمين معه

بس هذا اللي عندي الله يرزقك بره ويصلحه ويهديه لك

اتمنى انك استفدتي من ردي

مشكوره حبيبتي لامار الصج انه من اول صيحه يجيه اللي يبي بس بحاول اشد عليه بس ما ودي بجذي جدام الخدامه لا تقلدني بغيابي الله يستر منهم بس بحاول اشتغل بنصيحتج

مشكوره يالغاليه

مشكوره نعومي علي كلامج بس هو خل يسكت بالاول ويبطل بجي عشان العب معاه

بس راح احاول فيه ماقصرتي يالغاليه عالفكره الحلووه مثلج

جنج تتكلمييين عن ولدي واهو بنفس عمر ولدج والله العظييييم نفس الطبع بس يشوفني يبجي بجي ويتدلع علي مايخليييني اتحرك وكل يبيني اشييييله وافتر فييييه جنه ماعندي شغل واذا يبي شغله لاااااااازم اعطيييه اذا ماعطيته يبجي بجي ويقط روووحه سمالله علييييهم اليهال على مايكبرووون يبيلهم قلب لووووول

صاجه دلع يبلهم قلب انا صايره ازفه اذا صاح واتحاشا اطالع بويهه لان اذا طالعت راح ينكسر قلبي واروح له واعطيه اللي يبي

اب اب
كويتيات بليز شوروا علي
بجيه زااايد ابي حل

اول شي ربي يخليه لج بس أنا أقول شكله متعود أي شي يبية يعرف بالبجي راح يخذة فعودية لا تعطونة أي أهتمام وخلوا يبجي ليما يسكت وجم يوم راح يتعود يعرف أن هالشي غلط مو أي شي يبية يحصله وتري الطفل ذكي ما يسوي جذي إلي عارف أن هالشي بيتنفذ له دايم سوي نفسج جنج ما تسمعينة بنفسه بيسكت وبيتعود.

كويتيات صيحته قووويه يفشلني شقه خالتي جمبي وابوه نايم اخاف يقوم
مافي حل غير هذا

حبيبتي لاتزفينه ترى مايفهم

واهوا يبجي لان يبي شي صح؟!

انتي لاتعطينه اي شي يبيه طنشيه

وترى حمولتج اهما اللي مخربينه اي شي يبيه يعطونه عشان يسكت غلط

كلميهم قوليلهم لاتعطونه اي شي يبيه غلط اذا شفتيهم زعلوا سكتي بعد شتسوين

أحسن حل تاخذين إجازة يومين ثلاثة أو حتى أسبوع

وتعطين حمولتج خبر إنج بتعودينه ما ياخذ اللي يبيه عشان ما يستغربون إذا بجى

في هالوقت لما يبجي لا تعطينه أي اهتمام سوي روحج مو شايفته من الأساس ولما يسمع الكلام كافئيه

ما أعتقد بياخذ منج أكثر من 3 أيام إذا تفرغتي له … صج بتتعبون كلكم بس عقبها بترتاحون

الله يهديه ويخليه لج ويبلغج فيه ان شالله

peace بسكوته

تسلموون حبيباتي هو الموضوع سهل بس هو صيحته قويه وانا ما احب اشوفه يبجي

ادعوا لي كويتيات والله تعبت

بنات والله ما يطاوعني قلبي اسمعه يبجي واسكت

حبيبتي حاسة فيج

آنا بعد ودي أعود بنتي تنام بروحها لما أحطها بفراشها بس ما يهون علي أسمعها تبجي

الله يكون بعونج

انزين استخدمي معاه أسلوب المكافأة … إذا سمع الكلام كافئيه على طول

روحي سوق بو 100 لقطي له هدايا وايد من السوالف اللي يحبها وشوي شوي حاولي تعودينه