ولدي بالصف الثالث الإبتدائي مايعرف يقرأ ويكتب بس ينقل

تكفون حبايبي ساعدوني ولدي داخل الإبتدائي إمبجرالمدرسة بالصف الأول بعدة ما كمل 6 سنين وإلحين إهوا بالصف الثالث من أول الإبتدائي كانوا يدرسونة مدرسين تدرون مو نفس المدرسات وتدريسهم مو ذاك الزوود وإحين هالسنة شالو المدرسين وحطوا مدرسات يعني فيه كتابة وقراءة تعبت معاه بقراءة الأحرف الشي السهل إلي يقدر عليه بس يشوف وينقل ومايعرف شنو قاعد يكتب والحفظ القرآن عندة حيل صعب هالسنة تدرون الرياضيات في كتابة بالأحرف وهم إجتماعيات فيه كتابة وتربية وطنية هم كذلك الشاطر فيه بالحساب والإنجليزي ومتعبني حيل بالحفظ الآيات وإلحين تقريباَ المواد الأساسية كلها فيها كتابة وقراءة

عندة مشكلة بالنطق مشكلة الأحرف خاصة الأحرف إلي تطلع من البلعوم مثل ع ك ق وحرف سين يقولي ثين هذى مشمكلته من زمان قولولي شلون أتصرف معاه وإذا تعرفون معاهد أو مدرسين حق مشكلتة تكفون قولولي ويجزاها الله ألف خير إلي تساعدني وراح أدعيلها طول عمري

ولدج مثل ولدي مواليد شهر 1 2001

حرام وعليه صغاااااااااار

ييبيله مدرسه بالبيت تجابله اذا انتي مو قادره تجابلينه وقعدي انتي معاه وقت الدرس

وعسى الله يسهل

حبيتي سبائك ما عندي وقت دوامي ليما ساعة ثلاث وعندي بنت هم أدرسها بالصف السادس تعبت معاه وايد من صغرة وإلحين ماني عارفة شسوي والله يعيني وعينج ياربي على دراستهم

انا هم نفس المشكلة انا بنتي رابعة وما تعرف تقرأ عدل الله يعينا بحطها بالقاعدة الحلبية واجرب المدرسة بالبيت جربنها ماكو فايدة

كلمي الاخصائيه النفسيه يدرسون هالحالات

احيانا بعض المدارس مشكله وما ينتبهون للنوع هذا من المشاكل .. احسن لج تتلاحقين ولدج قبل لا يروح الوقت عليكم وتييبين له مدرسه او مدرس سوري او فلسطيني وتخلينه يأسس الولد باللغه لانه اذا ما فهم اللغه صدقيني ماراح يمشي بدراسته

الله يعينكم ويوفق عيالكم

اممممممممم
السلام عليكم
شلوونج
الله يحفظ لج عيالج ياارب
بس حبيت اقوولج ان بنات خالتي كبر ولدج ومايعرفون ينطقون ولا يقرون ودتهم معهد بحوولي ماشالله الحين صارلهم شهرين نص الحروف والكلمات يقرونها ويقولوونهااا .. اذا حابه اسال خالتي واخذ منها عنواانه

تقبلي مرووري ..

والله ياريت يا الغالية

ما تقصرين حبيبتي الله كريم إن شاء الله

الله كريم إن شاء الله مشكورة حبيبتي

الله كريم حبيبتي بسألج شنو القاعدة الحلبية

حبيبتى لا يصير بخاطرج الا كل طيب انا طرشتالج ارقام مدرسات عربى وانجليزى وايدددددددد ممتازززززات عن تجربة ما اعتمد على احد غير عليهم هذول حق تاسيس وبعد تحسين نطق بالشكل السليم

مشكلتج نفس مشكلتي انا ولدي برابعه ولا يعرف شي وديته بالعطله القاعده الحلبيه والحين صار له اربع اشهر معاهم

بس الحمد لله في تقدم ولو انه للحين ضعيف بس خطه صاير واضح واعرف اقراه مو مثل الاول وقايم يعرف الاحرف ويحلل الكلمه ويقراها

بس صعوبة الكتابه لحين موجوده

وامس مشيت معاه بطريقه لانه بالرياضيات ماكتب لا مستقيم ولا شعاع ناقل لي السوال بمكان الاجابه وشديت عليه وخليته يكتب الكلمه هجيتها له حرف حرف
وخليته يكتبها غصب مع انه كان يقول لي يمه اكتبيها انتي تدرون ليش عشان ينقلها وراح امشي معاه بهالطريقه

والله يهداهم عيالنا ما يبون الا اللعب

نصيحة من أم أنا ولدي كان نفس عيالكم ما يعرف يقرأ والحين ولله الحمد دخلته القاعدة الحلبية إلى بالصباحية وفرق كبير بين أول والحين حتى والله كسر خاطري لما عرف يقرأ كله يناديني يمه تعالي أنا عرفت أقرأ والحين الجريدة قام يقراها فنصيحة أم القاعدة الحلبية يعلمونهم الأحرف عدل وين أيام أول إلي أول ما ندخل يعلمونا الأحرف عدل مو الحين الدراسة تغيرت.

تكفين يابدويه اصيله ابي اراقام المدرسين الخصوصين ولدي نفس حال عيالكم لا واردا