|
|
قوه بنات
في موضوع قاهرني وايد وايد و كله افكر فيه و قبل جم يوم بنت نزلت موضوع و امبيه احس شابه فيني نار محتره محتره والله لي الحيني انام واقعد وانا افكر بالموضوع
ما علينا من موضوع البنت .. انا الحين بتكلم بشكل عام ..
إذا انتي عارفه ان ولدج ولا اخوج عندهم خرابيط و سوالف بنات و لي الحين سوالفهم سوالف يهال مراهقين ولا اول ال20 مع ان اعمارهم كبيره اخر ال 20 و يمكن بال 30 بعد و هذي حياتهم خرابيط ب خرابيط و لا ناوين يهدون و يبطلون و عاجبتهم عيشتهم جذي لا زواج ولا مسؤووليه
تروحين تخطبين لهم ؟؟؟ ليش عشان يتعدل و يتسنع عقب الزواج .. و منو المقروده ؟؟ بنت الناس المطقوقه على راسها اللي بتاخذ ولدكم
اول شي كلنا ندري ان اغلب الشباب عندهم علاقات سابقه الا من رحم ربي .. لكن اللي يقرر يتزوج بهد الخرابيط و ينسى حياه العزوبيه واللعب و يفكر بالمسؤووليه اللي ناطرته
اوكي واللي قرر ان مو ناوي يهد خرابيطه ؟؟ بيتزوج من هني و يكمل حياه العزوبيه من هناك
الحين في حالتين: يا انه اهوا يكون رايح داق الصدر و قايل حق اهله زوجوني معنه لي الحين مو كفو مسؤووليه ولا كفو زواج حتى لو كان عمره "يفترض" ان يكون عاقل و ناضج
يا انه اهوا عارف روحه و "رحم لله امرئ عرف قدر نفسه" عارف ان اهوا مو ويه زواج ولا يبي يتزوج لكن شنو اهله مو مخلينه بحاله مستلمينه حنه و رنه و زن على مخه تزوج و تزوج و تزوج لما الريال طق و زهق قال زين خطبولي لوعتوا جبدي ترا .. يعني بيتزوج عشان يسكت اهله لا اكثر ولا اقل
و بالحالتين اهوا مكمل علاقاته ويا البنات
انتوا شنو تصرفكم بهالموقفين ؟؟؟ اذا تدرون ان مو اهوا مو مال زواج توا .. تروحون تخطبون له و تقولون خل مرته تعدله و تربيه ؟؟؟
و اذا انتوا اللي ضغطتوا عليه و خطبتوله و دريتوا ان لما عقب الخطبه لي الحين يخون خطيبته شبتسوون ؟؟؟ تعدون السالفه و تقولون يالله يتعدل عقب الزواج ؟؟؟
اذا شفتوا ان ما منه امل تفركشون الخطبه عشان ما تظلمون البنت وياه ؟؟ تبلغونها تلمحونلها و تشوفونها تتحمل ولا لا ؟؟ ولا تسوون روحكم ماتدرون ؟؟
صج والله كل وحده ترد بدون مثاليه و اللي صايرتلها السالفه خل تقول شسوت شلون تصرفت ؟؟
انزين وفي شي بعد .. الحين اللي بتقول عادي المره تعدل الريال و خل تاخذه على خرابه و تعابل بعمرها .. انتي حطي روحج مكان البنت
راح ترضين ان انتي ولا اختج ولا بنتج اييها ريال و تاخذه و اهيا "تربيه" ؟؟؟ و شنو بكون موقفج لو دريتي ان اهله عندهم علم بسوالفه و مع هذا راحوا دبسوه فيكم ؟؟؟
_ _ _ _ _
اوكي انا الحين بقول رايي …
احنا اهلنا ما ربونا و تعبوا علينا كل هالسنين عشان اخر شي اييوني ناس يخطبوني و يقطوني بحلج ولدهم اللي سوري عالكلمه بس " ماعرفوا يربونه " ويايبينه لي اربيه على كبر
اذا ولدكم مو ويه زواج ليش تبلشونه ف بنات الناس ؟؟؟ ليش تاخذه و تنصدم ف بدايه حياتها و تصير كلها شك و مراقبه و خيانه من البدايه ؟؟؟ اذا انتوا عارفين انه مو كفو ما تخطبون له من الاساس و اذا اهوا يا قالكم زوجوني وانتو تدرون بعد ان مو كفو زواج تقولونله تسنع اول بعدين ابلش بنت الناس وياك
والله حرام و ظلم تتدبس بنت الناس بواحد صايع و ماهمه غير وناسته وخرابيطه واهيا اللي صاينه نفسها و ناطره فارس احلامها اللي تعيش وياه قصه ورديه و تلقى روحها اخر شي مقطوطه على واحد مو متربي
و بقول شي بعد .. مثل ما انتوا ياللي قاعدين تبلشون بنات الناس بعيالكم .. الله بيبلشكم بواحد العن منه و اخس منه و مثل ما قطيتوا ولدكم عالبنت وعارفين انها بتنغث الله بغثكم بواحد اطين منه .. و هذي دعوتي والله من قريت موضوع البنت ذاك اليوم و انا ادعي هالدعوه
واللي تزعلها هالدعوه و تجرح مشاعرها هذي دعوه خاصه حقها .. ياربي مثل ما قطيتوا واحد مو متربي على بنات الناس .. الله يقط عليكم واحد مو متربي و تربونه .. مافيها شي هذي بعد صح ؟؟ مو المره عادي تربي ريلها من يد ويديد ؟؟ يالله اخذوا ربوا
و بس كل وحده قبل لا تروح تخطب بنات الناس و تبلشها خل تحط روحها مكانها و اللي ما ترضونه على روحكم لا ترضونه على غيركم
.gif "Eh S(8)")
هذا زواج الام مو الولد
تشتهي طويله العمر جنه اتقوم اتدبس بنت الناس ابولدها
وباجر اتقول والله ولدي ريال مو ناقصه شي اهيا ماعرفت تكسبه
وهذا اكبر خطا تظلم البنت وذنب البنت برقبه اهله اشلون رضو لها الي مايرضونه لبناتهم
وعرفت الموضوع الي تقصدين
هم انا بط جبدي
وتخريب حياة بنت مالها ذنب
اذا اهو صايع وضايع من تحت لي تحت اهي شنو تسوي فيه بالله عليكم يعني
اذا مو قد الزواج لا يتزوج يكفي خيره وشره
والله يسعده بعيد عن بنات الناس
بالمدرسه اول المرحله بكون مابدو بعدين خلص بتعود وبركز وبصير يحس انه هالشي مستقبل اله ،، الناس بتفكر هييك كمان انه اخوها
او ابنها ، رح يركز من هالناحيه ،، بس بنفس الوقت حرام تظلم بنت العالم والناس ، شو زنب بنت العالم والناس بهيك شي؟ هي بدها
الستره مو تتزوج واحد تتعذب معه وترجع بيت اهلها من خربيطه ،
بالنسبه الي مستحيل وهالشي مرفوض ،، بنت الناس مو لعبه وبدها حد يستر عليها ويريحها مو تركض وراه متل الاطفال وتتعذب معه
بس صج انا بس اسمع وحده تزوجت ويقول زوجها مو راعي زواج انقهر واتحسر عليهاا،،
>>
لو انا بنحط في هذا الموقف ولو ان واحد من اخوني جذيه
صرآآحه ماراح اخطب له واذا اصر بقوله ياتهد خرابيطك ولاترا البنت الي بتاخذها لازم يكون عندها نظره عن الموضوع اذا راضيه فيك
وعندها طوله بال وبتعدلك وتعابلك ،،
والصراحه انا مو مع الاهل الي يحنون ع عيالهم يتزوجون تركوا الواحد ع راحته لما يشوف نفسه مهياء للزواج وتحمل المسوليه والمره والعيال،،،
الله يبعد عنا جذي ناس يارب
أذا أهو مو كفو ليش تزوجونه من أول
:/
البنت مو تربيه لا راح تربطه بمسوووليه يمكن يخاف ويمكن الي كان يدوره برا ليقاه عندها وبيتعدل طبعا مو الكل
انا اخوي بنات تكفوون ادعووو الله يهديه والله امي تقول لو الله ياااخذه احسن من كل مايطلع امسك قلبي
موراعي بنات يمكن يكلم يحب بس متاكدين مو ادمان بنات وخرابيط مشكلته الاولي راعي فزعات يعني اي هوووشه طب فيها اي واحد يدق على هوووشه يفزعله
المشكله الثانيه والاهم والاخطر كله مسرررررررررررررررررررع ويبتون ومره رحت معاه الهندي وقف بريك واخوي دش فيه نزل طق الهندي طق وبنص الشاااااااااااااااارع انفضحنا منه
ومره واحد قاعد على قولته نام عليه بالسياره وربي وربي بخط السريع وقف بالنص ونزل وطلعه من الدريشه
قلنا نزوجه بنت عمنا وهي تعرف سوالفه وراضيه بس الاخ فوق شينه قوات عينه يتشرط يبي بيضضضه وطويله والبنت سمره بس زين رضت بالواقع المر الي هو فيه والله رفض وتزوجت البنت
يااارب يهديه
نرجع محور حديثنا
عندي سالف اخوي اهون الطامه الي يشرب وامه تدري انه راعي بناااااااااااات تخطب هذا الشي لازم علاج نفسي مو زواج
الله يهدي النفوس
.gif "Eh S(17)")
ثاني شي ، بكرة لا صار عندك ولد وطلع مثلا مغازلجي ، بس ولدك ، بتشوفينه حبوب وعسل بس طايش شوي كل اللي بعمره نفسه بكره يتزوج وتنترس عينه ويركد ، بكره يجيه ضنا يملا عليه الدنيا وينسيه هالخرابيط ! بكره يكبر ويعقل بكره ياخذله وحده بتسوى عنده البنات الفالتات ،، ومن هالكلام !!
يعني تأكدي ان مافيه ام تزوج ولدها وهي حاطه في بالها انه نهايته الطلاق !
بالعكس تلقينها مزوجته وهي آمالها للسما ومهما كانت عيوبه ترى اهله ماراح يشوفونها عيوب !
ان كان مغازلجي قالوا توه صغير وطايش ! اذا قليل ادب بالاسلوب قالوا حياتي بسرعه يحتر ويعصب ! اذا مهمل مسؤولياته قالوا صغير شعرفه ! و……و……. الخ !!.gif "Eh S(10)")
وفعلا فيه شباب يتزوجون ويركدون ! يتزوجون ويشيلون المسؤولية ! يتزوجون ويخلون الماضي مهما كان حااااااااااااافل بالبلاوي اللي تسود الوجه !!.gif "Eh S(15)")
وفيه شباب يكون قمة بالاحترام والادب وتكانه وشحلاتهم ، ويتزوجون سبحان الله ويقلبون ! يتعرفون على شلة خايسة ! يمشون بالطريق الحرام !
يعني الكلام اللي تقولينه مو صح 100% !!
وانا طبعا بكلامي هذا مااشمل اللي عيالها مثلا راعين خمر ومخدرات او مجرم او شي فعلا خطير وصعب ان الام تقطه على بنت ناس تجي بكل براءة واتفاجئ ! بعضهم يصبرون وبعضهم يشيلون شلايلهم ويقبون !!!
وبعدين للأمانة ، فيه شباب يشيلون المسؤولية وبنات ماعندهم اي مسؤولية !
فيه شباب ماضيهم نظيف وبنات ماضيهم اسووووووووووووود !
فيه شباب حتى لو كان لهم ماضي تلقينهم يبدون حياتهم بنية الاستقرار ! بس يلقون بنات ماهمهم الا التمشي والسفرات والتسوق والمكياج !!
تقولون الله يبلش الاهل اللي يبلشون البنت بواحد مو كفو مسؤولية او مو متربي !
وانا بعد اقول حسبي الله على كل ام ترفع في بنتها للسما بالسنع وبنتها رفله هبله وصخه ومهبولة !
يعني تأكدي ان مثل مافي الشباب الزين والشين البنات فيهم الزين والشين !
مثل ما امهات الشباب اللي يشوفون عيالهم كفو ومتربين فيه امهات يشوفون بناتهم مسنعات متربيات عالطل !!!.gif "Eh S(14)")
وبث ،.gif "Eh S(7)")
بصراحه انا معاك بكل كلمه قلتيها يالغاليه وكلامك طالع من قلب والله يعين البنت اللي تنحط بهالمواقف ويصلح الحال
في عيوب تتصلح عقب الزواج وتقدر الزوجه تغيرهاااااا و هم في اشياء وعيوب
تكون بالولد والاهل يعرفونهااااا وعيوب ما تتصلح هني لااااء والف لااااء ما انخطبله
ولا نظلم بنت الناس معاه
مثال على كلامي الحين مافي شاب بالكويت ما يكلم وما عنده سوالف انا اكلمج عن العزاب صارت سالفه الصاحبه موضه هني لما يقول بتزوج خلاص يعني يبي يستقر
ونروح نخطبله ونزوجه اما اللي 24 ساعه مسافر مع ربعه دول بره وجذي هني ما نقدر نخطبله لين اهو يقرر لان لما يفكر بالزواج فمعنااااه ان مل وشبع ويبي يستقر
وعندج السهر بره وتحمل مسؤوليه بيت وعيال هذا دور الزوجه انها تعلمه
الحين العيوب اللي مستحيل تتصلح لا بزواج ولا غيره اذا كان مدمن خمر وغيره
او يلعب قمار هني نقوووووله ستوب لازم منبع الاصلاح يكون من داخلك انت ونخليه فتره طويله تحت الاختبار اذا تسنع اوكي واذا تم حاله فلا والله ما نظلم بنت الناس معانا
وما احب اللي يغصبون الريال عالزواج
اذا الحين البنات ما يغصبونهم !!