|
|
السلام عليكم
شلونكم كروشاااات الله يهون عليكم ويسهل عليكم الولاده يااارب
بنات حبيت استفسر ايهما افضل بالنسبه لج دكتور ام دكتوره من نفس المستشفى
أم من بره المستشفى
من وجهة نظري انا افضل من بره المستشفى تدرون ليش
احس العنايه بالولاده تصير اكثر راح يوقف على راسي الدكتور او الدكتوره
وراح تصير العنااايه اكثر والاهتمام بحزت الولاده
اما اذا الدكتور من نفس المستشفى يمكن يتاخر علي واحس مراح القى
الاهتمام بالولاده ( صار موقف مع وحده اعرفها دكتورها من نفس المستشفى
وتقول ماشفته بحزت الولاده والخياط يلوع الجبد تقول احس مو هو اللي مخيطني
لانه خيااطه زين )
اترككم تعلقوووون
نااااطرتكم
أني ارجع بعباده خاصه وتهيأ لي تعرف وضعي وحالتي
يعني أريح نفسيا لي
وطبعا تكونين مراجعه عندها وتعرف الدكتوره حالتج بالضبط
من داخل المستشفي موجوده علطول وعيادتها هناك وبوقت ولادتي كانت دكتورتي كل شوي تصعد تطمن علي وتدق عالغرفه تتابع حالتي مع السسترات لاني طولت وايد على ما ولدت بس ظلت معاي اول باول حتى بعد الولاده يتني تزورني تطمن علي
اما الي من بره المستشفى ما ييوون الا حزه الحزه مثل ما صار باختي كل شوي يقولولها الحين تيي وما يت الا حزه الولاده ولدتها وخيطت وبس ماتبين عقب
كلامها صح ١٠٠٪
ماحب دكاترة المستشفى
اريح نفسيا
اذا دكتورة من برة المستشفى معناته لج اكثر من خيار من ناحية المستشفى اللي تبين تولدين فيه
بس ممكن تصادف الدكتورة حالتين ولادة بنفس الوقت في مكانين مختلفين فا تضطر الدكتورة تضحي باحد الحالتين او تتاخر واااايد على وحدة فيهم
اذا دكتور ةمن نفس المستشفي ماتقدرين تغيرين المستشفى و هذي قد تكون مشكلة اذا اكتشفتي ان غرف المستشفى مو حلوة او اجنحتهم غالية
مثلاً وحدة تراجع بالمواساة عند دكتورة هناك و لمن قربت الولادة و راحت تشوف الاجنحة اكتشفت انهم وايد غاليين و ربع فخامة رويال حياة و طابق دسمان بالسلام و اهي الحين في حيييييييييرة لان فرق السعر واااضح
واهم سبب انها تكون موجوده متى ياييت وعندي حاله طارئة او فيني ولادة ضامنه انها موجوده
وبعدين العيادات الخاصه مرات تكون مكانها مو شي بحولي والا بالسالمية قمة الزحمه
بس المستشفى شوي فيه مواقف اكثر وهم اذا طلبت مني تحليل او شي واهي تبع المستشفى ماراح اتعنى كل شي موجود عندي
بس العيادة الخاصه اذيه حتى تصديق الطبيات اذية