وقت الملجه والطلبات الزوجيه

بنات بسألكم

صارلي سنه مملوجه وان شاء الله قريب واعرس كلولولوووش

… وخلال فترة الملجه الطويله هذي اطلع مع ريلي عادي اروح مطاعم وجمعيات ومشاوير وحتى السوق …. بس ولا مره زوجي دفعلي اذا كان انا عندي اغراض شخصيه .. امبلى اذا جمعيات يدفعلي وحتى المطاعم اكيد …. بس غيره ما يدفع … بليز لا تخرعوني وتقول عنه بخيل لان الحمدلله ما يقصر معاي بالعطايا والهدايا وحتى انها تكون ثمينه …. وحتى قالي انه بيفتحلي حساب خاص منه اهو غير الحساب اللي عندي … ومع هذا استغرب لمن اروح السوق ما يدفعلي حق اغراضي الخاصه

انا اقول يمكن تفكيره انا احنا بعدنا في فترة الملجه واهو ليلحين مو مسؤول عن مصاريفي بشكل اساسي خاصة ان عندي المهر وعندي امي وابوي ؟؟؟ ولا شلون ؟؟؟!!!!

وباجر ان شاء الله بروح معاه السوق وانا شايفتلي في هالسوق فستان حق العيد ويطلع سعره تقريبا 70-80 دينار هل عادي يدفعلي ؟؟؟ ولا مصاخه ؟؟ ولا عيب ؟؟ واذا الصح ان اخليه يدفعلي شلون اخبره استحي عاد انا مو كل هذا طمعانه بس بختبره وبشوفه هل يقبل ولا لا … اذا ما قبل معناته بخيل ولا شنووو ؟؟؟؟؟

ما احب افكر بالفلوس ولا احب افكر انها بيوم ممكن تكون سبب خلافات ولا شي بس شسوي كل ما اطلع معاه واشوفه يتهرب من الدفع اخاف يكون بخيل خاصة ان وحده مسولفتلي عن ريلها ان ايده قصيره ويبخل عليها وقالتلي ديري بالج تخلينه يحس انج واقفه على ريولج وان عندج لازم اهو يتكفل فيج من راسج لي كرياسج

شوروا علي بنات شرايكم ….

مع العلم اني انا ولا مره طلبت منه

الله اكبر <<< اذن الفجر

مع العلم اني انا ولا مره طلبت منه شي الا جم مره قلتله يشتريلي كروت تعبئة تيلفون

غيره ولااااا مره لا من بعيد ولا مره قريب قلتله كلمة (( أبي )) واحس مو حلوه ان المره تدفع والريال واقف يمها طرطور (مع احترامي له )

ها شقلتوا ؟؟؟؟ ابي جواب سريييييييع

مو شرط حبيبتي يمكن يستحي يدفعلج لانكم توكم عادي بس انتي حاولي محاوله اصغيره وعرفي اذا

بخيل ولا لآ وانشالله البنات يفيدوونج …

الف مبروك يا قلبي
و عسى الله يوفقكم و يهنيكم

هممممممممم
و الله مادري شقولج اذا رحتي معاه السوق على يوم خلى نفسج انج ناسيه البوك
بس اذا سويتها …. لازم تخلين البوك بالبيت !!! مو حلوه بالغلط يشوفه ببوكج !!

بس اذا يحترمج و يقدرج لا تخربين اللي بينكم عشان الفلوس

تبين الصراحة وبدون زعل انا اشوف ان مو مقصر معاج وقولي الحمدلله على كل حال غيرج رياييلهم مو معبرينهم بهدية
ويمكن اهوه حاط بباله ان ليلحين بس ملجة يمكن بعدين يصير غير؟
والله يوفقج انشالله

يمكن الناس موصينه أو ربعه ناصحينه أن مو كل شي عليه ……..
بس تدرين حلوة فكرة نسيان البوك

انا اللي لاحظته من كلامج انه مو مقصر معاااج

ولاا اتخلين هالشغلاات اتسبب مشاكل بيينكم يعني لا تطلبين منه وخلي كل شي عادي

والله يووفقج

اولا اهوه مثل ماتقولين مو مقصر ..
ثانيا اهوه وراه مصاريف شقة وعرس وتأثيث ..
وانتي ماوراج شي ومهرج عندج ..
المفروض ملابسج وهسوالف عالأقل من مهرج لين تتزوجون ..
والا اذا اهوه بيشتريلج شفايدة المهر ؟

وبعدين ترى عادي الزوجة تدفع شدعوه ..
اعرف وحدة ريلها ايحولها مبلغ شهري ولي طلعو السوق اهيه اللي تدفع مو اهوه ..
يعني جذي صار طرطور ؟ والله كله من خيره ..
بس الناس لهم الظاهر ..
ودام ريلج مو مقصر شكو بالناس ..

و لا تفكرين تسوين اي شي……

خلج مثل ما انتو..

الريال بالنسبه له دافع لج مهر حق ها المصاريف فهو يشوف ان الي تدفعينه اصلا من جيبه عادي.

و من كلامج ماهو بخيل و لا طبعه جذيه.

و بعدين بصراحه ما أظن لي الحين لج ذاك الحق عليه!
انتو مالجين لكن بعدكم مو ببيت واحد.
لصرتوا ببيت واحد و تصرف نفس الطريقه ساعتها يحتاج الوضع انج تجسين النبض او تكلمينه.
لكن الحين لأ.

مو حلوة بحقج.

ممكن يحطج بباله من ها الناحيه و يمسك ايده عنج اذا حسج عينج على جيبه….

بعدين انتي تقولين ناوي يفتح لج حساب و مو مقصر بالهدايا و لا حساب الجمعيه و الا المطاعم…بس شمخوفج؟
الشكليات؟!!!

و لاااا تهمج المهم انج و ريلج متصافين و مرتاحين و فاهمين بعض.

يمكن ما عنده مبالغ التسوق مالج
تدرين الحين البدلات بالاميات واهو عنده التزامات اكبر
دام انه يدفع بالمطعم ويدفع لج بالجمعيه خلاص هذا مو بخيل

انا ريلي الحمدلله مافيه بخل بس جيبي وجيبه واحد يعني حتى لو ادفع بداله بمكان يعطيني عقب او انا نفسي ما ادقق لانه هذا زوج يعني انا وياه انكمل بعض
لا اتحسسينه انه البيزات همج ترى يعاند باجر ويحاسبج على ادناة الدون

اول شي الف مبروك و ديري بالج على حياتج الزوجيه مع احترامي لكلام البنات حبيبتي لازم تعودين ريلج يتحمل مسؤوليتج حتى لو قبل العرس انتي جدام الله وخلقه مرته الحين و هو ملزوم فيج لاتعلمينه انج تصرفين على نفسج لي متى يعني لي خلص المهر من وين بتصرفين و انا ادري انه السالفه احراج انج تطلبين منه لأنه اذا ما طلع منه ومن نفسه مو حلوه انتي تطلبين منه بس ميخالف حبيبتي لازم ريلج يصرف عليج و علميه على هشغله و الله يوفقج يارب و لا تعتقدين انج حزته راح تكونين ماديه لأ ما له علاقه انتي تزوجتي و صرتي في ذمت ريلج فطبيعي هو يصرف عليج

انا اشوف انه عادي مو بخيل الا كريم, في رياييل حتى مطاعم مايطلعون حريمهم الا بالسنه و السنتين..و اذا انتي موظفه عادي عندج راتب ليش ماتصرفين منه؟؟

بقولج موقف صار حق رفيجتي,تقول ان اول ماخذت ريلها كانت دايما تخليه اهو يدفع حتى فواتير تلفونها,بس مره من المرات تناجرت معاه و انفجر و قعد يعايرها بأنها بخيله و ان اي بنت طبيعيه المفروض تتكشخ و تجهز من مهرها مو كل شوي تطلب..

والله انا رايي لا تمثلين انج ضيعتي البوك و لا شي,اقترح تييبين له هديه عطر مثلا وشوفي شكثر راح يفرح..ترا هم شي حلو تبينين له انج بنت نعمه و عزيزه نفس..

بعدين ترا يمكن تقدرين تخلينه يدفع اذا نسيتي البوك بالبيت بس ماراح يدفع عن طيب خاطر و راح يكتمها بنفسه..و ماتدرين يمكن هالكلام يقوله حق امه و خواته..

شوفي حبيبتي انا الي فهمته انه مو مقصر معاج وبعدين الكلام الي قالته لج رفيجتج
اهوه الي خلاج توسوسين ولا انا اشوف انه الريال مو مقصر ورا العرس راح يبين كل شي
وانتي الحين حاولي تجسين النبظ شوي علشان تتاكدين انا جذي بالاول على بالي انه ريلي
بخيل بس مسكين طلع حتى لو دينار بجيبه يصرفه ما يعرف يخش شي

تصدقون ان الحين ناطرني بره وانا شبكت بسرعه بشوف ردودكم

الحين بطلع واشوف شيصير واقولكم باي

انا مع رفرف

مو حلوة اتكثرين عليه الطلبات خاصة في وقت الملجة بعدين يكرة يروح معاج السوق أو أي مكان

والحمد لله دام انه يصرف عليج ترى لازم تتعاونين معاه فالمصرف

كافي المسكين داخل على عرس وتأثيث لا تكثرين عليه الحمل …عشان يقدرج أكثر…

وموفقة