وجبات اليهال قاعده تنباق

هالموضوع كتببته عشان انبه اوليا امور الطلبه

تر وجبات عيالكم قاعده تنباق

من الفراشات والادريات والابلات وحتى من المجهزات

طبعا بدون تعميم لكن للاسف البوق شفته بعيني من كل هالفئات

عادي ابله تمر على صفوف عيالكم تبوق من على الطاولات وما داخل الجناط

لا ذمه ولا ضمير ولا جنه وراهم حساب ولا جنه البوق حرام

والاداريات الله بالخير اشتكي حق منو ولا منو اذا اهما نفسهم قاعدين ياخذون الوجبات

بعض المدارس الماي ما يوزعونه على الطلبه يتقاسمونه اخر الدوام !!!!!!!

بطل الماي بيدها والياهل يدش يقول ابي ماي تقوله لا !!!!!! باي حق منو عطاكم الحق تحرمون اليهال من حقوقهم ؟!!!!!

زحير ببطونهم ان شاء الله الدوله قاطه خمس مليارات دينار عشان تصرف عليكم ولا عشان توكل اليهال !!!!!

حسبنا الله ونعم الوكيل اصحو تحجو دافعو عن حقوق عيالكم طالبو بفصل هالاشكال الي ما تخاف ربها

وبنسبه للابلات والاداريات الي قاعدين ياخذون ويهربون الاكل (( بدرامات زباله )) اقولهم انا غاسله ايدي من الكويت كلها عقب الي شفته منكم يا المشفح

الفراشه ما اللومها لي باقت لان انتي يا الكويتيه مو حريصه على عيال ديرتج شلون اللوم الغريب لي ما همه الطالب واكله ؟!!!!

خافو ربكم لعنبو داركم شنو ما تخافون ما تنتخون المعاشات الي تاخذونها اخر الشهر شحقه ابي افهم ؟؟؟

لجات خيريه حشى مو مدارس شفت العجب بالتربيه

اروح المنطقه التعليميه كل واحد يقطي على مكتب الثاني واطلع بايد خاليه وبدون اى حل لمشاكل المدارس

كلمه وحبيت اقولها

وياليت اكو مسؤول يقرا ويشتغل مثل الاوادم ويوقف هالفساد

البوق خيانه امانه يستحق الفصل والمسائلة

اللهم بلغت اللهم فشهد

صج؟
أنا احسب بس الفراشات
اشوفهم بالهدة وقبل الهدة بشوي يقعدون ورا المدرسة يبيعون على عمال النظافة

واي عاد انتي احس فيج حاله نفسيه صج

رايحه المنطقه بعد ههههه

الله يعينج على نفسج الظاهر مو معطينج وجبه!!

هو على حسب الاداره .. مثلا انا بالاول كنت بمدرسه شوي ولا الابلات والاداريات يتهاوشون عليها
وكلها بأجياس زباله استغفر الله

والمدرسه الثانيه لا الحمدلله عالنظام

الحمدلله والشكر ترى كلها صمونة وعصير اشدعوة

الله يجزاح خير عالتنبيه

صاحبة الموضوع والمشاركة الثانية

اقول لكم اللي قلتوه

كذب

اول شي الاكل يتوزع على الطلبة

ويتأكدون انه كل طالب او طالبة اخذوا

واقول لج بعد انه معلمة الحصة لها وجبة تاكل مع الطالبات جدامهم وتشجعهم على الاكل

ثانيا

المعلمات ياخذون من الوجبات بعد الفرصة او بعد ما الطلبة ياكلون عشان ما ينقط الاكل

وللعلم

في طالبات ما ياكلون من الوجبات مثال

الكريم كراميل في منهم ما ياكلونه

فيرجعونه بالصندوق

نيي للماي والعصاير

مسموح للمعلمات ياخذون من الماي ومصروف لهم كل قسم كرتون ماي

والزايد يكون عند الادارة بالمقصف ولا ينباع

ويتوزع مثلا في تكريم او حفلة او دروس نموذجية

صاجه اصلا قبل كانو يطلبون المدرسات ريوق كل صبح الحين الريوق ببلاش

تعالو بالفرصه وشوفو الوجبات اشكثر تتوزع علي غرف الاداره انا كنت هناك وشفت

على حسب كل مدرسه .. مدرستي فيه ثنتين مرآقبات للوجبآت ويختارون هالثنتين ان يكونون عيالهم بالمدرسه عشان يكون حرصهم اكبر ..

وصح اول مابدت في مدرسآت مهاابد عالوجبآت عآد مو من زينهآ الله يديم النعمه ..
و شفت مدرسه اولى و المصيبه كويتيه ماعتقد عليها قاصر تاخذ منهآ كميآت .. اللهم لآ شمآته ..!
بس وقفوها عند حدهآ ..وهالادآريتين الي مآسكين مرآقبة الوجبآت شخلوهم والمآي يتوزع عالطلبه والبآقي ينقفل عليه بغرفة الوجبآت بعد الساعه 11 ينقفل لان موظفآت الوجبآت يطلعون ..
الزآيد من الوجبآت .. يوزعونه عالفرآشات والحرآس ويدزون منه بعد لفرآشين مدرسة متوسطه صبيآن قبآل مدرستنآ .. لان حرآم ينقطون ..

الزبده على حسب الادآره والموظفآت يصير هالشي ..!

الله يشفيج يا صاحبه الموضوع
الحين قلت المواضيع مالقيتي تنبشين الا ورا المدرسات اللي ياخذون وجبه
واذا المدرسه خذت وجبه خير ياطير شصار بالدنيا؟؟!!
يعني ماهمج هالنعمه اللي تتكود بالزبايل كل يوم واليهال اللي مو عارفين ياكلون ينقشون من الصمونه لقمه والباجي بالزباله والتفاحه قرمه والباجي بالزبايل
انتي وييييين والخوف علي نعمه ربي ويييين
والمصيبه الاشكال اللي ردوا عليها يايدونها
استغفر الله*

حبيبتي الوجبات تتوزع عالروضه كلها
هذا شي والشي الثاني
شدعوة الاطفال يداومون اليوم الغياب بالروضه عندنا تعدي 200 طفل
فتلاقين يعطونا وجبات اضافية

الكويت&الكويت صح لسااانج

انا اعتقد انج ماتدرين عن وضع رياض الاطفال وانه من حق المعلمة والادارة بوجبه عالاقل
شكلج تتفرجين علينا بالهده شنو ماسكين وشنو شايلين
صج من راقب الناس مات هما

وشكرااا

هههههههههههههههههههه مت ضحك حدث العاقل بما يعقل

اقسم بالله العظيم ان موضوع الوجبات لا يتم بهالطريقه العشوائيه الي انتي ذاكرتها !
أولاً في مشرفات و تحت ايدهم عاملات
يتم توزيع الوجبات في المسرح للطالب الحاضر بالاسم
و المراحل الأكبر في الصف على العدد و يتم قبل انصراف الطالب سؤاله ان كان استلم وجبته و أكلها

ثانياً المتبقي من الوجبات و الزايد يتم توزيعها ثاني مره
على الطالبات الي يشكون من جوع او دوخه او بطني يعورني ابي ماي .. ابي عصير ..

ثالثا في فراشات يعانون من معاش 25 الى 30 دينار
مستكثره فيهم اخذ الوجبات الزايده ياكلونها ؟
والله حرام!

أما المعلمات ماشفت الى الآن معلمه تأكل من الوجبات
الا في حالة غياب الطالبات نهاية الفصل او قبل العيد الوطني
يعني لما يتجاوز الغياب 100 طالبه !!
و في معلمات وافدات يستأذنون من الاداره و يطلبون وجبات لكن مو على حساب الطلبه
من الفاااائض

أما الاداريات فمالي شغل فيهم و لا أشوفهم
و لكن بنات الكويت مو حاطين عينهم على وجبه تكلف أقل من دينار!
لو تشوفين الريوق و القهاوي تستحين من هالي كتبتيه في حقهم

و المدرسه الي نقلتي منها الاحداث اشتكي عليها
لان مبين انها مو بالديره !
كلهم حراميات و بواوقه شدعوه !!

بالنسبة لمدرستي بعد الفرصه توزع باقي الوجبات على المعلمات بدون ماء وعصير وباقي الاكل يوزع على الطالبات بالفرصة الثانية اما الماء والعصير للاسف يباع على الطالبات بالفرصة الثانيه

الامانة عند بني ادم تكون حتي ب100 فلس اذا تساهلت بعصير او صمون باجر تساهل بشي اكبر ومو من حقها تاخذ الوجبة بدون اذن هالوجبات حاطتها الوزارة حق الطلبة لكن الاداريات او الابلات ياخذون ويخلون الطلبة هذا اسمة بوق والبوق واحد سواء بصمون او فلوس اعوذ بالله اخر زمن قلت عند الناس الامانة اللهم عافنا
وصاحبة الموضوع الله يجزيك الخير انا اقول انج تبلغين الشركة او الوزارة نفسها افضل