|
|
بنات انا عرسي قررب
وابي نظام بليز ساعدوني
باقي شهرين
ولا سويت شي
وخايفه لقررب اتوهق ولا سويت شي
ابي اوحد لوني احس كل جسمي لون
شسوي وابي اعتني بشعري
وابي اخفف 20 كيلو واشد جسمي تتوقعون يكفي شهرين
شسوي احس هم في قلبي 
انتي ريحي اعصابج ولا تتوترين لانج اذا توترتي ماراح تخلصين شغلج والله يسهل عليج ويوفقج….
تالي سوي التناتيف
و الوزن مالج الا دايت كير مثلا بس صعبه 20 كيلو بشهرين بس التزمي معاهم هالفتره و راح تنزلين المكسيمم ان شاءالله
و البشره ماااي و عصاير و خضروات و عقب ما تخلصين كل شغلج بلشي كورس عنايه
اختياري الحين النفوف و خلي في مجال ان يتصغر علشان لي ضعفتي 
موفقه
و لا تحاتي بدي بالاساسيات مثل الفستان حجز الصالون الطرحه الكوشه
خلصي منهم اول
و ابدي بنظام غذائي قسم النظام الغذائي في وايد رجيمات
اختاري الي يناسبج
xxxxxxxxxxxx
شوفي انتي اول شي خلصي من نفنوف الابيض ووالذهب اذا خلصتي هالشيين ترتاحين
وابدي رجيم من اليوم وانتي اتجهزين رايحه السوق خلي معاج بطل ماي على طول
وصدقيني باجي التجهيز بيخلص في اسبوعين اذا قسمتي مهرج صح
اما بالنسبه لتوحيد اللون عندج في قسم البشره شغلات حلوه وسهله تسوينها كل يوم حطي خلطات على جسمج وصدقيني خلال شهر بتشوفين الفرق …
انتي اول شي استهدي بالله ولا تكدرين . ذكرتيني في بنت خالتي خلال شهر واحد خلصت تجهيز ماشالله
لاهم ولا شي بالعكس استانسي هالايام اسعد ايامج والله
التجهيز بيضعفج وانتي خفي اكل وامشي وكثري ماي
بلشي بالملابس مالت البيت والاقطان والبدل والاكسسوارات من تطلعين السوق بتحسين وناااسه كتبي بورقة وقلم
لا تقولين هم انا الحين اجهز صج تعب لانج تحاتين هالشي بيناسبج ولا لا بس ترى عادي وناااااااااااااااااااسه ويمديج حمامات مغربيه وفرك بتطلعين زبده ان شاء الله
اي سؤال اي استفسار انا حااااااااااااااااااااااضره كل يوم تقريبا اشبك طرشيلي عالخاص اي سؤال ياقلبي وانا من عيوني ماراح ابخل عليج
كلنا خوات والبنات ماراح يقصرون اهم شي ترتاحين
جدمي الخير وجدمي الزين وانشاءالله الله يسهل عليج
نصيجتي لج انج تختارين موديل البدلة لانها تطول على ما تخلص يعني اقل شي شهر ونص
وثاني شي الشبكة
بس تخلصين هالاثنين يطيح نص الحمل
وبعدين روحي تسوقي على ملابس البيت والطلعة والبلدلات والجواتي وانتوا بكرامة
وكل يوم على قعدتج حطيلج من هالخلطات اللي بالمنتدى او اذا ما عندج وقت
حطي من الخلظات اللي تقدرين تنامين فيهم
ولا تنسين المكياج والعطورات
ترة وانتي تتمشين تقريبا تشتريلج وايد اشياء وما تحسين عن روحج
واكيد خل احد يساعدج بالاشياء اللي ما تستدعي انج تسوينها
وانتي مع الجهاز راح تضعفين
بس هم خففي الاكل اللي متروس دهن ونشويات وعوضي بالخضار والفواكة والايدام
لان هم اذا ما كليتي كلش راح تحوشج كآبة سمالله عليج او انج ما راح تقدرين تسوين شي
ومو تنسين الصالون والتصوير كلة حجزوا من الحين لان راح تتوهقون اذا حدة حدة
والله يوفقج 
انا مثلج كانوا بيحدوون عرسي قريب
وانا يبيلي 20 كيلو انقص بس الحمدلله اجلوه
والحين قاعده اسوي ريجيم عن دكتور بهجه
اول شهر مشيت على نظام بروحي وبشهر نقصت 5 كيلو
والحين الدكتور تقولي ان شاء الله شهرين وانتي تخيطين احلى بدله
وثاني شي خلج متفائل ولا تقولين هالحجي الهم عن اسعد يوم بحياتج
وثالث شي بأذن الله يمديج لا تحاتين بس انتي نضمي وقتج وكل شي تبينه كنبيه بورقه واللي تخلصين منه حطي عليه علامه وبلشي من باجر خفيفي اكل وسوي ريجيم وبعد كل وجبه شاي اخضر وان شاءالله تضعفين
والله يوفقج يارب