هـل تقبلين أن تكونين الثانيه ؟

السلام عليكم و رحمة الله و بركاته …

الموضوع موجه للعازبات..ومافي مانع أن يشاركوو المتزوجات بمداخله طيبه و تعليق ..

السؤال هو :

هـل تقبلين أن تكونين الثانيه ؟!!

علما .. بأن الرجل مقتدر من كل النواحي و أمرأته موافقه و أهله موافقين و مضبط أموووره ..

وهو يبي يتزوج لأن أمرأه وحده ما تكفيه .. مب لعيب في حرمته او شي بالعكس حرمته مب مقصره .. لكن التعدد بيكون أفضل له خصوصا أن ماله أي علاقات محرمه مع الجنس الأخر .. فماله الا الزواج..

أنا متزوجة حبيبتي لكن بجاوبج وبكل صراحة
كنت مطلقه قبل زوجي هذا

وكنت رافضة فكرة إني أتزوج على مرة مهما كانت الأسباب
ومع الوقت ومع تقدم العمر ندمت

إيه ندمت لأنه مافيها شئ تكونين الثانية

طالما هو رجال وقادر يعدل

والشرع ماحلل شئ فيه مضرة لنا
شوفي

إذا الرجال محترم وكفو مافيها شئ

؟لأ

والف لا
انا زي الفريك ماحبش الشريك

اكيد ما ارضى .. بس لكل قاعده استثناء
يعني بنت تعدى سنها سن الزواج بسنواااااات كثيره .. صراحه لو جا متزوج اخذه ليش لا ! وانصح اي بنت تكون كبرت بالعمر وخايفه لا يفوتها قطار الزواج تستخير وتتزوج . خاصه لو كان شرط العدل موجود وعلم الززوجة الاولى موجود

انا متزوجة
وارفض اني اكون زوجة ثانية
اللي ما احبة لنفسي ما احبة لبنات الناس ( يعني مثل ما انا ما احب ان زوجي يتزوج علي ما احب اني اتزوج ريال متزوج واظلم الاولى مهما كانت الاسباب )

انا متزوجه وماحب اكون ثانيه صراحه

حلاته الزوج يكون لج بروحج محد يشاركج فيه

نعم

لان الرجل لا نملكه ولكن يملكنا

وكل وحده ماتحب الشريك بس الدنيا ماتجي على مانشتهي

مستحيييييييييييييل لااني مارضى احد يطب على راسي فاللي مارضاه لنفسي مارضاه لبنات الناس لو ماتزوج طول عمري
مشكووره على الموضوع

صح الشرع حلل اربع
والريال مقتدر ويعدل
عيل ترضين يتزوج عليج الثالثه|؟؟؟؟؟؟؟؟؟؟؟؟ ما فيها شي صح؟؟؟؟؟؟؟؟؟؟
ترضين؟؟؟؟؟؟؟؟؟؟
اللي جاوبت بانها ترضى تكون الثانيه ابيها تجاوب ترضى يتزوج عليها الثالثه بسبب اقتداره وعدله؟؟؟؟؟؟؟؟؟

اعجبني تفاعلكم السريع شكلكم سهرانات

اكيد لاااا ريلى ابيه لى بررروحى

بصراحه لا مارضى نفس ماقالوا هل ترضين على نفسك بهذا الشي وانتي تدرين انك مو مقصره مع زوجك بشي والصراحه مافي رجال يعدل بين ثنتين بالزمن اللي احنا فيه…
واذا كنت بفكر اوافق يكون عنده سبب مثلا زوجته مريضه مرض لاسمح الله يخليها بعيده عنه اوا انها تكون ماتجيب عيال هذي الاسباب اللي تخلي الوحده ترضى انها تكون الثانيه اما غير جذي لا ثم لا….

مابي انا حليته قبل ما عطيه لحد غيري هههههههههه>>>>شفيكم اليوم عالزواج الثاني<<<<<<<<<<<الشر بره وبعيد

:~

توني صغيره ومو متــزووجــه بس انطنط بالقسم وآآجــد لوووول

الي مآ ارضــآه على نفــسي مآ ارضـــــــــآآه على غيري .،.

ودآم حطني على رآسهآ بكره بيحط على رآآسي

:~

والله الحريم يمشوون كل شي على هواهم

اذا هي الزوجه الاولى قالت لااا الزوجه الثانيه خطافت الرجاله وتخرب بيوت
واذا هي الزوجه الثانيه قالت الشرع حلل اربع ومو حرام

يعني كل وحده تمشيهاا على ظروفهااا مصالح