مين فينا مش نفسه يحفظ القران الكريم؟؟
مين فينا مش نفسه يبقى من حملة كتاب الله اللى هم أهل الله وخاصته..ياااااه أهل الله دى كفاية بس الكلمة دى
طب مين فينا مش عاوز يوم القيامة ان القران يشفعله؟؟
وكمان حفظ القران الكريم سبب للنجاة من النار، ففي الحديث (لو جعل القرآن في إهاب ثم ألقي في النار ما احترق) رواه أحمد وغيره. ويقول أبو أمامة: إن الله لا يعذب بالنار قلباً وعى القرآن
وغيرها كتيييييييييير لثواب حفظة القران الكريم
طيب اللي نفسو يحفظ معانا يدخل عالفيسبوك في جروب" تعالوا نشجع بعض ونحفظ القرأن فى الأجازة" و هذا رابط الموضوع
https://www.********.com/topic.php?to…59&topic=17537
و كمان نقلتلكم الموضوع
بسم الله الرحمن الرحيم
والصلاه والسلام على حبيبه المصطفى اشرف المرسلين
بفضل الله احنا تقريبا كده اتكلمنا فى كل حاجة تتعلق بالحفظ
من حيث البداية سواء من الجزء الاول او الاخير وكمان من حيث كمية الحفظ
وبعد قراءة ردودنا كلنا كانت النتيجة
-1 بالنسبة لكمية الحفظ
اغلبنا اختار حفظ صفحة كل يوم
-2 وبالنسبة لبداية الحفظ
فى ناس عاوزة تبتدى من سورة البقرة
وبرضوه فى ناس عاوزة تبتدى بالجزء الثلاثين
وعلشان نرضى كل الاطراف
إن شاء الله هنعمل مجموعتين
المجموعة الاولى ..بداية حفظها من الجزء الاول
المجموعة الثانية ..بداية حفظها من الجزء الثلاثين
وكل توبيك هيكون فيه اسامي اخواتنا واخوانا اللى اختاروا مجموعة الحفظ دى
( انا كتبتهم عندى كل واحد حسب ما اختار ، وبكرة ان شاء الله لما ابعت رسالة الحفظ الاولى هتدخلوا التوبيك تلاقوا اساميكم فيه بحسب المجموعة اللى كل واحد اختارها)
والمطلوب مننا ..كل يوم هندخل التوبيك الخاص بمجموعتنا نسمع فيه علشان نشجع بعض والشيطان ميقدرش علينا لاننا صحبة كبيرة مع بعض
واسامينا كلنا هتبقى مكتوبة يعنى اللى هيغيب هنجيب العصاية علطول
)
هتلاقوا إن شاء الله الصفحة اللى هنحفظها مكتوبة وكمان لينك للصفحة بصوت الشيخ مشارى العفاسى وده هيساعدنا كتير فى الحفظ لاننا ممكن نشغلها طول ما احنا على النت فلما نيجى نحفها تكون سهلة بإذن الله
هنحفظ إن شاء الله 6 أيام بس فى الاسبوع واليوم السابع هنراجع على اللى حفظناه طول الاسبوع
وبأمانة اللى هيسمع كويس وينتظم فى الحفظ كل يوم فى أخر الاسبوع هيكون له هدية بإذن الله
)
احنا شباب وبنات الاسلام عندنا همة وعزيمة نعمل اى حاجة علشان ديننا
مش هيجى الشيطان ويهبطنا عن حفظ صفحة واحدة كل يوم فى الوقت اللى بنحفظ فيه كتب اد كده فى الدراسة
بإذن الله انا هتابع مجموعة الحفظ الخاصة بالجزء الاول
واختى ميجو هتتابع مجموعة الحفظ الخاصة بالجزء الثلاثين
ملحوظة هامة..يا جماعة التوبيك ده طبعا هيأخد وقت لحد ما يوصل لكل اعضاء الجروب
عشان كده بإذن الله بداية الحفظ العملى هتبتدى من بكرة الخميس ليلة 2|7
انا هدخل قبل الفجر بكرة وابعتلكم اول رسالة لاول صفحة هنحفظها
وكل يوم فى الوقت ده برضوه هدخل على التوبيك اكتب الصفحة المقرر حفظها واللينك بتاعها وابعتلكم رسالة تفكركم
وادامنا 24 ساعة نحفظ فيهم بحيث قبل فجر يوم الجمعة 3|7
نكون كلنا سمعنا اول صفحة من سورة البقرة
وهكذا بقية الايام إن شاء الله
كل واحد يختار الوقت المناسب له ويسمع فيه "كتابة"فى التوبيك بتاع المجموعة بتاعته
وياريت نحاول منتاخرش فى التسميع علشان الحفظ ميتراكمش علينا
ومننساش يا جماعة التوبيكات اللى فى الجروب نقراها
لانها هتفيدنا بجد وفيه مواقع كتير للقرأن الكريم ومصاحف إلكترونية فى الديسكربشن بتاع الجروب
بفضل الله كده كل حاجة اتكلمنا فيها
واللى عاوز يسأل فى اى حاجة احنا تحت امره
اللهم وفقنا لما تحب وترضى
وارزقنا حفظ كتابك قبل لقاؤك
وارزقنا الاخلاص فى القول والعمل
أمين يارب العالمين
يكفى انك تختارى احد المجموعتين وتتابعى فيها
مجموعة حفظ سورة البقرة
https://www.********.com/board.php?ui…59&topic=17604
مجموعة حفظ الجزء الثلاثين
https://www.********.com/board.php?ui…59&topic=17539
تنويه هاام.. بنعتذر للأخوة الشباب ان الجروب هيكون مخصص للبنات فقط بعد اقتراح اكتر من اخت استفتينا قلبنا و لقينا فعلا انه هيكون افضل لو كان حفظ وتسميع البنات لوحدهم
ده لينك جروب شبابى لسه مبتدوش ممكن حضراتكم تشاركوا معاهم
https://www.********.com/group.php?gid=45429475029
الحين سجلت 