نقدي على المواضيع .؟

بسم الله الرحمن الرحيم

والصلاة والسلام على الرسول الكريم محمد بن عبدالله صلى الله عليه وسلام

أما بعد …..!!

السلام عليكم ورحمة الله وبركاته …

مساء وصباح الخيرات والمسرات

على خواتي العزيزات حفظكن الرحمن من كل شئ

موضوعي هوا كالتالي . نقاااط …..

قريت موضيع الاخوات بصراحه نقدة عليهن بنفس الوقت ضحكت شنو زوجي طقني شنو لقيت بتلفون رجلي رسايل
شنو رجلي مايهتم فيني شنو رجلي يكلم بنات شنو رجلي خاين شنو رجلي يطلع من البيت ومايجلس معاي
رجلي طول الوقت مع اصحابه يجي متاخر رجلي مايجيبلي هداياء زوجي مايودينا سفره واشياء كثيره لا يسعنا الوقت بطرحها ………؟

شنو انتي تنقلين اخبار بيتك ومشاكلك ماتخافن من الله البيوت اسرار مو حرام عليكن مشاكلكن حلنهن بيينكم شدخل فلان وعلان بالسالفه بس تضحكن اللي يسوى واللي مايسوى على هالكلام الناس تشمت وتطنز فيكن

تعوذن من الشيطان والكلام اللي مال امه داعي اتمنى ما ينزل واحفظن اسرار بيوتكن زمن تغير يارب عفوك من شر العقاب

عتابي كله ادارة الموقع

واخر كلامي وصلو وسلمو على الشفيع بيوم الحشر ….. عليه الصلاه والسلام

حرام ما عندهم احد يشكووله شسوون ….
ماعندهم خوات ولا يقدرون يقولون حق امهم !!

ما اشوف المشاكل اي ذكتيها غلط او انها تقول اسرار البيت …

اما الي تشرح قميصه النوم او تشرح علاقتها مع ريلها بالفراش وما الى ذلك
اهيا الغلط اما اي شي ثاني ما اشوف غلط

وين الغلط او شنو فيها اذا قالت ريلي مو ومانسي ولا ريلي مايقعد ولا يسولف معاي !!

هاذي السوالف حتى بالزواره تنقال جدا عاديه …

وتبقى وجهة نظر ..

حرام خلي الناس تفضفض وتوسع صدرها ومافيها شي وبعدين هنا محد يعرف احد وشكرا

هلابج حبوبه،،
احترم وجهه نظركـ
بس يالغلا،،
هي ماطلعت اسرار بيتها ،، هي عندها مشكله واستشارت فيها البنات تبي تاخذ رايهم،،
وتشوف وش يقولون ،، بنات كثير انحلت مشاكلهم لما استشاروا خواتهم بالمنتدى،،
يمكن هي صغيره ومامرت في تجارب ،،او ماعندها احد تساله وتفضفض له ،،صاكه فيها الدنيا ،، من تروحله من تفضفض له ،،
تكتب هني بالمنتدى لاحد يعرفها ولاتعرف احد،، احسن من انها تتكلم مع وحده تعرفها وبكره تتنتشر سالفتهم،،
ماخااب من استشار ،،

>>

tmtmt كلامج عين العقل ما فيها شي اذا البنت استشارت خواتها كلام عادي ما فسرت علاقتها بغرفة النوم

الخوات ايفضفضون علشان اذا عندها مشكله ممكن البنات ايساعدونها ويهونون عليها وانا ملاحظة اغلب البنات ما يشيشونها علي زوجها

بالعكس ايفتحون عينها يمكن اتكون ناسيه او مهمله شوي وفي شغلات ما تقدر اتقولها لأهلها او الخواتها فتستشير احد ما يعرفها ولا ايعرفون

وجه بعض منعا للاحراج اتكون مستحية او خجلانه فهني تاخذ راحتها

وهذا الموقع لو اتلاحظين فوق وضع علشان* الحياة الزوجية *يعني الأزواج فشراح تتكلم بالله عن اخوها ولا عمها ولا شنو

الظاهر شكلج مو متزوجه ولا كنت نزلت موضوع عن مشاكلج انت وزوجج

…………………….ز

؟؟؟؟؟؟
في سوالف العن من جذي
بس اذا على اللي يتشكووون بمشكله صج محيره عااادي مافيها شي بلاج اللي العن من جذي ويتمادوون

كل المشاكل اللي قلتيها تصير بكل بيت يعني ماراح تنكشف منو البنت اذا حبت تفضفض

شدعوه عليييج ..خلي الناس تفضفض وهني موعارفين بعض يعني شكو يطنزون عليها ..وصراحه انا ماشفت احد تطنز على احد ..!!!

ماادري انا كلش مو معاج.. وهالمنتدى المميز فيه ان الاداره معطيه البنات مجال يتحجون مو مثل المنتديات الثانيه

كفت ووفت

[/b]اي والله عضوووة جديدة وداااشة بقوووة علينا
مافيها شي اذا الوحدة مهموووومه وماعندها احد تشكيله منووو يساعدها
اذا انتي ربي مسخرلج زوجج احمدي ربج واسكتي
لالالا تتشمتين على غيرج
تقووولين البنات يطنزوون ويضحكووون
اكييييييييييييييييييييييد انتي تتشمتين
احنا هني اكثر من خوووات بالعكس كل وحدة لما تحط موضوع تعالي شوووقي شلوون نتضايق ونكتب لها شطووووله شعرضه
انا ياما تاثرت بمشاكل البنات ويا ما ابكتني مووواضيع
وانا يما طرحت مشاكلي وساعدوووني
الا من رحم ربي في بعض المشتركات الي يخربوون ما يصلحوون
وهذي قلة عندنا
اغلبنا الحمدلله فاهمين وواعين والله لايجيب اليوم الي نتشمت فيه ولا نطنز على احد بالنهاية كلنا اخوووان بالاسم

اتقوووولين

قريت موضيع الاخوات بصراحه نقدة عليهن بنفس الوقت ضحكت شنو زوجي طقني شنو لقيت بتلفون رجلي رسايل
شنو رجلي مايهتم فيني شنو رجلي يكلم بنات شنو رجلي خاين شنو رجلي يطلع من البيت ومايجلس معاي
رجلي طول الوقت مع اصحابه يجي متاخر رجلي مايجيبلي هداياء زوجي مايودينا سفره واشياء كثيره لا يسعنا الوقت بطرحها ………؟

اذا انتي تضحكين على هل مووواضيع انا نحزن عليها
وحدة زوووجها سهران ولا يدري عنها بروووحها بالبيت دشت لمنتدى لخووواته تفضفض يمكن ماعندها احد نقوووم نضحك عليها
وانتي عاااادي عندج زوووجج يكلم ولا يغازل عشان تقووولين شنووو تشتكي تقووول زووجي يكلم ويغازل
هذا اذا كنتي متزوووجة؟؟؟

اذا كان هذا هووو اووول موضوعج وهذا جديدج
احنا نرفض مووواضيعج الثاااانية انتي لاتستحقين لمشاركة مشاكلنا

وبالنهااااية تقبلي مروووري موووضوعج استفزني
واي وحدة قلبها على بنات المنتدى ماترضا بطرحج الا الي مثلج ادش تتشمت وتطلع

= كلنا خوووات بالاسلام
والله من القهر كله بدليات

تسلمين دلوووعه اي والله شادة حيلي لانه نرفزني وغثني حييييييل ما اتخيل جذي ناس يكتبووون مووواضيع بشماته
الله يسامحها
بس نصيحه اذا موووواضيعج جذي محد بيتقبلج

الله يسلمج دلوووعتنا
اي والله شادة حيلي لانه نرفزني وغثني حييييييل ما اتخيل جذي ناس يكتبووون مووواضيع بشماته
الله يسامحها
بس نصيحه اذا موووواضيعج جذي محد بيتقبلج
الا بموووضوع فيه اعتذار