|
|
مبروك لعرايس الكويت وكل دول العالم …
إذا قررتي تختارين لون فستان العرس أبيض ( يفضل تكونين بيضه أو حنطيه ) 1- مكياج مشمشي مع رتوش خفيفه لمكياج العين بلون أخضر فستقي وتحت الحاجب ذهبي على فضي وداخل العين كحل أخضر فاتح ولون العدسات ( رمادي من تراي كولور أو أخضرمن أوبتي كولور )وحاولي تصبغين شعرج لوون طبيعي بني خشبي .
2- وردي لحمي ( موفاتح فسفوري ) مع فضي وبنفسجي داكن وداخل العين تحطين كحل أزرق فاتح وال
عدسات تكون أزرق من تراي كولور أو أزرق تركواز من أوبتي كولور
إذا قررتي تختارين لون فستان العرس أوف وايت ( يناسب السمر أكثر)
1- مكياج وردي فاتح مع بيج وفضي وعدسات لون رمادي ولازم الشعر ينصبغ بلون البندق الداكن .
2- اللون الفوشي رهيب للبشره الداكنه مع أسود خفيف وفضي وعدسات رماديه .
3- العنابي مع البيج وعدسات عسليه من توتي أو رمادي من تراي والشعر أسوووووووووووود .
وما أنصح عرايسنا بلون الحمره البنفسجيه نهائيا ولا البيج ..
وطبعا هذا يعبر عن ذوقي الشخصي وخبرتي في مجال الميك أب..
وأتمنى إن الموضوع عجبكم وفادكم ..
عجبني المشمشي مع الفستقي
حسيته تغيير لأني بصراحة مليييييييت من كثر ما أشوف الوردي على العرايس
مشكورة حبوبه
الصراحه ذوقج حلووو وكلاسيكي مثل الالوان اللي أحبها في المكياج وهمن العدسات
ولو حاطه ويا الشرح صور توب
مشكوووره حبوبه
عاد انا نفنووفي بيج
ومكياجي درجات الألوان الترابيه مع الذهبي
وحمرة عنابيه
بس انا اشوف اللي بدلتها اوف وايت مالها الا المشمشي ..
انا بدلتي بيضا ومحتاره .. ودي بالاحمر او الفوشي .. مدري وابي مشمشي .. ماخليت شي :>
بالنسبه للي نفنوفها أوف وايت مع مشمشي ( الزين كله ) حطي مكياج العين قوس أسود وإطاره بني وفوقه مشمشي بلمعه وداخل القوس مشمشي ونثر زري خفيف ذهبي على كامل الجفن وتحت الحاجب ذهبي بفضي وعدساتج أووف كورس رمادي ( فاشن لوك ) وداخل العين كحل قلم أخضر والحمره مشمشيه مع ملمع وصبغي شعرج خشبي نفس لون كاكاو فليك.
اهو حلو بس اتحداج إذا عطاج منظر أو شكل راقي حتى بالصور ..
انا اقولج ليش لأن العروس راح يكثرون من مكياجها وخصوصا إذا بتروحين فندق راح يهتمون بالكريم حتى لو لونه طبيعي تكفي رسمه العين راح تكون أوفر شوي .
والعروس مكياجها راح يكون من بعيد موحلو إذا كانت رسمه عينها داكنه وحمرتها حمرا
إذا بخاطرج بالأحمر خففي من مكياج العين يعني خلي مكياجج رمادي مع فضي لون واحد مدرج وعدسات رماديه تراي كولور يطلع حلو بس انا أحب عين العروس بارزه والشفايف فاتحه تعطي إغراء وتصغر العروس .
والمكياج الفوشي حلو بس تكون رسمه العين بيج مع فوشي وفضي والحمرا فوشيه والعدسات يفضل العسلي لأن اللون شاب والله يوفقكم ياعرايس الكويت
