|
|
السلام عليكم
شلونكم ابلات؟
حبيباتي في شغلة انا مو بالعتها بالتدريس …. التدريس كلة كرهته 
اسمها (( نظام الجودة ))
هالنظام من السنة اللي طافت ملوعين جبودنا فيه .. ومادري شالهدف منه!!!!
وللي ما يعرفونه .. بقولكم بعض قوانينة:
1 / كل معلمة اتييب بطاقات لونهم احمر واخضر
بعد نهاية كل شغلة بالحصة سئلي طالباتج اللي فهمتوا؟
الفاهمة ترفع اللون الاخضر واللي مافهمت ترفع الاحمر
انتي عاد شوفي اللي رفعت الاحمر وسئليها شنو مو فاهمة وفهميها 
2/ لبسي كل بنت بطاقة حمرة او خضراء او صفراء عشان لمن يدش عليج ضيف يعرف البنات
اللي لونها احمر مستواها ضعيف
والاخضر ممتازة
والاصفر مستواها وسط
3/ بدفتر التحضير انتي حاطة اسئلة صح؟!
حطي يم كل سؤال ستيكر لون
احمر سؤال للضعيفات والاخضر للفائقات واصفر للوسط
4/ سوي خريطة للصف
رسمي الطاولات ووزعي اسماء بناتج بحيث تكون كل طالبة بمكان ماتغيرة لو على قص رقبتها وكل بنت لها لون حسب مستواها ممتاز – وسط – ضعيف
وطبعا كل ابلة مادة تقعد على كيفها
واذا دش الضيف يشوف الخريطة ويعرف ان مثلا ان اللي قاعدة بالزاوية اسمها فاطمة مثلا .gif "Eh S(10)")
يعني ما يحتاي يقولها شسمج يا بنية؟!!!!!!
هذي بعض قوانين هالنظام العوي ..
انا لمن ادش الصف اقعد اوزع البنات حسب الخريطة والبسهم البطايق واسطر السبورة واعدل واضبط يروح تقريبا ثلث الحصة
بنات انا تعبت من هالنظام واااايد … والمصيبة تعب من غير فايدة
يعني اتعب للضيف اللي بيي والطالبات مو مهم
عفية اذا كانت له فايدة وضحوها لي اذا تعرفون …
واذا عندكم طريقة تسهل علي هالامور قولوها لي فيديوني ترا والله غيابي صك 11 يوم وانا مو راعية غياب
بس كرهت التدريس من قللللللب
ويعطيكم العافية.gif "Eh S(17)")
يعني ماسمعتو بهالنظام؟
:d:d:d
هدفه تحسين و تطوير العمل و تحسين المخرجات
و هنيه طبقوه غلط لان يبيله احد اكاديمي و دارس ادارة هنيه الناظرات مايعرفوله
ولا ابتدائي انجليزي اكثر من 8 كلمات بالدرس
والعربي يعلمونهم الكلمه قبل الحرف وكدسوا المعلومات بدون اي فايده
و بعد لو تدرسين بنين راح يلعبون فيهم و يكفخون بعض بأي شي جدامهم ..
واذا مالقيتي حصة احتياط00 تاخر منهجج وتصليحج وشغلج عقبها يخسفون تقريرج
عذر ثاني عشان يكسرون بالمعلم ويلعبون بتقريره
سؤال الحين البنية لما تلبس بطاقة حمرا يعني ضعيفة
نفسيتها ما تتعب
بس لما اقوولها هاج تمارين زيادة علشان اتقوين ييبيهم باجر اشوفهم وياج
مني نفسيتها اتعبت و تحطمت و كرهت المدرسة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لاكن انا كتربويه اشوف ان هذا الشي غلط
اشلون ابين للطالبات مستواه انا ادري فيه و اسعى على اني اعدله
بس اذا الطالبه طول الكورس لابسه البطاقه الحمره هذا الشي بيحبطها و عمرها ماتحسن
و بتتحبط من زميلاتها الي لابسه الاخضر و الاصفر
هذا غلط تربوي كبير اي جوده اي بطيخ
على نظام فاهمه ومو فاهمه للطالب الحق باستخدام السانه انا موفاهم
والبطاقات اللي تبين مستوى الطالب انا ما اضيع وقت من الحصه عشان ضيف جاي يقيمني اسفه ياخذ وقت وحطيت بملف تحضيري ورقه فيها اسماء التلانيذ بثلاث مستويااات ضعيف متوسط فائق<>>هذي عشان ايكتها اذا تفلسفت
وما طبقت وماني مطبقه المناهج دسمه وتحتاج وقت ماراح اضيعه بخرابيط يستفيد منها الضيف وينظر فيها الطالب وهو امانه برقبتي واحاسب على كل معلومه ماتاخذ حقها بالحصه
تقبلي مروري
نورتووو موضوووعي
بس السؤال مهم !!
مافي عاقل بالوزارة يرفض هالنظااام؟
برنسيسة
احنا ناظرتنا مالت كشخة وديكورات واصباغ والعاب وخرابيط
واتوقع اهيا الوحيدة اللي استانست من هالنظام
مستوى اليهال بالطقاق المهم الشكل حلووو
وحسبنا الله ونعم الوكيل باللي حط هالخرابيط
: