ندوة أنفلونزا الخنازير من صجهم التربية ؟

أغلب المدرسات أكيد وصلتهم نشرة ندوة أنفلونزا الخنازير ..
الصراحة أنا أنصدمت ،،
يجمعون ? أو ? مدارس ! ستاف المدرسات كلهم ع الأقل ?? معلمة بكل مدرسة يجمعونهم بمسرح مكان ضيج ومسكر علشان يقولون ترا سوينا ندوة !!
علشان اللي ماتحوشها العدوى من مدرستها تحوشها من هناك !!!
امبيه قاعدة احاتي باجر يعني أنا فيني ربو شلون ؟
إذا امتنعت يخصمون بس ولا في اجراء ثاني ؟ لأن حاطين يوم أخير حق كل المتخلفات هم مابي احضر !!
الصراحة أنبطت جبدي بعرف أهمه يفكرون بشنو بالضبط ؟!
بس علشان يقولون سوينا ندوات ولا صحة الناس اخر شيء يفكرون فيه

اااي يــبـا شفيــج علشـان يقولون .. اطلعنا المعلمات على وسائل الحمايه والوقاايه من المرض .

يعتبرونها من خططهم في مكافحـة المرض << خير انشالله .

توه مساع الوكيله تقولي الي ما تحضر الندوه غيـــاب احسـبها

انا حضرت اللي اسمها ندوه ما ادري دورة والله خرابيط رحنا مدرسة بمسرح تقريبا 50 -70 مدرسة وشكثر وافدات وتعالي عاد اخذي فوق كل هذا يت سستر تتلكم ما تدري عن شنو والدورة كلها فليم دي في دي شغال صوت وصورة يعني المحاظرة ما تلكمت الا كلمتين على بعض ولما سألت السستر قتلها فرضا عندنا حاله مو المفروض توفرون كمامات دس طبي قامت تضحك تقول لا ما عندنا نعطيكم بس اذا في حاله دقي على الاهل وكلمي عاااادي يعني طول الدورة يقولون شون تغسلين ايدج واستخدمي صابون ومعقم

الله يحفظ الكويت ويحفظنا وعيالنا من كل مرض انشالله

امبييييييييه مسخره صراااحه ,,أنا رحت أمس واليوووم ,,,من صجهم بنااات والله والله نفس المحااظر ونفس الندوه وباااجر بيطلعوونا بعد …أقول لهم نفس الشي مافي شي جديييييييد يقووولون لأ جاااي من الوزاره اجباري تطلعون,,,الحمدلله والشكر ,,,

طوووووول المحااظره يقووول التعقيم والتطهير بس ,,,والله ما استفدت شي

احنا عندنا المدرسه تطلع مره وحده للندوه مو كل يووم ماكو شغل شنووو وبعد عشااان يكووون اكبر عدد من المدرسات ينتقل لهم المررض وطبعا المدارس اللي مخلييين عدد محدود من المدرسات اهم يروحون فاكييد الناظره مضحييه بهذيل بس لووووووول الله يعيينهم اما احنا لا كشخه كلناا يبوووناا ننعدي لوول مافي تفرقه

والندوة المفرووض فيها دكاتره نناقشهم بالحالات وكيفيه التعامل معاها وغيرها ولاعراض مو بس تعقيييم

تحمدوا ربكم يابنات علي نعمة العقل اللي احنا فيهااا

وزارتنا عقلهااا طاااااار واستخفوا

انا حضرت للندوه بس طبعا لبست كمام
تخيلون اكثر من 100 مدرسه متجمعين في مسرح ضيج علشان يتعلمون شلون يغسلون ايدهم ؟؟!!!!
جنهم يبون يموتونا و يوفرون معاشاتنااا !!!

شي غريب

الحين مو يقولون ممنوع التجمعات؟؟؟؟؟؟؟؟؟؟؟

شفيهم يقولون شي ويسوون النقيض

كل مدرسة تييبون لها سستر تسوي محاضرة بدون ما يتجمعون الكل في هالمسرح من كل صوب

الله يستر علينا يدرتنا صارت كلش

حتى التفكير ماقاموا يفكرون زين

الله يستر علينا

بناااااات متى آخر يوووووووووم لندوه انفلونزا الخنازير

والله يستر علينا ياااارب ..

انا حضرت وما استفدت شى بس علمونا شلون نغسل ايدينا بالماي والصابون عشتو احنا ما نعرف وسألته وحده هل بالتطعيم ىتم القضاء على

هالمرض قال معرفش بس انتوا اغسلوا ايديكم بالصابون

لا احنا عااااااااااااااااااااااد شكل ثاني

عطو كل قسم مرحله يالله يابلات بدل الخدم*** وزعو الكتب وكيسوهااااا **اللي يقول الطلبه باجر بيداومون

صار شغل امينات المخزن شغلناااااااااوالكتب مغبره وحسبيالله تنكت منهاااا

بس مارحنا لادورات ولا اي شي ؟؟؟؟؟؟؟؟؟؟

ليش غريبه نسونااااا؟؟؟؟؟؟؟؟؟؟؟؟؟؟؟؟؟؟؟؟

اهي لكل المدراس ولا شنو يااامعلمات

يعني شلون يا رفرف؟

تبينهم يطلعون جذابين؟ وتطلع ولا ابله مصابه؟

لازم يسوون يعادونكم غصب طيب علشان يشوفون اجراءاتهم التعبانه نفعت ولا لا

الله يعين حياتي ولو منج اقول لهم ماني رايحه وآنا مريضه اخاف اعادي احد وفترة حضانة المرض ماتبين .. وقولي اني ترى اعرف الاجراءات كلها من التلفزيون

صدقيني رفرف ارششاداتهم اهي نفسها اللي بالتلفزيون آنا حضرت من الندوه دقيتين وقعت وطلعت خايفه على عمري ومرت اخوي حضرت الندوه تقول قمة التفاهه

الله يعين ياخيتي