الله يجزاهم خير بنات المنتدى حببوني فعلا بقراءة سورة البقرة وانا اقضي وقت وايد بالنت فقلت بما اني اقضي وايد ليش بدال ما اضيع وقتي بشي ممكن يكون مو مفيد بش مفيد .. فقعدت ادور موقع عشان اقرى القرآن لقيت وايد مسموع بس انا ابي قراية لان المسموع لازم اكون خاشعة بالسمع لان انذكر بالقرآن ان اذا قريء القرآن لازم ننصت له ونستمع وانا مابي اناقض نفسي واكون لاهية بشي والقرآن يقرى وانا ممكن بالي يكون مشغول بشي المهم وانا ادور لقيت هالموقع وقريت منه 20 صفحة من سورة البقرة وسويت تحميل حق جدول الاخت cherry في قراءة سورة البقرة لمدة 40 يوما وبما ان بدينا اليوم الخميس فأنا قريت 20 صفحة واكمل الباجي او اقسمة على الصلوات بعد الفير او العصر وجذي ليما انشالله اخلص السورة كاملة وانا نزلت من الموقع القرآن الكريم قراءة ووايد حلو اهوا موقع الرئيسي للقرآن الكريم بالنت في تحميل وفي قراءة.. وانا حبيت افيدكم انكم تنزلونة لان اذا خذيتوا لاب توبكم الشالية او مكان وكنتم فاضين و مو شابكين تقرون منه والله يتقبل يا رب والله اعلم اني احبكم في الله وحبيت افيدكم لعل تكون وحدة مثلي كانت تدور وتحوس وانا الحين حاطته للافادة .. وما ابي منكم الا الدعاء ان الله يفرج همي ويحققلي اللي ابالي يارب .. واتمنى انكم تستفيدووون وانا نزلته وقاعدة اقرى منه الحين … ومشكورين على قراءة الموووضووع 