|
|
كتب عبدالعزيز الفضلي:
بعد النجاح الذي حققته وزارة التربية بتوفير منفذي خدمة عبر التعاقدات الخارجية من مصر والهند شكلت وزيرة التربية ووزيرة التعليم العالي د.موضي الحمود فريقاً برئاسة وكيلة الشؤون الادارية عائشة الروضان للتعاقد مع منفذي خدمة من جمهورية مصر العربية وآخر برئاسة مدير ادارة الموارد البشرية راشد العجيل للتعاقد مع منفذين من الهند.
واكدت مصادر تربوية ان الوزارة وفرت 1000 درجة وظيفية لمنفذي الخدمة من الدولتين، مشيرة الى ان اللجنة ستبدأ عملها في الخامس من شهر ديسمبر المقبل وحتى يوم 26 من الشهر نفسه.
واشارت المصادر الى ان المتعاقد معهم سيتقاضون راتباً قدره 140 ديناراً شهريا اضافة الى توفير خدمة السكن للاناث مؤكدة انهم سيخضعون لفحوصات طبية في بلدانهم واخرى فور وصولهم الكويت وقد تم التنسيق بين الدولتين في عملية اجراءات التعاقدات منذ البدء فيها وحتى وصول المتعاقد معهم، مبينة ان اعمار المتعاقد معهم تتراوح بين 30 و40 عاما.
رابط الخبر https://alwatan.kuwait.tt/ArticleDetails.aspx?Id=62683
وليش مايكونون (كويتيات ) وايد محتاجين شغل وطوابير الديوان تشهد …
أو حتى ( بدون ) نفهمهم ويفهمونها … هندي شلون نبي نتعامل معاه .. ولو ما يعرف عربي هم بتكون مشكله كبيره
أشرايكم …؟؟؟
من قال لها نبي منفذي خدمة ؟
نبي وزير تربية بسسسسس
جان زين تتعاقد مع وزير التربية الهندي و تفااااااارجنا
تروح للهنود و شرط ما راح يستحملونها !
من قال لها نبي منفذي خدمة ؟
نبي وزير تربية بسسسسس
جان زين تتعاقد مع وزير التربية الهندي و تفااااااارجنا
تروح للهنود و شرط ما راح يستحملونها !
الكويتين يرضون يصيرون منفذين خدمة ؟؟؟؟
أكيد ما يبون !! عيل الوزارة من وين بتييب لها موظفين ؟ اكيد من برا
وبعدين الحين الوزارة قامت اتييب مدرسين اجتماعيات ودين اللي طوووول عمرنا يدرسونا كويتين قامت الحين تيب وافدين لانهم ارخص بالرواتب و يشتغلون بدون تحلطم
شرايكم يعني
ماراح تييب منفذين خدمة من برا !!!
وسلاااامتكم
شر البلية ما يضحك
شنو هالحال المتردي لا حول ولا قوة الا بالله
منفذي خدمه من مصر والهند ليش >> انا كنت اشتغل سكرتيرة وبعدها صرت رئيسة قسم اداري ولما نجحنا سوو لنا اجتماع بالوزارة وقالوا لنا الاعمال الادارية كلها راح نشيلها من المعلمات علشان يتفرغون لعملهم الاساسي وراح نوظف كويتيين بوظيفه اداريه علشان يشيلون هالشغل وطلعوا قرارات بوظيفتهم واعمالهم وكله حجي بالهوا – وقالوا لنا بنوظف الكويتية اللي شهادتها متوسطه علشان تقوم بهالعمل
بس مع الاسف اللي شفته على الواقع شي والكلام شي
1 – تطفيش المعلم الكويتي بكثرة الدخول عليه من التوجيه وطلبات ما لها اول ولا تالي المعلم والمعلمه الكويتية لازم درس وورشه ودروس نموذجيه على مستوى المدرسة والمنطقة وغير المناسبات جهزي ودزي للوزارة والمنطقه والمدارس ومن جيب المعلمات والوافد لا شي عليه
وااااااااااااااي قهر الوافدات تعليمهم يقهر وفوق هذا محد يكلمهم والمعلمه الكويتية لو تغيب يوم واحد اللي بعده يحرقونها رئيسة القسم والوكيله والناظره والموجه كلهم عليها ليشششششششششششششششش ؟؟؟؟؟؟؟؟؟؟؟؟؟؟؟؟ >>> طبعا الاستقالات اشكثر
والحين بينحشون منفذات الخدمه الكويتيات وعددهم قليل واغلب اللي موظفينهم كانوا مرضى بالقلب والضغط والسكر وكبار بالسن >> اذكر عينوا عندنا وحده من هالنوعيه مسكينه والله كنت اخاف اطلب منها لا تطيح من الحر والصعده والنزله ((( علشان يكون عندهم عذر لي بغوا يجيبون من برا )))