منوووو تعرف دكاترة التربيه البيئيه ضروري

بليييييز بنااااات

منو تعرف الدكتور علي حسن ابراهيم م

نزل تربيه بيئيه بالصيفي

ضروووري

ما اعرفه بس هذا تقييمه

5/4.8
ان مستوى الاختبارات متوسط الصعوبة
وشرح المدرس شرح جيد جدا
والأغلبية حصلو على تقدير B
بإختصار ننصح به
عدد الطلبة الذين شاركوا في التقييم 52

التقييمملاحظات الطلبة– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: منهج المدرسة الأبتدائية وتربية بيئية التاريخ: 2011-02-19الطالب: كوكو رقم التقييم: 23073

الدكتور مهما أقول لا نوفية حقة محترم وأخلاق وذوق وأدب ومتفهم ومحاظرتة حلوة وأسلوبة راقي ودرجات عندة علي قد جهدج أنصح بالأخذ عندة

– النجوم:
– المستوى: صعب جدا
– الشرح: شرح متوسط
– حصلت على: C
لا ننصح به
المـادة: تربيه بيئيه التاريخ: 2011-02-13الطالب: shahad92 رقم التقييم: 22977

السلام عليكم ,,
الدكتور علي حبوب و طيب و يتغشمر مع الطالبات بس امتحانه حيل صعب لبنات الادبي ممكن بنات العلمي يمشون عنده ويتفاعلون معاه بس اهي ماده دسمه تحتاج تركيز من بنات الادبي وهو يسولف الصراحه و يوريج افلام و يضحك ويشرح و يعطيج امثله بس الصراحه مايفهم وايد يعني امتحاناته اووف حدها صعبه بس مدحولي اياه اهو حبوب بالمحاضره وكله يقولج بابا وبابا بس امتحاناته صعبه مع مستوى شرحه يعني امتحانه اعلى من مستوى الشرح هذا قصدي بس مادري من وجهه نظري مااعتقد اذا حط ماده راح اخذها عنده

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: تربية بيئيه التاريخ: 2011-02-07الطالب: fest8h رقم التقييم: 22819

السلام عليكم …

سجلو عنده وانتو مغمضييييييييييييييييييييييييييييييييييين عجيب الدكتور خذيت عنده A

– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: منهج المدرسه الابتدائيه التاريخ: 2011-02-06الطالب: may99 رقم التقييم: 22766

السلام عليكم
بصراحه دكتور علي من اروع الدكاتره الي درست عندهم قبلها هالماده اخذت تربيه بيئية اخذت A ونفس الشئ بمنهج
اول شئ الدكتور محترم وراقي جدا بالتعامل وتحترم الطلبه ويقدر الظروف وبالنسبه لتوزيع الدرجات كالتالي :
15 عمل التدريبات والاختبارات
15 تقرير الزياره الميدانيه
10 حضور
10 قضيه الاسبوع مع المشهد التمثيلي
5 المشاركه
45 امتحان فاينل
وفي بونص على طول الكورس عن طريق اسئله يعطيناه بعد المحاضره وفي بونص حق الى مايغيب
والصراحه دكتور ما في منه حسافه ماعندي مواد اخذها عنده بصراحه احلى مادتين اخذتهم عنده
والى يلقى عنده ماده مبطله ياخذها بدون تفكير لانه جد من احسن الدكاتره بالجامعه بكبرها
وعسى الله يوفقك يادكتور علي

– النجوم:
– المستوى: متوسط الصعوبة
– الشرح: شرح ممتاز
– حصلت على: A
ننصح به
المـادة: بيئيه التاريخ: 2011-01-27الطالب: غلا الدنيا رقم التقييم: 22544

دكتووور قمه في الاخلاق

الله يوفقه

انصح فيه وبقوة

ماده سهههههله جداد للي تخصصهم علمي مثلي
وانا من كلية العلوم واستفدت حيل من هالماده الاختياريه

لا يطوفكم هالدكتور

ثانكس

– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: تربيه بيئيه + منهج التاريخ: 2011-01-25الطالب: الحالمه رقم التقييم: 22479

د : علي ابراهيم الكندري ,,

والله بصراحه اول شي ما ادري شقول وشلون اقيم هالدكتور ..
لأن لو قيمت ما اظن اني اوفيه حقه ,,

أخلاق + حسن تعامل + روعه بالشرح + نظام + التزام + إستفاده + تعزيز ودافع للتدريس والتفائل وكل شي حلو ..

كل هالاشياء موجوده بهالدكتور ..
ما شا الله اخلاقه عاليه في التعامل مع الطالبات ككل وما يميز بين احد ..

ويتعامل باحترام مع الجميع ويقدر ظروف الطالبات مهما كان السبب ,, يساعد يحب الخير للجميع من باب احتساب الاجر عند الله سبحآنه ..

منتظم بالساعات المكتبيه (( ونآدر ما نشوف دكتور ملتزم بساعاته المكتبيه لان اغلبكم عارفين بعض الدكاااتره *البعض منهم * من السياره للمحاضره ونادر ما يقعد بالمكتب .. ))

استفاده بجميع المجالاات دينيه , علميه , صحيه ,, في المحاضره من خلاال المشاركات في بداية المحاضره ..
واستفاده من طريقته في التدريس روووعه ما شا الله ..

يحبب الطالبات في التدريس وفي المقرر من خلال التنويع في الاداء ..

في مقرر تربيه بيئيه ,, كنت اول سنه لي بالجامعه
كنت انسانه هاااديه ما احب اشااارك وما كنت حابه الماده من الاساس لان فيها برزنتيشن ومشاركات وكل الدرجات على هالاشياااء وكنت كارهه الماده لان ولا مره بحياااتي قدمت ,,
لكن بفضل الله سبحانه وتعالى ثم الدكتور علي صرت انسانه جريئه ,, اقدم بكل ثقه وبدون خوف ولا تردد ..
وانصدم الدكتور مني
لان من كثر ما كنت خاايفه حفظت كل شي بالفصل الي بقدمه .. والحمدلله عدت على خير
وبعدها تعديت مشكلة الخوف من البرزنتيشن ..
كانت المحاضره من اروع المحاضرات وما كنت اغيب ولا اطوف ولا محاضره وبسرعه المحاضره الحلوه الوقت يروح فيها ,,كان يحببنا بالمقرر والتدرريس وينصحنا نصايح الله يجزاه الف خير يارب ,,
مقرر تربيه بيئيه سهل للداارس ,,
لان يحتوي بعض معلومات علميه لكن مع الشرح والتقديم الي يقدمه الدكتور نقدر نركز على المهم بشكل سهل جدا ..
والامتحاااااااااااااااااان سهل سهل سهللل للدارس والي مركز طبعا ..
والحمدلله اخذت a ,,وكانت احلى a من دكتور علي ما انساها ..

واخذت عنده مقرر منهج المدرسه الابتدائيه ..
كااااااان اروع المقررات الي تمنيت اخذها عند دكتور علي واخذتها ,,
روعه تتكلم عن المدرسه الابتدائيه والمناهج وعلمنا شلون نسوي اختبارات ,, كنا نشتغل في هالمقرر بزيارات ميدانيه واختبارت وتقديم برزنتيشن لكن والله العظيم العبره في النهايه كل شي سويناه احنا نستفيد منه

استفدت انا شخصيا من الزياره الميدانيه شفت الواقع الي في المدارس الابتدائيه ,, سجلت كل ملاحظاتي وشلون طريقة تعامل المعلمات مع الاطفال الابتدائي وكل شي بالمدرسه ..

بالبرزنتيشن سوينا عن مشكله من المشاكل في المدارس وتعرفنا على المشاكل واهميتها ومدى خطورتها وشلون نتغلب عليها ,, يعني نستفيد حيييييييل
ويعلمنا الدكتور يساعدنا شلون نتغلب على كل المشاكل وينصحنا نصايح الله يجزاه الف خير ..

وبالاختبارات كانت اروع شي في هالمقرر
سوينا اختبارات كل وحده وتخصصها ,, بس بطريقه ثانيه بحيث ان الطفل يشوف الاختبار ما يحسبه اختبار ما نحسس الطفل الي يجاوب عالاختبار ان هذا اختبار ,,بطريقه ملونه ومصورات تناسب عمر الطفل ..

والله العظيم دكتور علي لو اكتب فيه ما اوفيه حقه ..
اشياااااااااااء واااااااااااااااااااااجد انا استفدت منه ..
كان بمثابة الاخ قبل لا يكون دكتوري وكان مثال رائع لاخ ودكتور نادر وجوده ,,

كان ومازال بالنسبه لي أنا
(( أســـتــــــــ ::القلـــــوب:: ــــــــــــاذ ))

وطول الاربع السنين الي فاتت كنت انطر هاللحظه الي اقيم فيها دكتور علي ,, وجت هاللحظه هذي وهي لحظة تخرجي هالكورس , ,

الله يوفقك دكتور .. وربي يعطيك الصحه والعافيه يارب
ونشوفك عميد للكليه يارب ونسمع عنك كل الاخبار الحلوه ,,

ونحبك كلنا طااالباااتك ,, نحبك في الله ,,

طالبتك :: الحآلمه (( رغد المستقبل ))

– النجوم:
– المستوى: متوسط الصعوبة
– الشرح: شرح ممتاز
– حصلت على: A
ننصح به
المـادة: تدريس علوم 2 التاريخ: 2010-09-24الطالب: درة الكويت رقم التقييم: 22016

الدكتور قمة بالاخلاق

حببنا بشي اسمه تدريس
خاصة ان طريقة التدريس اللي علمنا عليها طريقة يديدة و مبتكرة و غير تقليدية
"دورة التعلم"

وايد استفدت منه

انصح الكل ياخذ عنده
ما اقول الا الله يعطيه العافية

– النجوم:
– المستوى: متوسط الصعوبة
– الشرح: شرح ممتاز
– حصلت على: A
ننصح به
المـادة: تربيه بيئيه التاريخ: 2010-08-11الطالب: المها رقم التقييم: 21529

دكتووور في قمه الاخلاق ماشفت مثله ولااتوقع اشوف

– النجوم:
– المستوى: متوسط الصعوبة
– الشرح: شرح ممتاز
– حصلت على: A
ننصح به
المـادة: تربية بيئية التاريخ: 2010-07-18الطالب: الجديلة رقم التقييم: 21357

دكتور فضيع بمعنى الكلمة مبدع باسلوبه، يهتم بالطلبة ويحفظ اسماء طلبته ويحب الكل يشارك ،ومحاضرته ممتعة بسرعه الوقت يخلص وناااااسه ،،،
وهو طبعا يصر عالبرزنتيشن لانه يشوف مهم جدا.

– النجوم:
– المستوى: سهل
– الشرح: شرح ممتاز
– حصلت على: B
ننصح به
المـادة: بيئية التاريخ: 2010-07-13الطالب: أمنيتي حسن خاتمتي رقم التقييم: 21298

الدكتور حيل زين و محترم بمعنى الكلمه ويشرح من قلب المنهج
يعني انا كنت اغيب عنده واجيه بس اقوله سبب غيابي كانت يتقبل و اذا ما قدر ادوام المحاضره استأذن منه ويقدر حيل واسلوبه راقي جدا معانا وعنده امتحانين وشرح فصل واذكر اني ما شرحت زين حطي 9 من عشر وقالي اذا تبين ازيدج اشرحي جزئية ثانيه وشرحتها ورفعني درجة وكان عنده بونص 5 درجات على شرح القضيه والواجبات بونص وكتابه مقالة وتحطينها بالجريدة بونص 3 درجات وبالخير طلعت Bورفعني +B لاني ما قدمت زين بالامتحان وما كنت احل الواجبات

مشكووووووره

ديري بالج في دكتورين واحد فيهم زين والثاني ما يمدحونه
اللي زين ويمدحونه اللي اخر شي مكتوبة اسم عايلتة الكندري