السلام عليكم أخواتي
أولا أحب أعبر عن وناستي وفرحتي بالانضمام لمنتداكم
ثانيا ودي ما تبخلون علي في تجاربكم وآراؤكم بخصوص موضوعي وهو:
رحت عيادة الدكتور خالد العنزي في الأميري وكان في بالي أسوي تحزيم معدة فلما شافني ماشاء الله عليه وجه سمح وبشوش وبصراحه سخي نفس ما قصر معاي بالشرح
المهم غير فكرتي عن التحزيم وقالي وايد فيه مشاكل خصوصا بالنسبة لمجتمعنا فاقترح علي أسوي عملية تكميم معدة أو سلييف بالإنجليزي لأنها أنجح عملية في تخسيس الوزن بدون مضاعفات.
اللي أبيه منكم خواتي تفيدوني بتجاربكم وآراؤكم يعني بلييس اللي مسويه العملية تشرحلي شنو صار لها وشنو حست فيه بالتفصيل الممل اللي راح يكون بالنسبالي غير ممل طبعا بالعكس راح يكون شيق ويفيدني في اتخاذ القرار
ناطره ردودكم على أحر من الجمر.gif "Eh S(8)")
حياج الله حبيبتي .. اخت عزيزه وغاليه ..
في بنات وايد بالمنتدى مسوين هالعمليه وفي تجمعات خاصه فيهم
https://www.q8yat.net/showthread.php?t=473256
هذي وحده من البنات مسويه العمليه ونزلت ماشاء الله عليها وحاطه صوره .. وان شاء الله البنات يفيدونج اكثر
اهي نفسها الحلقه ولا شنو
ابعرف عنها لاني شكثر سمعت عنها
لالالا غير عن الحلقه يسمونها تدبيس .. قص طولي للمعده بالرابط اللي حطيته تجربة البنت جزاها الله خير
التكميم أو السليف أحسن من التدبيس التدبيس بدون قص جزء من المعده بس تدبيسها أما السليف هو قص طولي للمعدة وازالة الجزء المقصوص من فتحة المنظار وهو اثبت انه احسن وهي اجدد من التدبيس , والدكتور خالد العنزي ممتاز بغيت احصل عنده موعد ما قدرت وباجر موعدي مع الدكتور دشتي بالاميري يمكن اسمه طلال بليييييييييييييييييييز بنات اللي تعرفه اشرايها فيه
اها مشكوره على المعلومه تونه : )
اي في وحده اعرفها سوت عند العنزي وتمدح فيه وماشاء الله محافظه على وزنها وعلى تعليمات الدكتور كانت 105 والحين صارت 75 وداشه نادي رياضه وسباحه وهي تنصح كل وحده متينه تسويها … ان شاء الله اكون افدتج … ولا تنسين تقولين لنا شنو يصير معاج …موفقه
بنات انا باجر عمليتي بسوي السليف
عند الدكتور اسامه الصانع برويال حياه
الله يستر
حبيبتي marshmallow ضروري ضروري بعد العملية تكتبين اشصار عليج , لأني قاعده اكمل فحوصاتي وبسويها واليوم سويت منظار .
اب
اب
اب
أنا وياكم بعد ناااويه عليها انشالله وبسويها عند الدكتور سلطان التمياط بصراااحه مشالله عليه أحس ايده تعودت على هالعمليات من كثر مايسوون عنده ويجي خصوصن للكويت عشان مراجعينه كثير … باذنالله ابسويها بس ابتاكد اني حامل ولا لأ ..عشان ؟أروحله
اللي تسويها تقولنا تجاربها أول بأول الله يجزاكم خير
هلا خبيبتي انا سويتها عند الدكتور محمد الجار الله وانصحكم فيها انا صارلي شهر إن شاء الله الله تمم علي واوصل للوزن الي ابيه بصحة وعافية
انزين بنات شلون اذا الوحدة بتحمل عقبها؟ما راح تاثر عليها وعلى تغذية البيبي ؟
انزين بنات شلون اذا الوحدة بتحمل عقبها؟ما راح تاثر عليها وعلى تغذية البيبي ؟
انزين بنات شلون اذا الوحدة بتحمل عقبها؟ما راح تاثر عليها وعلى تغذية البيبي ؟