منو طالبه في كلية التربية الاساسيه ابيها بشي ظروري

السلام عليكم بنات شخباركم ..

ادري قرقتي وايده وحنتي وايد بس شسوي مشلخيني هالدكاتره بالواجبات والبرزنتيشنات والبحوث … بنقص نصين ..

الله يعين ..

المهم ابي اعرف منو تدرس بالتربية الاساسيه بالشاميه ..

الي تدرس يريت تراسلني على الخاص او تحط اسمها وانا ادز لها مسج على الخاص بسال عن شي هناك وشكرا لكم جميعا ..

حدي غشييييييييييييييييمه ..

نعـــم

نعــم

نعم

خير ؟؟ أحد ناداني

انا يا الغشيمه زميلتج بالمعاناه و الالم .. اذا تبين اي شي انا حازره .. اطلب تدلل قول

أمرك يا جميل .. شو بدك حبيبة البي ؟؟؟

يا بعد عمري يا سويتا تسلمين وماتقصرين ..

سلمج الله انا طالبة تربيه بس بالجامعه المفتوحه وعندكم مدرس يدرسني وابي شوي معلومات عنه اذا تعرفين يعني قصدي يعطي درجات زين شلونه بالامتحانات وهكذا عشان اذا سبحان الله فيه عله اقدر انسحب من عنده لاني موناقصه انخفاض معدل عموما اعطيج تفاصيل اكثر بالخاص فشوفي الخاص اوكي ..

وتسلمين يالغاليه وماقصرتي ..

هايووووو .. كيفيك غشمشم

سوري حبيبة البي .. انا اول مره اسمع بهالدكتور

و ما اعرف ولا شي عنه .. (( بتخرج و ليلحين ما اعرف الدكاتره ))

اسفه يا عمري .. اعذريني .. و بعدين ترى طلباتج وايد صعبه

تحقيق مو طلب الله يهداج هههههههههههههه

ودي اساعدج بس صج ما اعرفه و الله

ان شاء الله تكون معانا طالبه ثانيه من التربية الاساسيه و تفيدج اكثر مني

ههههههههههههه

ظحكتني تعليقاتج … عموما الله يعطيج العافيه وماقصرتي ..

قوه اختي الغشيمه

انا موطالبه والله بس حبيت اسالج عن الجامعه المفتوحه :
باي منطقه؟
شلون نظام الدراسه؟
جم يكلف الكورس؟
ماهي التخصصات اللي عندهم؟؟؟
جم مده الدراسه؟
وشنو الشروط للقبول ؟ وجم المعدل المطلوب ؟ وشهاده 99 يقبلونها؟؟

هلا اختي جوريه .. الله يهداج شلختيني بالاسئله .. عاد لو تعرفين جم مره انسالت هالاسئله ..جان اتطقين على راسج ..

بس ميخالف بجاوبج وبريحج ..

شوفي يا عمري ..

مكان الجامعه بالجابريه وبالشعب وبالمسيله ومقرها الرئيسي اذا بتقدمين اوراقج بالجابريه يم مستشفى مبارك على الشارع الي تكون فيه المستشفى على يسارج والجابريه على يمينج ولو كملتي سيده تييج الجمعيه على يسارج المهم ..

وعلى فكره الكورس الياي راح تنتقل الجامعه بجميع فروعا الى فرع واحد بخيطان ..

نظام الدراسه اعتماد كلي على نفسج يعني المدرس مايشرح بس يعطيج رؤوس اقلام عن شي معين او يوضح شي مو مفهوم لج ..والباجي عليج طبعا كل ماده لها بحوث او تقارير وامتحانات وواجبات وعلى حسب المدرس ممكن يطلبهم كلهم او يطلب واجبات وامتحانات او بحث وامتحان بدون واجبات وهكذا على حسب المدرس والماده ..

تكلفة الكورس مافي سعر معين على حسب جم ماده خذيتي وشنو نوع الماده شتركه تخصص على حسب بس هالكورس زايدين الاسعار يعني انا كنت ماخذه انجليزي المستوى الثاني السنه الي طافت كلفني 30 دك وهالكورس خذيته لاني مانجحت فيه الكورس الي طاف وخذو مني 50 دك مع الكتب طبعا .. يعني كل ماده لها سعر ..

بس الحين المستجدين ياخذون منهم ميتين وشوي على ماده ماخذيناها بوقتنا توها يديده الانجليزي التمهيدي وماينحسب من ظمن المعدل بس تمهيد لج ..

تخصصات الجامعه ..

تربية ( مدرسة ابتدائي بس )
انجليزي
حاسوب
ادارة اعمال

مدة الدراسه 5 سنوات للتخصص اذا كانت دراستج عاديه ومع السقوط لاسمح الله او اخذ مواد قليله تزيد طبعا ..

شروط القبول شهادة الثنويه المعدل ماكو معدل محدد ياخذون من الاعلى الي الاقل واذا ماقبلوج هالكورس مثلا يقبلونج الكورس الي وراه وهكذا ..

الاعتراف ….

على كلام دكتور قال لنا ان الاعتراف مضمون انشاء الله بس مايصير رسيم الا بتخريج اول دفعه من الجامعه فلما تتخرج اول دفعه راح يكون الاعتراف رسمي انشاء الله ..

ولله اعلم .. واذا في سؤال ثاني انا حاضره ..

مشكووووووووووووووره حبيبتي يعطيج العافيه
امممممممممممممممممم يعني مو معترف فيها للحين؟
انزين انا شهادتي دبلوم سكرتاريه وادارة اعمال مكتبيه يحسبونها من ضمن تخصص اداره اعمال او حاسوب ولا ارد على شهاده الثانويه؟؟؟؟ والتربيه شنو تخصصات فيها؟؟

حبيبتي الاعتراف مسالة وقت فقط انشاء الله ..

بالنسبه للقبول يقبلونج على شهادة الثنوي مالهم شغل بدبلومج وتختارين التخصص الي تبينه وعقب مايقبلونج تقدمين شهادة الدبلوم يعادلونها لج بس مادري المعادله على حسب التخصص الي تبينه ولا لا وبعدين لاتتفائلين وايد شهادة الدبلوم هذي الي سنتين وشوي وحنا ندرس فيها ما يعادلون منها الا مادتين بس يعني جنج داشه الجامعه من يده ويديد تدرسين من 4 الى 5 سنين اذا كنتي شاطره ومستواج زين ..

الغشيمه يعني اخلص دراسه وانا عمري 28 شبقى لشبابي

انتي شنو تخصصج ؟؟ ودراستهم صج كله بالانجليزي وصعبه؟؟

جوريه انتي نفس عمري !!!!!!!!!!

تصدقين عبالي كبييييييييييييييره .. أخاف ( جورية ) الثانية مو انتي !!!

لأن انا خريجة الثنوية سنة 99 .. زين لقيت وحده كبري

انا تخصصي كان ادارة اعمال وكان كله انجليزي وصعب بس حولت تربيه وكله عربي ..والحمد لله لحد الحين ماشيه فيه ..

حبيبتي انا تربيه اساسيه واخر كورس لي

مع اني صج ماعرف بكل الدكاتره

بس قوليلي شسم الدكتور يمكن اقدر افيدج

انا بعد بالتربيه و خبرتي لا بأس بها بالدكاتره قوليلي و يمكن افيدج

يامرحبااا

امريني شنو بغيني من الشاميه تدللي