|
|
شلونكم يا حوامل ..
حبيت أستفسر منكم من اللي جربت تييب سستر وقت النفاس ..
جم رقم الشركة اللي تعاملت معاها ؟؟
منو جربت فيكم ؟؟
تسو السالفة ولا لأ ؟؟؟ شنو تسوي ؟؟ وتيي من الساعة جم لي جم ؟؟ وجم سعرها ؟؟
أدري الأسئلة وايد بس واللي يسلمكم ودنا نستفيد ..
اللي عندها رقم لأي شركة ياريت لو تفيدني ولادتي قريبة وودي تكون عندي المعلومات كاملة قبل الولادة
وتسلموووووووون ..
وعسى الله يسهل ولادة كل حامل يارب
او اختي خذتها من المواساة اعتقد ال12 ساعه ب 10 دنانير يعني مثلا اتييج 8 بليل اتروح 8 الصبح او انتي او كيفج تختارين الوقت الي يناسبج
او وايد زينه او تريح
انا اختي يابها لها ريلها اول 10 ايام من النفاس علشان ترتاح او تقدر اتنام
او بنت خالتي كانت اتييبها بليل لي الصبح لان هم بعد بنتها كانت حنانه اسمالله عليها
دقي على الهادي او المواساة يعطونج ارقامهم
وأختي أم راكان تصدقين أول مرة أسمع انهم بالمستشفيات هقيت من شركات بره
بدق باجر على الموساة والهادي أسألهم .. مشكورة وما قصرتي ..
واختي أم ريماس والله صاجة الوحدة أول 10 أيام على الأقل ما لها خلق يالله بعمرها وبعيالها ..
يالله باجي الخوات شاركونا منو جربت غير المواساة والهادي ؟؟؟
81 وحدة دشت شافت الموضوع وبس 4 اللي سامعين فيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
امبلا واااااايد اعرف ناس يايبين سسترات حق الاربعين تقعد مع البيبي علشان الام اتنام و ترتاح و انشاءلله ناويه اييب وحده بس ابي اييب وحده ثقه مجربينها يعني يا مالت بنت خالتي يا مالت حماتي لانه جربوهم ويمدحونهم بس غالين اشوي ياخذون 350 بالشهر بجرب اتصل علي الهادي والمواساه اشووف الاسعار
ووايد مريحه الفكره حق الام يا بنات ترا وكل وحده علي راحتها شنو اتفضل بس بالنسبه لي انا ضروري احط وحده لاني بجر و ماعندي خبره بالبيبي كلش خايفه
عندج العيسي علانهم بالجريده
نص يوم لمدة شهر 300 دينار
بييبهم اول عشر ايام يطلع علي 100 دينار واااااااااايد زين على الاقل لين يبرى الجرح
بنت عمتي جربتهم لان بنتها هم حنانه مسكينه و امها مرة كبيره ما تعبر تجابل
حبيبتي شركة العيسى للخدمات الطبيه رقمهم و اعلانهم بجريده الوطن صفحه الاعلانات دايما موجودين
او دقي على 808080 يعطونج رقمهم
و بالسلامه حبوبه
اذكر لما ولدت بدار الشفا عطوني بروشور فيه اعلان عن السستر اللي تيي البيت
بس كانت شركة خارجيه مو من المستشفى
وانا باذن الله اذا حملت و ولدت باخذ لي وحده لو الـ 10 الايام الاولى
لان اسم عليهم عيالي 4 وين اشقل فيهم بيت اهلي بقعد في بيتي اريح >>>>>> جني قلت قصة حياتي ههههههه 
انزين البنات اللي خذوا ياليت يفيدونا بالارقام
أختي أمواج البحر والله زين تسوين ..
ومشكورين خواتي على المشاركة ..
يالله ناطربن مشاركات أكثر
صباح الخير
اليوم و انا طالعه من بيتنا و لا اشوف سياره فيها سسترات ميني باص
وعند بيت جيراننا و الحقهم و بتوينات عشان ابي اشوف الرقم على جنب هاهااهاهاهاهاها
و بعد مطارده من صباح الله خير يبتلكم الرقم المكتوب على السياره
الاولى للخدمات الطبيه
5722244
شرايكم فيني ؟؟!!!!
يالله كل البنات أخذوا لنا جولة بفرجانكم يمكن تصدف وياكم مثل coca cola ..
هيهيهيهيهيهيهي ..
من صجكم بنات
لا والله عسى الله يخليلي اميمتي يارب اهي اللي بتساعدني اول ايام عقب كله بيصير ضناي عندي ان شاءالله
واللي امهاتهم كبار سن وتعبانين الله يخليلهم خواتهم
شدعوى عجزانه عن ضناي اسهر فيه
شخانتي ام اجل!!!