|
|
السلام عليكم ورحمة الله وبركـــــــــــاته وبعد
اليوم سرت عياده اوراس
وعطتني وصفه اللي هو الكلوميد
قالت لي آخذه في ثالث يوم من الدوره[اذا نزلت علي]
واسير ليها ف اليوم الثامن عسب اتشوف البويضات
بس انا خايفه
خايفه يأثر علي
منو جربت كلوميد وعقب حملت انا الحمد لله التبويض عندي زين
الحمد لله
الله يكتب لي الخير واحمل ان شاء الله
منو حملت عقب ما خذت الكلوميـــد
ومنو راجعت عند اوراس ووصفت لها الكلوميد وحملت
بليز خلونا نتناقش عن الكلوميد
ان شاء الله ماله مضار
شوفي هرموناتج وخلي الكلوميد والابر التفجيريه اخر حل
انا كانت واصفه لي دكتورتي ابره تفجيريه ورفضت وثاني شهر جيتها چيكت ع هرموناتي
ولا عندي ارتفاع بسيط بهرمون الحليب وانخفاض بهرمون الغده وهذا اللي كان يمنع الحمل
فـ نظمتهم لي والحمدالله حملت
وما اعرف العياده اللي تتكلمين عنها :/
اذا ماكنتي محتاجه راح يسبب تكيسات على المبيض
موراضيه تروح واخر لي الحمل
وسببت لي حمل كاذب واجهضته ومن بعدها وانا حيل تعبانه من هالاجهاض لان صار معاي نزيف قوي
دام تبويضج زين لا تاخذين
سوي بس اشعة صبغة
عشان يتأكدون ان انابيبج مفتوحه
لان اذا لا سمح الله متسكره الحيوان المنوي ما يقدر يوصل البويضه
و مرات يفتح الانابيب اذا في التهابات او شي
و ان شاءالله مافيج الا العافيه
اهم يسوونها للي تبويضها زين و ماتحمل
انتي سويها احسن لج قبل لا تتعبثين بنفسج و تدشين بمشاكل التكيسات و غيره
اهم سوو تحاليل لزوجج وله لا؟!
اهتمي بدورتج تابعي تبويضج شوفي اي يوم
تابعي هرموناتج ،، وان شاء الله الله بيرزقج والله هااحبوب والخرابيط مضارها اكثر
انا كان عندي ضعف تبويض والحمدللله الحين على وجه ولاده
رحت الدكتورا قالت كلوميد بس ما رضيت رحت مرا شعبيه سوت لي كورس ٣ شهور اللهم لك الحمد
قالتلي ٣ شهور وان شاء الله تحملين والله الدوره الثالثه ما شفتها