منو تعرف عن مركز الأترجه؟

بنات في خاطري إني أختم القرآن حفظا,,وأبي مراكز تساعدني بالأمر..
ومدحولي هالمركز بس هو وين صاير؟ ومتى وقت حلقاته؟ وكيف نظامه؟ وله إشتراك وإلا عادي؟…..
ومشكووووووورين مقدما..

مركز الأترجة اهو مركز تابع للأوقاف بس يحفظون فيه قرآن ، وانتي تروحين تشتركين عندهم يسجلون اسمج ، وتداومين عندهم بانتظام كل يومين بالأسبوع ، اهو نفس دار القرآن بس ما فيه مواد الا القرآن ، وتختمينه عندهم بسنتين الى اربع سنوات .

بس ما ادري بالضبط اي منطقة اهو فيه اكثر من مركز وفيه صبح وفيه عثر . لكن اكيد اذا دقيتي على ادارة الدراسات يفيدونج .

عندج بعد مراكز ثانية فيه جمعية الرعاية الاسلاية اللي بالعديلية عندهم وايد محفظات وانتي تنسقين معاهم حسب اللي يناسبج جم يوم ومتى ، ومكانهم واايد حلو عند مسجد الميلم قبال كبابجي ، انا احفظ هناك ووايد حلو المكان وهادي . يبدون معاج ختمة سند ويقوونج بالتجويد وكل شي .

فيه بعد محفظات جمعية الاصلاح بس انا ما جربتهم .

وربي يوفقج لختم القرآن ويزيدج خير من عنده .

وربي يوفقج ويبلغج انج تختمينه .

حبيبتي شيخة العرب تسلمين على الرد والدعوه والله يسمع منج ,,,ويبلغني ويبلغك ختمته بإذن الله,,,,
بي العديليه حييييييييييييييييييييييييييل بعيد عن منطقتي بالرقه …..
بس إنشالله سهالات …

جزااكم الله خير فيه اترجه بصباح السالم بس جنه رجال مو متأكده بغيت :/

ممكن ارقام محفظاات ؟؟

السلام عليكم الخوات اللي يبون مراكز اترجة
فيه أترجة بفحيحيل مرة كنت رايحة الكوت وشفت إعلانهم
واعتقد انه صباحي