منو تعرف شي عن اعتلال الشبكية عند الخدج

اللي مرت بهالحالة او اتعرف احد مر فيها
ياليت اتقولنا شلون عالجوها وهل تاثر البصر بعد العلاج
وجزاكم الله خير
و ادري فيكم ما تقصرون

ان شاء خير ومااعندى فكرة سوي بحث حبينتي عن هالموضوع

مشكورة حبيبتي بحرينية كول
دورت بالنت و ما لقيت شي مفيد

حبيبتي انا بنتي خدج
وكان فيها اعتلال الشبكيه
الاتعلال يكون ان الطفل ينولد قببل وقته والعين ما اكتملت فيصير الاتعلال بالشبكيه وهي ان الماده اللي تفرزها العين علشان تغذي الشبكيه المفروض تنفرز بكميه معينه ولكن عند اغلب الخدج مو كلهم يكون الافراز بكميه كبيره وهذا يخيلي العروق اللي تمتد للشمكيه علشان النظر تتفرع واجد وبسرعه ومع الوقت اذا ماتعالج ممكن تكثر العروق وتتفرع والنظر يضعف ويضعف ويضعف الين ما يصير الطفل تقريبا شبه عميان بسم الله عليى عيال المسلمين…
انا بنتي سويت لها عمليتين ليزر عمليه يوم ولدتها ومانجحت لان الدكتور الحمار تكرمون ماكان متخصص بالاطفال كان طب عيون عام والحمدلله وديتها لدكتور متخصص بالشبكيه وبروفيسور وقال لازم باقرب وقت اسويلها عمليه لان البنت ماكان بينها وبين العماء الا ايام معدوده وربي الحمدلله اكرمها وسوينها وراجعنا معاه تقريبا 3 ممراجعات بعد العمليه وبعدها حولنا لدكتور عيون متخصص للاطفال ووصف لنا نظاره والحمدلله تعبت اول شهرين لانها تتضايق منها ولان تقريبا اريح شوي صارت تتعود عليها وتخليها وقت اطول
….
بالنسبه للعمليه
العمليه يسونها علشان يضربون الليزر بالمناطق اللي تفرز الماده ويخلون الماد توقف افراز علشان النظر مايتعب اكثر واكثر فيسيطرون عليه بالليزرعلى كل العين ويحدون النظر ويوصفون نظاره اذا يحتاج الطفل لمده معينه…
….
اسفه على الاطاله واتمنى اني افدتك بالمعلومات اللي عندي لان خالي دكتور وغير الاطباء اللي سالتهم عن اعتلال الشبكيه…وكان نفس الجواب…