منو تساعدني بمشكله العناد والراس اليابس

بناات ريلي خووش واحد والظليمه زينه يدور رضاي بس عيبه انه راسه يابس يعني

في وايد شغلات انصحه فيهم يقولي مايصير تتحكمين بحياتي وو ومشكله انه لمن يسوي عكس للي اقوله يبين كلام صح بأكثر من مرة بناات عفيه نصحووني شلون اتعامل ويااه

يعني بقول شي صاار وانتو عطوني الحل
في ربعه للي بدوام كله يتسلفون سيارته وانا اكثر من مرة قلت له لا تعاطيهم والدليل مرة وحدة دعم بالسيارة والمرة الثانيه ريلي كان ناسي عشرين دينار ولمن رد خذى السيارةالعشرين ماكو سئل رفيجه يقوله ماادري
غير سوالف وايد صايرة
ولمن اقولك يقولي كلامج صح وجنج حاسه بس مايتووب

بنات والحل وياه ولمن اتركه ويشووف شنو يصير يوعدني مايكرر لشي ويصير الانه مشكلته قلبه طيب ومايحب يرد الناس حتن لو على حساب نفسه

خلاص حبيبتي خليه على هواه هذا طبعه نفس ريلي اذا قال اسود اقول اسود وذا ابيض اقول ابيض عادي

الله يهديه لج يا رب اكثري من الاستغفار

يمكن المشكله بالطريقه اللي انتي تقولين فيها المعلومه او النصيحه
لا تحسسينه انج اذكى منه وانتج اعرف واعلم منه

مثلا سالفه السياره لا تقولين له لا تعطي السياره لفلان ترا بيصير جذي وجذي !!

انتي ييبيها بطريقه ثانيه
تعرف حبيبي فلانه ريلها عطى سيارته حق واحد من ربعه
ودعم فيها وصارت لهم سالفه كبيره
و غرامات و تعويضات و غيره وغيره

يعني خلي النصيحه مثل القصه العاديه او السالفه العاديه اللي انتي تقولينها
و خليه اهوا يفكر بالقصه ويقارن ويختار الانسب
عشان لما يسمع كلامج بشغله لا يفكر انج تتحكمين فيه

انا اقول لج تحكمي على كيفج فيه .. بس بطريقه تخليه ما يعرف ..

والمثال اللي قلته لج تقدرين تطبقين عليه اشياء كثيره

اي نسيت واذا صار شي انتي كنتي متوقعه
لا تقولين له انا قلت لك جذي وانت ما طعت !!!

ترا بجذي تعلمينه كلش ما يسالج او يستشيرج

اقولج شي

الحمدالله ان السالفه سالفه سياره وبس

خلي الدنيا تعلمه لا تحرمينا من ان يخطئ ويتعلم

ومع الايام راح يعرف انج صح بس بطريقه غير مباشرة

مشكورين بناات على نصايحكم بس المشكله مو بس بسالفه السيارة واحد سوالف حتن مرة نسبه كان بسوي له سالفه وبنفسه قالي انتى ماشلوون تعرفين الزين من الشي مو غرور فيني بس انا اعرف الشخص الزين والمو زين من اول مرة اشوف وتصرفاته
وانا الحين قلت له مالي شغل فيك ولا راح اتدخل بولا شي وللي تبيه سويه الانه تعبت اناانصح واهو اذن من طين واذ ن من عجيب على قوله المثل اهو لي الله يفكني من هذا العناد للي فيه انا بالف خير

وانا بتبع نصيحه القصه للي قلتيها عني يمكن تفيد وياه

خليه يا ماله بيشوف ويتعلم ويقول قالت مرتي

لا تضغطين عليه يمكن ما يحب اسلوبج ويعاند

التزمي الصمت واكتفي بهز الراسفترة وشوفي بيقعد يسولف لج كل شي وياخذ رايج

بخليه وبشووف واخرتها وياه

مشكورة حبيبتي وماكو الا اسوي للي نصحتووني فيه وشووف شنو اخرتها وياه

بس مااقدر ساعات انقهر الانى اكون عارف شنو بصير

بناات وين تجاوبكم بالموضوع

بقولج مثل بس لا تفهميني غلط

المثل يقول ان يلم ربيه الابوان رباه الدهر و الزمان

خليه يطيح بجم مشكلة علشان يتعلم و ذيك الساعة بيعرف ان كلامج صح

الدنيا اللي تعلم خليه باجر يقول اااااااااخ جان زين سامع كلامها

بس انتي عاد خليج مراقبه من بعيد لبعيد

يمكن يسوي شي جايد اعوذ بالله الا و انتي يمه

مشكورة حبيبتي يعني اسكت عليه بس اذا شفت الشي زاد عن حده اتكلم بس صج الرياييل لازم تعاملينهم مثل اليهال

الله يعينج

بس خليه على راحته والايام راح تجازيه