|
|
السلام عليكم ورحمة الله مبارك عليكم الشهر خواتي وان شالله تكونون بألف خير وصحه يارب انا هاذي اول مشاركه لي واسفه ان المشاركه هاذي انها تكون مشكلتي كان ودي اشارك معاكم بشي احسن من جذي
انا بدخل بالموضوع على طول
انا متزوجه وعندي اخت مطلقه بأول زواجنا كلم زوجي واحد من قرايبه وقال انه بيخطب اختي وبالفعل صارت الشوفه الشرعيه عندي بالشقه برغم اني ما اعرف حق هالسوالف لأني كنت توني عروس الا ان امي واختي كانو مصرين ان الشوفه تكون في شقتي المهم بعد ما تمت الشوفه الريال رد لزوجي خبر انه ما تكلم معاها لانه يبي يكلمها عن وضعه لانه مطلق وعنده عيال قلنا لأمي واختي كلامه اللي قاله ما رضو وقالو لا اهو شافها والحين لازم يجي يملج عليها فبيت ابوها زوجي حاول بالريال وايد ما رضى يقول انا لازم اقعد معاها بوجود امها وافهمها عن وضعي وعقبها اغلق تلفونه ولا حس ولا خبر وامي واختي كل يوم يدقون ها شصار متى يجي يملج ترا احنا كلمنا ابوج ولازم الحين يجي يملج قلنا لهم انا وزوجي ان الريال اغلق تلفونه ولا نقدر نلاقيه عصبو وخلو ابوي يزف ريلي ويطرده من بيتنا وانا بعد انطردت لاني على قولة امي واختي ان انا وزوجي قطاعين نصيب قعدو 3 شهور ما يكلموني ولا يدرون عني خصوصا وانا كنت عروس عقب ال3 شهور دقيت على ابوي وكلمته وفهمته ان مالي ذنب وان الريال هذا كلامه وعقبها ماشفناه تفهم ابوي الموضوع وطلعو امي واختي مفهمين ابوي غلط ورديت ادش بيت اهلي وزوجي بعد يدش بيتنا ومرت 4 سنوات على الموضوع وطول هال4 سنوات كنت ادري ان امي واختي حاقدين علي بس يجاملوني وكلما احاول افهمهم ان مالي ذنب انصدم ان امي عندها ايمان بأن انا السبب بنحشة الريال المهم رجعت امي تطلب مني اني اشوف زوج حق اختي وكنت اقوللها يمه والله انا صرت اخاف منكم لا دخليني بهالسوالف اخاف مايصير نصيب واسوون فيني نفس ما سويتو بأول زواجي وكانت امي تضحك وتقوللي لا والله العظيم انتي مالج شغل خلاص بس المهم شوفيلها ريل لأنها تعبتني وكل يوم امي تتصل علي تشكيلي من مشاكل اختي معاها ومع ابوي المهم عقب ما طاف على سالفة الريال 4 سنوات وشوي رد دق على زوجي وسلم عليه وقال له بصراحه انا تحسن وضعي وليلحين خاطري بالبنت وابيها زوجي قال له لا تنجل فيني نفس قبل ترا انت سببتلي مشاكل مع اهل زوجتي الريال قال له لا وحلف له انه هالمره يبي زواج صج وما بذنه ماي انا وزوجي صدقناه وقلنا يارب يصير النصيب وزوجي قال انا ابي اسعي عشان اختج لاني احسبها مثل خواتي وقلت حق امي واختي ان الريال رجع ويبي يتزوج وهالمره جاد رحبو ويننوني كل يوم ها متى وها متى وهني بدت مشكلتي الحقيقيه اللي الحين راح اقولها لكم عنها طبعا الريال من قال ابي اتزوجها واهو كل يوم مخلي زوجي سايق عنده ويتسلف منه فلوس لانه يقول مطلق وكل معاشه يروح نفقه حق عياله وحتى المهر زوجي قال انا بعطيه المهم انا قلت حق اختي ان وضعه كلش تعبان وما عنده شي واهو قايل ان عنده اسهم راح تطلع بعد جم شهر واختي وافقت على كلشي ودخل بيتنا وقعد مع ابوي وشاف اختي وشرحلها وضعه واهي وافقت وعقب ما تقدم حق ابوي صار كل يوم يتسلف من زوجي فلوس وزوجي طبعا سايق حقه لانه بايع سياييره لحد ما قال لزوجي ودي مرتك لانها وخلني انام عندك بالشقه لحد ما اتزوج وابيك ادور لي شقه انا رفضت اني اطلع من بيتي وكلمت اختي نصدمت ان اختي راضيه ان الريال ينام فشقتي وتقول لي يمعوده خليه ينام وانتي تعالي عندنا عشان يتم الزواج لازم تسهلين الامور انا وافقت ورحت بيت اهلي عشانها واهو قعد بشقتي وابوي طبعا ما قالوله عن هالشي لانه ماراح يرضى وطبعا طول فتره الخطبه وقعدته عندي فالشقه واهو يتهرب وقبل لا يقعد عندي بالشقه هم انحاش وصك تلفونه وقعدنا انا وزوجي بيسارتنا بالشارع ننطره والله العظيم من الظهر لي الليل عشان بس نصيده ونقنعه ايي يكمل الخطبه لان امي وابوي واختي هم لما تهرب دقو علينا وزفونا انا وزوجي وقالو لنا لازم اتيبونه لو من تحت الارض فعشان جذي زوجي وافق انه يقعد بالشقه عشان نقدر نمسكه ونخليه يملج وبالفعل بالغصب خليناه يروح يسوي فحص قبل الزواج ودورنا له شقه وتبرعت انا اني ااثثها لهم وادفع لهم اجار شهرين مقدم وكنت ناطره يملجون عشان ابلش بالاثاث ودفع الاجار ووعقب ما طلعت نتيجة الفحص الطبي ثاني يوم صارت الملجه الريال قال لزوجي انا اييب الملاج وياب الملاج وابوي ياب بوفيه واختي تمكيجت بصالون الملاج كانت شروطه غريبه اول شي طلب شهادة راتب للزوج وثاني شي طلب ورقة طلاق اختي ولما شاف الورقه قال انها مو مصدقه من المحكمه والريال رفض انه يحط مؤخر قال ما احط الا الفين واختي طالبه 5 الاف مؤخر وبجذي تفركشت الملجه وما صارت وقام الملاج وطلع والريال طلع وياه وزوجي راح يوصلهم طاف اسبوع محد تكلم عني او عن زوجي لاني كنت ماسكه قلبي لايحطون السبب فينا عقب اسبوع زوجي تمرض وكنت حيل تعبانه وياه فصار يوم الجمعه اللي هي زوارتي الاسبوعيه رحت لبيت اهلي شفت ويوههم ثجيله علي وما يعطوني ويه حطو الغدا تغديت واول ما قلت الحمدلله اختي هبت فيني شوي وتخنقني وتقول لي انتي السبب انتي وزوجج وقامت تغلط علي وعلى زوجي بكلام مو زين ووصخ وامي صفت وياها انا هني حسيت انشليت امي ولا جنها امي اللي لحد قبل بيوم كانت تسولف معاي وتقول لي انه نصيب وان الله ما قسم لها هالشي الحين انقلبت 10000 درجه اقوللها يمه شفيج ليش قلبتي علي انا شنو ذنبي تقول لي اي انتي السبب بخراب ملجة اختج اختي قامت وطردتني من البيت انا طلعت وانا ميته بجي دقيت على امي اول يوم رمضان كنت ابي ابارك لها الشهر قلت ميخالف امي مهما سوت فيني هذا رمضان لازم اواصلها اول ما دقيت عليها نصدمت فيها تقول لي انتي مو بنتي وانا متبريه منج وبعد لا ادقين علينا انتي سببتلينا مشاكل وكافي ما يانا ومنج ومن ريلج من مشاكل ابعدو عننا لا نعرفكم وتعرفونا وقامت تسبني وصكت السماعه بويهي دقيت ادق ما تشيله دقيت على ابوي هم ردت امي قلتلها ابي اكلم ابوي سمعت ابوي يقوللها قولليلها مابيها ادق ولا ابي اكلمها جان تقول لي امي مابيج ادقين وانسي رقمنا وانسي ان عندج اهل وسدته ومن اول يوم رمضان لي الحين وانا صرت مينوونه لا اكلي اكل ولا نومي نوم ابي اعرف خواتي الله يخليكم منو الثح ومنو الغلط ومنو الظالم ومنو المظلوم الله يخليكم قولولي انا مخي وقف من التفكير ابي اعرف تكفووووون ريحوني
مادري انا حاسه في شي ناقص بقصتج
كان من البدايه عطيتوا عنوان أهلج للرجال بدال ما تكونون انتو واسطه
بعدين شهالملاج اللي يطلب شهادة راتب ؟ أحد قال له مقدم ع سياره !!
وشدعوى ع أهلج ردة هالفعل ترى كله واحد مبيّن إنه لعآب
مدري فيه حلقه مفقوده بالسالفه :/
اهلك ايمانهم جدا ضعيف بقضاء الله وقدره
اذا البنت لها نصيب
بتروح بكذا طريقه
فوفو
لهل درجة يعني اختج يبون يزوجونها بأييييييييي طرييقة لدرجة يراكضوون ورا الريايييل :
مدري شقول
ما كان ضروري تدخلين نفسج بوسط المشاكل
اللي يبي يخطب يروح بيت اهل البنت أو تروح امه او اخته او خالته
مو لازم اتكونين انتي الواسطه بينهم
وإذا كلش كلش عرفيهم على بعض واطلعي بعدها من الموضوع
الحين حطوج انتي السبب بذنب أو بدون
ما اقوول الا الله يكون بعونج
.gif "Eh S(17)")
!!!
الوكاد اهلج غريبين عجيبين ..
شهالطريقه هاذي الي بيزوجون بنتهم فيها !!!
اختج شهالنفس الدنيئه غصب اتزوج باي طريقه لو
بعد تعطي الرجال مهر عادي عندها !!
الله يعينج
انتي ما غلطتي بس تصرفج كان عن حسن نيه بس المفروض
مالج شغل و بعدين اذا في احد بيتقدم لوحده من اهلج
لازم تتاكدون هل هو قد المسؤوليه ولا مو قدها..
.
و امج الله يهداها شنو بايره البنت عندها عشان
تستذبح الا تزوجها وتفتك منها !!
شي غريب صراحه حيل مشفوحين ع الزواج
خلتركد امج واختج لي يجيهم الزوج المناسب
الله لا يبلانا بسسسسسسسسسسسس
وربي يوفقج وانتي سويتي الي تقدرين عليه وزين منج انه كنتي طرف خير بينهم بس ماصار نصيب مو معناته انه السبب منج انتي
والمفروض ريلج يوقف بويهه شكو ياخذ منه فلوس !!!
ربي يوفقج
شي يخرع شلون ميتين يزوجون بتهم غصب خالبايره تبي اي احد
اللهم لا شماته