|
السلام عليكم
بنات الصراحة المنتدى اثر علي بشكل كبييييييير
(
كل وحده فينا تقول شلون اثر فيها منتدى كويتيات عاما وقسم الزوجية خاصا
يعني هل افادها ولا خلاها تنشغل عن ريلها؟
وهل اثر على علاقتها بريلها بشكل ايجابي ،، انها تعلمت اشياء يديدة من المنتدى؟
وشنو هالاشياء ؟ وبشنو اثر بالضبط ؟
أو بشكل سلبي انها تجابل المنتدى لساعات؟؟
انا الصراحة وايد استفدت وبطل عيوني على اشياء ماكنت اعرفها ولا اضن اني راح اعرفها بيوم
وانتووو ؟؟؟
انا اثر علي بشكل ايجابي تعلمت كذا شغله
بالذات النصايح من الزوجه الى الزوج
مثل اشلون تسعدينه او تكشخينله او تتصرفين معاه …. الخ
هذا وايد فادني وغيرني
تسلمين حبيبتي
قاعدة اجدم خطوة وارد خطوة..ارد ولا ماارد…
بالنسبة لي هالقسم…
ايه اثر علي… ووايد بعد…
رغم اني كنت عايشة بوسط عايلة كبيرة… الا ان الحياة الزوجية كانت سر من اسرارها…ماتطلع ولا كلمة برى غرفة النوووم…
ورغم ان عندي رفيجات متزوجات من عمر..بس هم ماكنا نناقش هالمواضيع الا عالخفيف… الامور العادية يعني…
يهالقسم عرفت اشياء وايد..وخطيرة…….
منها عرفت انه عادي تناقشين زوجج بالامور اياها..وانها من مصلحة حياتكم…
عرفت ان فيه ليالي رومانسية… اعترف..اهنيه طقتني البوووهة..اول شي قلت شنو…وليش..وعيب..بعد ريلها..متى مايبي خلاااص…
عرفت ان المرة لازم تلحلح شوي…وتصير لهبوبه…وياريت استفيد…
عرفت ان الريال محتاااج دلع اكثر مما كنت متصوره وحاطة ببالي…
يعني بالصريح…فتح عيوني…
بالنسبة للمنتدى بشكل عاااام…
ببساطة.. يجمعني بخوات ما شفتهم.."شفت جم وحدة بس"..قلبي عليهم وقلبهم علي…
يجمعني بناااس اقضي معاهم وقت..استفيد من مواضيعهم ولا اوسع بالي اذا مضايقة…
انسى عمري اذا شبكت وبديت ارد…
اصلح اخطاء فيني من غير مااحد يقولي…
استفيد من تجاربهم واشاورهم ويشاوروني…
عايشة حياة معاهم وفيهم…
الله يخليهم لي…
وين البااااااااااااااااااااجي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
:d
ثاانكس عالموضوع حبيبتي
ياريتني عرفته من زماااان اول ما تزوجت. لاني جد كنت محتاجة احد بعمري اسأله واستفيد منه
بصراحة ما ادري شلون كنت عايشة بدون هالمنتدى
وحاليا قاعدة أتعمق بقسم الحباة الزوجية وهم ماأنكر استفادتي والياي أعظم انشالله متوقعة مواضيع أحلى وأقوى من البنات عشان الكل يفيد ويستفيد
عن نفسي أثّر علي تأثير سلبي صاروا بعيني كل عيال الكويت بخلاء وأنانيين وايدهم طويله وعينهم على معاش حريمهم ……… عقّدتوني ماني عارفه أزوج بنتي صرت أخاف لي يت طاري خطبه
|
شدعوه مو لي هالدرجة!
انا معاج ان القسم متروووووووس مشاكل وبلاوي تخلي الواحد غصب عنه يتأثر ويتضايق. بس هم تلاقين اللي مستانسين بحياتهم ويحطون تجاربهم جنهم كنااااري ماشا الله عليهم.
الله يفرحج ببنيتج ويرزقها بولد الحلال اللي يسعدها ويخاف الله فيها.
قولي آآآآآآآآآآمييييين *
واستفدت منه اني اجابل ريلي بكل شي وادلعه عشان اترس عينه وما يطالع غيري
بس عقدني بكثرة مواضيع الخيانه لدرجة اني اطالع ريلي واهو في عز نومته وأسأله بس طبعا بقلبي
(( يا ترى هم انت خاين مثلهم ولا لأ ؟ هل انا عايشه معاك بجذبه كبيره ولا انت مخلص معاي ؟؟؟؟))
بس صج صج تعلقت بالمنتدى بشكل موطبيعي لدرجة انه صار جزء رئيسي بحياتي اليوميه
الله يخليكم لي ولا يحرمني منكم
بالنسبه لي استفدت واااايد اشياء
وحتى من الاقسام الباجيه مثل الطبخ
احس روحي صرت احسن عن قبل ولله الحمد
وتسلمين فديتج ع موضوعج الخفيف والحلوو