من وجهة نظرج ما هي صفات رئيسة القسم الناجحة

السلام عليكم ابلات
شلون العطلة معاكم؟؟
المفروض ما نتكلم بمواضيع تخص المدرسة طول العطلة بس ودي تفيدوني..
انشالله على خير راح اداوم السنة اليديدة بصفتي رئيسة قسم
فودي تشاركوني برايكم وتصارحوني بكل كلمة
انت كمعلمة…شنو تحبين برئيسة القسم وشنو تكرهين
واذا في موقف تضايقتي فيه مع رئيسة قسمج قولي خل نستفيد

انا رئيسة قسمي ما تشتغل ابدا بس قاطه الشغل علينا وبقولك بعض الاشياء الي فاقعه مرارتي منها :
مثلا اذا جت شكوى من ولي امر باحد معلمات القسم تبري نفسها وتوقف مع ولي الامر عكس الاقسام الثانيه الي رئيسة القسم توقف معاها وتلتمس لها الاعذار
اذا نبي شي من الاداره نقولها كلميهم شوفي الاقسام الثانيه رئيسة القسم توقف معاهم تقول انا مالي شغل روحي انتي .
في امتحانات اخر السنه كل رئيسات الاقسام قاعدات مع المعلمات ويصححون معاهم او يكتبون النسب معاهم يعني يساعدونهم والاخت قاعده تقرا قرآن عندنا او تقعد على الكلرسي وتطالعنا .
حاطه حيلها على الزيارات يعني بالاسبوع تقريبا تزور مره ليش ؟؟ خبره 7 سنوات وكل شوي داشه عندي ليش عسى ماشر .
اذا في خطأ بسيط بالامتحان او ورقة عمل او اي شي انسي انها تعدلها لك ما لها خلق تناديك من اخر المدرسة علشان تعدلينها .
مرة جت الموجهه فجأة ولقيت رئيسة القسم بالممر قلت بسألك سؤال عن الدرس قالت بعدين بعدين تبي تهرب من السؤال علشان ما اقول هي الي قالت لي .
مثلا اذا قعدت الموجهه تنتقدني تدش معاها وتنتقدني يعني تشيش طيب ليش اذا طلعت قولي شنو عندك مو قدامها .
تقول لنا كلام مثلا عادي لا تعبون روحكم بالتدريب الميداني اكتبوه بخط اليد اذا ما عندكم وقت واذا كتبناه بخط اليد عقب اسبوعين مثلا تقول ليش ما تطبعون التدريب !!!!!!
تدش بنص الحصه وتكتب مثلا ما استخدمت شي محسوس مع اني مستخدمته بدايه الحصه يوم قلت لها قالت عادي امسحه !!!!! ليش تطكتبينه من اصل .

انا كنت رئيسة قسم بالنيابه السنه اللي فاتت والله شفت الويل من المدرسات
الغيره والحسد ونقل الكلام
تالله يكون في عونج ويقدرج على المسؤولية

خطيرة هاذي المصيبة لو كانت رياضيات

من وجهة نظري نجاح رئيسة القسم يعتمد –بعد توفيق الله – على الآتي
1. مخافتها من الله عز وجل..
2. تعاملها الحسن وروحها الحلوة مع قسمها.
3. وقفتها في صف القسم و الحرص على حل مشاكله.
4. ما ترهقهم بالطلبات على مدار السنة الدراسية.
5. ما تفضل ناس على ناس بغير وجه حق
6. تكون إهي قدوة في العمل والحرص عليه.
7. إذا كان فيه عمل في القسم تكون إهي صاحبة الخطوة الأولى لانطلاقة العمل

وسلامتج
هذا اللي يحضرني ألحين

اهم صفه لازم تكون بالرئيسة القسم الامانه والاحترام

امممممممممممممم

الي تعطي كل مدرساتها امتياز

أخذي كلام ((عزيزة النفس ))بكل حذافيره كنت بكتب مشاركتي بس كفت وفت على العموم في نقطه صغيره إضافية أنها تكون قريبه من معلماتها وتكون وحده منهم تشاركهم همومهم وأفراحهم موبس تلقنهم الأوامرولله يوفقج في المهمه الصعبه

مشكورين على آراءكم الحلوة واللي صراحة بحطها فوق راسي
يارب يقدرني على هالمسؤولية واكون قدها
انه بصراحة عندي مبدأ اطبقه في حياتي ومع الكل …إذا الشخص اللي معاج حبج مستعد يخدمج بكل ما يملك
فلازم اول شي ابنيه مع المعلمات (المحبة)… وبعدين اكسبهم بالاسلوب
ولازم احاسب كل كلمه اقولها عشان ما اظلم احد
اما من ناحية الشغل فانه وحدة احب الشغل وما تصدقون …انه من الحين حاطة افكار حق كل نشاط عشان المعلمة لا تحتار
واذا المعلمة من النوع اللي تحب تتميز باسلوبها راح اشجعها وامشي معاها خطوة بخطوة

والله رياضيات خخخخخخخخخ
انا كنت بمدرسه قبل اجي هالمدرسه هذي قسم بالله رئيسة قسمنا المسكينه تشتغل شغل وجنبها كمبيوترها وتطبع كل شي واقول في نفسي والله شغل رئاسة القسم تعب ماراح اصير رئيسة قسم !!
يوم انتقلت وجيت لمدرستي هذي ياحلو رئاسة القسم ما تشتغل بس حاطه حيلها على الزيارات وبس لذا فكرت اني راح اصير رئيسة قسم باذن لله
وازيدك من الشعر بيت مثلا كل اسبوع ماسكين قسم للقيم السلوكيه تحسبينها تقول لايصكون علينا الاقسام الثانيه لا تقول كل وحده تمسك شي من القسم ونبي نشوف من احسن وحده فيكم !!!يعني تبي التنافس بينا يعني ما تبينا نتعاون مع بعض وتكون فكرتنا جماعيه لا

اهم شي تدافع عنهم وتكون على طول بصفهم

المساواه بينهم وبالذات بالجدول وتوزيع الاحتياط

تبحبح ايدها شوي بالتقارير وتكون كريمه >> يعني مو تصير بخيله وتتحسف ترفع الدرجه ولا تنطر الناظره والموجهه شنو تعطي وتعطي نفسهم

طبعا هالكلام اذا كانو مدرسات القسم يستاهلون >> واحس كل ابلاتنا يستاهلون

تسلمون عالمرور وتسلملي آراءكم العسل

السلام عليكم

عجبني موضوعكم وحبيت اشارك فيه

بما اني مدرسة سعودية أول ماتوظفت بالكويت استغربت انه هناك منصب رئيسة قسم لانه ماعندنا بالسعودية هالمنصب …

والحمد لله طلعت رئيسة قسمي …

إنسانة رائعه بمعنى الكلمة … ذات خلق رفيع وتواضع … لم ترى نفسها على معلمات قسمها أبدا …

كانت لي بمثابة الأخت الكبرى … كانت تخفف معاناتي في الغربة .. حيث أنها المرة الأولى التي اغترب فيها عن بلادي وبعيدا عن أهلي

أول مرة حضرت لي الحصة .. اخبرتني بذلك حتى استعد نفسيا .. وابدت ارتياحها من الحصة سيما بعض الملاحظات البسيطة مثل عدم التدرج بالصوت

كانت تمتدحني امام المديرة ( او كما تقولون الناظرة ) وتقول المدرسة الفلانية الجديدة نشيطة ومثابره

شجعتني على اقامة درس نموذجي … ولم تبخل عليّ بمعلومه

كم مرت عليّ مواقف محرجة مثل حضور ولي أمر ( وهذا مالم نعتاده في السعودية حضور رجل في المدرسة) فكنت بداية لااعرف كيف اواجه رجل جاء بعصبيه فكانت تخاف عليّ وتحضر معي ,,, إلى أن اعتدت على ذلك

فعلا انا محظوظة برئيسة قسم مثلها وبمعلمات رائعات كن لي مثل اخوات

والله اشتقت ليهم وإلى الكويت

تحياتي إلى احبتي في الكويت

سامحونا على الإطالة

بسم الله الرحمن الرحيم
سبحان الله رئيسة قسمنا نفس رئيسة قسم رضاهم الجنة والتخصص بعد رياضيات بس الفرق احنا حتى زيارات ماتسوي مافيها شدة
وأنا طبعا سكرتيرتها الخاصة ماتسوي ولاحاجة كل شيء أنا لي أسويه كل شغل المدرسة والتوجي علي بحجة إني أعرف كمبيوتر مع إن باقي المعلمات يعرفوا و بس تتصل الأخصائية تقول في ولي أمر يبيكم على طول تقول مالي شغل وهي ماتدري عن السالفة