|
|
بدون مقدمات….
انا افكر انفصل عن زوجي وراح اقول لكن إيجابياته وسلبياته وعطوني رايكم بصرررررررررراحه
عمري 23 وعمره 27 عندي ولد 3سنواات
كريم جدا من الناحيه الماديه وما يهاوشني بس صار لنا سنتين انا بغرفه واهو بغرفه مع ان ما بينا مشاكل وانا ما حب افرض نفسي لمحت كذا مره وهو يطنش وما بيينا اي تواصل جنسي,,,
ومايحب يطلعني برا البيت ابدا ولا يسولف معي
ساعدونيييييييييييي
وش رايكم بالانفصال؟؟؟؟؟؟؟؟؟؟
الله يجزاه الجنه اللي تنصحنييي
باموت من التفكير والهم
طيب هو ليش هيك؟ شو اسبابه انه ينفصل عنك وكل واحد يكون بغرفه ؟؟
تقريبا وجوده وعدمه واحد حبيبتي ،
اكيد في سبب اقنعينا عشان نقدر انحكم عليكم
ومسألة الطلاق موسهله ولاتتوقعين بتحصلين احسن منه يمكن الاأسووء وبتكونين مطلقه مايجي اللي فيه الخير
والله يفرجها عليج
عفوا على السؤال من سنتين مافي اتصال…….؟!!!!!
اشرحي اكثر وانشالله نقدر نساعدج
صدقيني ترى الطلاق مو سهل وفكري بولدج
وحاولي ادخلين احد من العايله يكون حكيم وفاهم يصلح بينكم
لا تستعيلين بموضوع الطلاق
وترى اول جم سنة زواج تكون صعبه بس العشرة تقربكم من بعض
الله يبعد عنكم المشاكل ويقربكم من بعض
الغاليه فيه شي ناقص
كيف فجاه راح غرفه ثانيه!!
كيف انتي سكتي !
لما صار ينام بغرفه ثانيه كيف صارت معاملته معاج ..
يمكن يكون مريض يمكن مسحورين يمكن ويمكن
وانتي بايدج الحل قبل لا تقررين تجلسين معاه وتتناقشون
..
قولي له الوضع اللي احنا فيه مايطمن
قولي له بكره لو كبر ولدنا وشافنا كل واحد بدار شو بيقول .
افهمي منه شالسالفه
لا تسكتين ولا تتسرعين ف القرار ..
والله يوفقج..
والله يكتب ألي فيه الخير ويسهل أمرك
ولا تسين الدعاء سبحان الله يغير من حال ألى حال
حاولي تجبرين نفسج وتتقربين منه
فاهمه صدمتج من صدوده
بس جربي تقعدين معاه وتتكلمين
تفهمين منه شنو يبي وليش يسوي جذي
يبيج ولا لا يبي يكمل حياته ولا الطلاق
ولا شنو وضعكم خاصه ان هالشي ممكن
ياثر على نفسيه الولد بينكم
بس اتوقع الموضوع يبيله تنازلات
كلميه بهدوووء اكيد في اشياء خلتكم توصولون ان يكون كل واحد بغرفة
بس الوضع ما يصير يستمر جذيه …. حلو هالاشكال
و يارب يسخره لج
زوجج هذا فيه شي : اما انه عنده مشاكل نفسيه او توتر او اكتئاب او وسواس . او انه ما يحب صوت ازعاج ولدج اذا يبجي وما يعرف ينام الا بهدوء .. وممكن انج تشخرين وانتي ما تدرين وما يبي يحرجج وراح غرفه ثانيه..
او انه فيه شي يخليه يعجز عن ممارسة حقوقه الزوجيه كامله وما يبي يقول عشان لا تنجرح رجولته او يصغر جدامج فراح غرفه ثانيه ..
شوفي يا بنت الحلال .. اذا زوجج مو مقصر معاج ويقعد يسولف عادي وياج ويحبج ويحب ولدج حرام اصلا تفكرين بالطلاق وتحرمينه من عياله .. وياما حريم صبرو على ازواجهم 15 سنه و10 سنين ومثل العسل ولا مبين عليهم ان كل واحد ينام بغرفه ..
البيوت اسرار .. واحفظي زوجج واصبري عليه ولا تخلين الشيطان يوسوس لج ويفرقج عن زوجج .. وعلى طول حاولي تغيرين بديكور الغرفه وتبخرينها وتعطرينها .. والله يعينج ويفك ضيقتج .. وحطي في بالج الصبر مفتاح الفرج