من ترغب بالبدل

شلونكم حبايبي كويتيات وشخباركم

ما اعرف من وين ابدي موضوعي لأني أحس انه موضوع اغلب البنات اللي يشتغلون في المدارس
في البداية احب اسألكم اذا يصير بهلوقت اني انقل من مدرسة الى مدرسة ثانية بمنطقة تعليمية ثانية
وثاني شي منو ترغب بالبدل معاي انا في مدرسة بميدان حولي وارغب بمدرسة بمنطقة مبارك الكبير مع العلم اني ادارية مو مدرسة .
واتمنى سرعة الرد :

واكووووووووووووون شاكرة لكم

شوفي النقل من محافظة لمحافظة اخرى يسمونه نقل خارجي

النقل بنوعينه الداخلي و الخارجي راح يبدا بشهر واحد ويخلص بـنهاية شهر ثلاثة

اما اذا انتي مستعجلة شوفي جربي الندب وقوليلهم السبب والله ابي قرب البيت ومدارس اعيالي هناك و اخاف اتأخر عن عملي و اتأخر عن اعيالي بالهده

والله يوفقج

مشكوووووووووووووورة حبيبتي شعلة الزين على مرورج
انا مشكلتي اني ساكنة بالمهبولة وعيالي يدرسون بالقرين ودوامي بحولي

الله يسامح وزارة التربية بس
وزارة الفقر

الله يعينج اختي
ومثل ماقالتلج وبعد اذا عندج واسطه راح تمشي امورج اسرع واسهل

اووووووووف الله يعينج
المهبوله والقرين وعقبها ميدان حولى
تعذيب هذا
لا تسكتين تحركى شوفيلج صرفه
موفقه حبيبتى

مشكورين على مروركم خواتي
صريحة & بنت بن فهد
انا احس مشكلتي أزلية
لأن وايد لقيت واسطات بس ماسوولي شي لأن منطقة حولي التعليمية بلوى الله يبعدكم عنها محد يعطيج ريج حلو
ما أقول الا الله كريم و دعواتكم معاي يا بنات اني انتقل وارتاح

صج؟؟ أجووووف رفيجتي بتنحاش من الوزارة بكبرها .. اهي معاج بحولي التعليمية ..

الله يوفقج ويسهلج كل أمورج ياااارب