السلام عليكم
حبيت اسالكم يا خواتي الله يزاكم خير منو فيكم راحت عند الدكتوره رشمي وعالجت عندها انا الصراحه راجعت عندها من بعد 6 اشهر من الزواج وماكان في حمال انا مخليتها على الله بس مراجعتي لها لاني كنت اعاني حرقه بالبول عزكم الله ولما سويت تحاليل قالت انتي فيج التهابات كتير وعطتني حبوب لمدة 5 ايم اكلهم وحده بالصبح ووحده بالليل اسمهم cecl or mr كرتونته لونها ابيض والحبوب لونهم ازرق منو فيكم جربة هالحبوب وتعالجت بعدها من الالتهابات وحملت تكفووون ردوا علي ممكن انكم ما تبخلون علي بالرد واشرايكم برشمي اللي بالهادي وعلاجها تنصحوني فيها ولا لاوانا توني بس 6 اشهر على زراجي قولولي مبجر ولا ابدي علاجي من بعد ما اتعالج من الالتهابات ولا يمكن احمل من بعد من اعلج من الالتهابات عادي يعني من غير علاج ناطره ردكم انا اول مره احط موضوع عندكم على الرغم من مشاركاتي والف شكر لكم والله يرزق الجميع اللي ترد واللي ما ترد مشكورييين وادري دوخت راسكم اسفه على الطواله
ما عندي فكره حبيبتي يساعدونج البنات انشالله
مشكوره على ردج حبيبتي وانطر ردودكم
انتي الحين عالجي الالتهاب و اشربي ماي وايد على طول
و لا حقة عالعلاج
انا اول شهر من زواجي حاشني التهابات شهر العسل ..على قةلتهم و تعالجت و على طول حملت …توج عروس و لا تفكريين وايد
و ان شاء الله الله راح يرزقج
اذا قصدج راشمى اللى بالهادى زينه بس انا اقولج لاتقولين انطر شويه روحى وراكضى على عمرج والله يرزقنى ويرزقج وكل بنات يارب
ماعندي فكره عنها
الله يرزقج يااارب
راشمي معروفه بالولاده بس حق علاج ما ادري بس انصحج غيرها وروحي دكتوره ثانيه
مشكوريييييييييين وما تقصرووووووووووووون حبايبي والله يوفقكم ويرزقكم انشالله بالذريه وينولكم اللي في بالكم يا رب وجد ارتحت من اجوبتكم اانا بعدي ادرس باقيلي كورس واتخرج والمعهد اللي انا فيه يجيب الهم يعني مافي مراعاة للظروف والله اني اشوف جم وحده اتطيح جدامي واهيا في بداية حملها ما يراعونها للاسف هذا الشي اللي مخليني اقعد واسكت واهلي يقولون اول تخرجي بعدين فكري بالحمال احسنلج وامي تقولي بعدج انتي عروس لاحقه على التعب محتاره شوي وريلي للاسف والله انه مو كفو انا ما صج توني صارلي 6 اشهر لكن للاسف ما شفت منهم شي حلو والله اقول خل احمل يمكن يدلعني ويتسنع معاي شوي لكن قاعده احط امل يمكن لعله وعسى واللف شكر لكم على ردودكم واتمنى الاقي ردود اكثر
اقتباس:
المشاركة الأصلية كتبت بواسطة عروسه 99 
مشكوريييييييييين وما تقصرووووووووووووون حبايبي والله يوفقكم ويرزقكم انشالله بالذريه وينولكم اللي في بالكم يا رب وجد ارتحت من اجوبتكم اانا بعدي ادرس باقيلي كورس واتخرج والمعهد اللي انا فيه يجيب الهم يعني مافي مراعاة للظروف والله اني اشوف جم وحده اتطيح جدامي واهيا في بداية حملها ما يراعونها للاسف هذا الشي اللي مخليني اقعد واسكت واهلي يقولون اول تخرجي بعدين فكري بالحمال احسنلج وامي تقولي بعدج انتي عروس لاحقه على التعب محتاره شوي وريلي للاسف والله انه مو كفو انا ما صج توني صارلي 6 اشهر لكن للاسف ما شفت منهم شي حلو والله اقول خل احمل يمكن يدلعني ويتسنع معاي شوي لكن قاعده احط امل يمكن لعله وعسى واللف شكر لكم على ردودكم واتمنى الاقي ردود اكثر
|
يا سلام عليج!!!! يعني تبين تحملين عشان الحبيب يتكرم و يدلعج!!!!
اسمعي نصيحة المجربات خلصي دراستج و رتبي حياتج و حاولي تتقربين اكثر من ريلج و اكسبية و لا تكونين مس زعوله و لما تحطينه بمخباج . فكري بالحمل و انتي بعدج يسمونج عروس
توج حبيبتي عالجي الالتهابات وتشطفي بنقوع المره يخفف الالتهابات وينظف المنطقه والحمال انشا الله بتحملين استانسي بعمرج الحين وانسي الحمال بكرى الله يرزقج بااطفال وتنشغلين وتقولين ليتني مااستعيلت استغلي كل لحظه الحين وانبسطي مع زوجج وهذا مايمنع انج تريحين نفسج وتهتمين بنفسج وقت الدوره بس لاتلعبين بروحج بعلاجات الدكاتره وانتي توج عروس
ماعندي فكره عنها بس راجعي سوي فحوصات حق الحمل بس لاتاخذين علاج توج
أستخيري…..!
شكرا على ردودكم حبايبي بس والله انه صار فيني احباط من شفت انه 69 وحده شايفه موضوعي ومو راديين علي الا 12 بس الله كريم واللي ردوا علي فيكم الخير والبركه حبايبي وعساكم على القوه والله كلامكم مقنع بقعد انطر ابركلي على قولتكم لاحقه على اليهال انشالله وخل اتعالج من الالتهاب وعقبها الله كريم وانا توني مخلصه اخر حبه من حبوب الالتهاب وانشالله خير ومره وحده خلصت الدوره بعد لكن ريلي مسافر الحين وبيرد بعد جم يوم يعني رايح يتفسح تقدرون تقولون وانا اهني افكر بالحمال والولاده واهوا اهناك مونس عمره ايييييه هذا الرياييل وهذا احنا الحريم نفكر بكل شي عشان جذي نموت قاصريين عمر وماكو عله ومرض ما تصير فينا