ملف أطباء التجميل في ايران

السلام عليكم ورحمة الله

يعطيكم العافية خواتي الأعضاء الكرام

بصراحة عندي سؤال وأرجو من اللي عندهم فكرة عن الموضوع يساعدوني لأني بصراحة محتارة في عملية الاختيار .
أنا سمعت عن أحد مكاتب السفريات المختصين والمعروفين بترتيب السياحة العلاجية وخاصة في إيران وذلك في مجال تجميل الأنف ، وقد اتصلت بهم واستفسرت منهم أكثر من مرة عن جميع الأسئلة ، وقد طمنني المسؤول هناك وأفاد بأنه هناك الكثير من الكويتيين نساء ورجال سووا عملية التجميل هناك ولحد الآن مافي ولا شكوى أو حالة عدم رضا بشكل عام ، وأن العملية تكلف بحدود 500 دينار و 300 دينار اضافية للفندق والمترجم والتوصيل ، يعني إجمالي 800 دينار ، وأنا بصراحة مترددة وخايفة ووضعي الاجتماعي وايد مهم ومابي أحد يقول عني إني مسوية عملية تجميل ، بس للأسف خشمي الكبير مو متناسق مع ويهي الضعيف.
تكفوون ساعدوني وأبي رايكم ، وأنا بالمناسبة رحت حق د. جمال الحربي في العيادة اللي بحولي وقالولي انه طالع إجازة وبعد شهرين يرجع ، هل هذا الكلام صحيح ؟
وشكرا خواتي

هلا حبيبتى انا من الناس الى سويت خشمى بايران بصراحه دكتورى كان وايد شاطر و تقدرين تدخلين على السايت الرسمى و حاط لج صور البنات قبل و بعد اسمه ( محمد عامرى ) ممكن تسوين له سرج بالغوغل و انا بما ان امى ايرانيه ما كنت احتاج مترجم و الكل مدح لى الدكتور و ما راح يسوى لج مثل المودبل الفرنسي الى صار في ايران قبل جم سنه موديل ان لازم يكون مرفوع من نهايه الخشم بالعكس انا طلبت منه يسوى حقى متناسق مع ويهى و صار شكله وايد حلو و اختى و بنات خالتى عنده و رفيجى راحت عند واحد اسمه عبدالله عباسي هذا بعد يقولون شاطر عموما انا عندى رقم موبايل الدكتور و العليه كلفتنى 750 دينار كويتى و اى استفسار انا حاضره

مشكورة أختي Jihan cool على المعلموات القيمة التي قدمتيها لي ، فعلاً هي راح تساعدني وايد في عملية الاختيار والبحث والدراسة عن الدكتور الجراح .
أتمنى لج التوفيق ، وأنا أختي يمكن أكون دعلة شوي ، لأن عندي شوي أسئلة راح أرسلج على الخاص ، لكن قانون المنتدى يبيني أشارك 20 مشاركة على الأقل حتي أتمكن من إرسال رسالة عالخاص ؟
راح أحاول عموماً
كل الشكر والتقدير لج أختي

انا خواتي مسوين خشومهم بايراان بمشهد عند الكتوور بووور صااادق ممتاااز وخواتي لو تشووفينهم مااتقوولين مسوين تجميل طبيعي وهم السفره مع السكن والعمليه تكلف تقريبا بحدود 700 او 800د.ك

اما بالنسبه حق جمال الحربي توه وحده اعرفهاا مسويه عنده والله خشمهاا يلوع الجبد وبين مكاان الغرز وفي ناس تمدح وناس تذم والبنيه شوف عيني خشمهاا موو مضبووط بالمره

وهذي صوورة اختي اللي مسويه بايران وعلى فكره اهي عضوه معانا بالمنتدى **(ام حمـــــودي)**

تبارك الرحمن .. ماشالله ماشالله ..

خشمها روعه .. بس شنو مكلة خشمها ..

لأن من تحت روعهع و صغنونو .. بس أهو في عضمه من فوق وإلا عدل الخشم من تحت .؟؟

أنا بسويها بس خشمي زين من تحت .. بس عيبه كسره بسيطه بنص الخشم .. صغيره حيل مو مهمه المشكله إنها مايله ..

على اليسار .. تبط الجبد .. من جهه وججهي حلو .. و من جهه ثانيه .. في كسره ..

تكفين ام فهد .. منو اللي نضم السفره لج و حجز الدكتور ؟؟

عطيني إسم مكتب السفريبات .. و هل ال 700 .. مع الفندق و المترجم و العمليه .. بغيتأسويها عند جمال بس توج خرعتيني تقولين مو زين ؟؟ و في ناس يسبونه ؟؟

أنا وحده هني بنت الدويله حي حيل وصلته السمه ووحده ثانيه مسويتها عند إيريك بلو ؟؟

هم تمدحه بس كل واحد منهم يبيله 1500 ؟؟

وأنا مو معطلني إلا الميزانية .. وإلا جان سويتها ..

إلا على جذي بسويها بالصيفيه بإيران ؟؟

جم يوم قعدتي بإيران ؟؟ وهل تعبتي بالعملية ؟ بالعملية ..

تكفين لا تحقريني حيل بخاطري هالعملية ..

تكفين ..

هلا حبيتي اول شي هذي موو انا اختي

اهي مسويه الغضرووف بس يعني ماافيهاا عظمه عووده او عووويه بس للاماانه هم وحده نعرفهااا كانت مسويه العظمه هم روووعه شغله نظيف وعدل ولاايبين ان تجميل

وتقريباا السفره كلهاا تكلفج بحدوود ال800 واذ طق بالعلالي 1000 د.ك موو اكثر طبعاا اختي رااحت من غير ماا تجهز مع السفرياات بس تعرف وااحد هنااك عاايش بايراان وكاان المترجم ماالهم وانتي ومدة ايدج خدووم ومااا يهدج ليمااا يوصلج للمطاار بتردين الديره واختي مااطولت تقريبا اقعدت اسبوعين علشاان كاانت تبي تستاانس بالثلج هناااك

اما اختي الثاانيه لااا سوتهااا واقهدت اسبووع وردت ماا طولت

واي شي انا حاااضره واذا تبين التفااصيل اكثرر اخلي اختي تكتبلج كل اللي تبين تعرفينه اهي عضوه معانا بالمنتدى ام حمـــــودي اهي تعرف اكثر مني

تعالي معاي انا شالله بسافر بالصيف بس قاعده ايمع لي جم بيزه

عند بور صادق ان شالله

وشكرا حياتي ام فهوووود البركه فيها دلتني عليه

بنات الي تعرف الدكتور بور صادق

اهو دكتور أنف و اذن و حنجره و لا بس تجميل؟؟

و من متى اهو يسوي عمليات؟؟
يعني ريال عود ولا دكتور يديد؟؟

يا حبيبتي والله أم الفهد 712 مشكورة وايد على المعلومة الطيبة هذي ، والله آنه مترددة وايد ووضعي الاجتماعي بين أهلي ورفيجاتي وايد مهم وما أبي أحد يدري ، بس انتي طمنتيني وايد ، وإن شاء الله راح أسوي بحث على هالدكتور أشوف إمكانياته ليمن أستقر على واحد شاطر جداً وشغله يكون طبيعي جداً ، لأنه أنا خشمي عريض وأخاف من أنه راح يبين بعد العملية .
كل الشكر أم فهودي

أختي AFRoDit سؤال لو تكرمتي

شالفرق إذا كان الدكتور دكتور أنف وأذن وحنجرة أو يكون دكتور تجميل ؟
وبعد ليش تسألين عن عمر الدكتور ؟
أرجو التكرم بالرد حتى أستفيد أكثر منج
شكراً لج

حبيبتي في مقاييس في الأنف لازم يراعيها الدكتور
عشان التنفس ..

يعني مثال ..

حجم فتحة خشمج لازم تكون مناسبه لحجم الرئتين عندج

وهـ السوالف دكتور انف وأذن وحنجرة دارسها و عارفها أكثر من دكتور التجميل

ماتشوفين نانسي عجرم شلون اختنقت بغت تموت وراحت سوت عملية عاجله عشان تقدر تتنفس؟؟
عندي اللقاء مال نانسي وهي تقول هـ السالفه

و وايد سمعت عن ناس صار عندهم ضيق تنفس

والدكتور اليديد هم يكون غشيم شوي
غير الي عنده خبره

بصراحة استفدت وايد من هالمعلومة ، لأني بحطها وأترجمها عندي بلستة الأستفسارات والأسئلة اللي راح أوجهها للدكتور.
بارك الله فيج AFRoDiT

حبيبتي الدكتور بور صاادق دكتوور ممتاااز واختي صاارلهااا ست سنين مسويه العمليه وطبعاا اهو خبرة اقدم من جذيه واختي الثاانيه هالشهر صاارلهاا سنه مسويه خشمهااا والحمدالله ماا اثر فيهم اي شي الحمدالله
رااح اخلي اختي ام حمـــــودي دش موضووعكم وتقوولكم بالتفصيل احسن لان اهي اللي مسويه العمليه وعاارفه اكثرر مني

أم الفهد 712 شكراً لج على اهتمامج بالموضوع ، وأنا أتمنى أختنا العضوة أم حمودي تشرفنا بزيارتها وتشرح لنا عن تجربتها الناجحة
بانتظارها

أم الفهد يعني اللي تعرفينه عربيتي أوكي ؟؟

ولو تكرمين تعطيني رقمه أخليه يحجزلي بس الدكتور وأنا بضبط السكن و التذاكر بس من هني ..

زين والتوصيل معاه سياره يوصلنا ويودينا .. ؟؟ وعسى سيارته زينه ..؟ و إلا أهو بس مترجم ؟؟

يعني تقريبا جم أعطيه عاليوم ؟؟؟ عطيني تقريبي ما أبي أضلمه و أنا ودي أسوي العمليه و أرجع .. نماراح أطول ..

بس ما ودي أهلي يعرفون إني مسويه عمليه .. اللزقه جم يوم بيخليها على خشمي ؟؟

تكفين رقم الإيراني اللي تعرفينه عالخاص .. و تكفين أي تفاصيل .. ثانيه .. بدون لا نسأل خلي أم فهودي .. تعلمنا عن تجربتها ..

أنتضر الرقم عالخاص..تكفين لا تطولين .. يسلمو قلبي ..