ملابس النفاس؟؟

بنات شنو تلبسون بفترة النفاس؟؟
و من وين تشترون لبسكم؟؟
شنو تلبسون اذا ياكم أحد و شنو تلبسون بالبيت عادي اذا بروحكم؟؟

قمصان حق الولادة حرير ولا ستان تلاقينهم يا قطعتين يا قطعه يا اييج القميص مع روبه يا كامل نفنوف وفيه فتحة صوب الزرارت حق الرضاعه تلاقينه بأنور والطاهر ومحلات قمصان النوم

سوق الجميع عتدهم حلوين

الطاهر
انور

دراعه كلوش نعومه وفيه اللي فوقهم تور انا خذيت منهم نعومين

اول الأيام قمصان حرير او قطن مع اروابهم .. لا تاخذين ستان بالصيف حرر .. و اخذي لج جم دراعة ناعمة حق اذا يالج احد عقب ما ترتفعين

مشكورة

الطاهر و أنور أدلهم
سوق الجميع وين؟

مشكوووووووره يالحبيبة

اوا الايام قمصان قطن احسن من الحرير

الطاهر وانور مثل ماقالوا لج الاخوات وفى بعد سوق سلمان الدبوس باسرداب محل بس لملابس النفاس والمواليد حللللللو انا اشتريت منة لبنت اخوى ولامها هدية حلو راح يعجبج واسعارة حلوة ومناسبة السوق الى منطقة الفحيحل اسواقة حلوة واشياء غريبة تعالى وشوفى بنفسج

عيد النصار شغله عجيييب واسعاره حلوه

قميص كشخه لاستقبال الضيوف

دراريع ستان ناعمه لزيارة الخالات والناس الخاصيين

دراريع بيت عاديه اذا ماكان احد بيزورني

والله يسهل على الكل

بالمستشفى اخذي لج دراعه خفيفه ناعمه وشكلها حلو
اما بالبيت اول الايام اذا بييج احد اخذي لج دراريـع الحريـر تحصلينها بانور والطاهر وفي محل بعيد النصار عنده هالسوالف
وبالبيت اذا ماعندج احد اشتري لج جم بجامه قطن
والله يسهل عليـج وعلينا انشاءالله

اذا احد زارني البس اطقم ارواب قطعتين من انور والطاهر كشخه لكن اذا بروحي البس بجايم امهات 3 دنانير بس يكونون مبطلين من جدام حق الرضاعه

النقره فيه شغلات حلوه

صراحه انور عنده قمصان نفاس رووعه …لالالا خيال
لالالا شقول …. تهوس
لكن اسعاره غاليه حيل…والمشكله انه للنفاس وبس يعني مايصير لوقت ثاني
صراحه انا اشوف ان مجمع النقره الجنوبي اسعاره زينه يعني 18 و25 حلو
وشفت نفسهم بالفروانيه بالضبط
واخذي اللي الحرير مبطن بقطن
ولو تلقين قطن وذرب احسن بعد…عشان المبطن يخليج تعرقين
وفي اظن بالجميع ذربين واقطان من قطعتين .
واذا بالبيت ماعندج احد يعني الظهر والعصر لبسي دراريع قطنيه عاديه …وطبعا بدلي قبل المغرب تحسبا للضيوف
ولاتنسين ان اي شي تشترينه لازم مفتوح للرضاعه.