معلمات منطقة حولي التعليميه حياكم

خواتي بغيت اسالكم اي مدرسه تنصحوني اروح انا بمنطقة بيان واقرب مدرسه لي مدرسة جميله بنت عباد الابتدائيه تعرفون شي عنها وشلون الناظره وقسم الانجليزي فيها..ياليت تفيدوني؟؟

انا بحولي بس يقولون ناظرتهم شديده بس يحبونها والي ماعندها سابعه تطلع وحده وربع وجنه تقول رفيجتي انهم مكتفين ابلاات

ما أنصحج ولا تسأليني ليش

آنا بعد ما أنصحج ولا تسأليني لييش

بنات طيب موزينه ليش؟؟؟؟ او دلوني على مدرسه تكون زينه وقريبه مني مااعرف المدارس تكفووووون

نصيحة لوجه الله لاتقربين لمدرسة عثمان عبداللطيف العثمان ، وبالعكس أنا اللي أعرفه مدرسة جميلة ومدرسة بيان للبنات حلوين

بنات شدعوه ساعدوني!!!!

الصراحة ما عرف شي عن مدارس بيان

بس نصيييييحة لا تروحين مدرسة الرديفة خاصة قسم الانقلش … المدرسة لوعة من جميع الجهات و قسمنا بالذات قاعدين نعاني من مدرستنا الاولى والادارة ما تعجبها العحب
وعندنا تحقيق وكلنا منتقلين السنة الياية واساسا القسم الي قبلنا كان كله منتقل بعد

رفيجتي ادرس في بيان بين بس مادري اي مدرسة ووايد مرتاحة فيها

انا اعرف مدارس المتوسط اما الابتدائي ما اعرف بس مدرسه زكريا الانصاري لا ترةحين لها فووووووووووضى وناظرتها ما تعرف راسها من كرياسها اما القسم ما اعرفه

ما أنصحج كلش ملش

اذا تبين كرامتج لا تروحين

انا كنت فيها قبل خمس سنين لوووووووووووووووووووووووووووووووووووووعه

والاداره ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أتنمنى انج فهمتي ليش البنات ما علقوا

على فكره ما كو أحد ما يعرف مدرسة جميلة بنت عباد غريبه انج تسئلين عنها ؟

شوفي منطقة ثانية قريبة يعني مو ضروري بيان

آنا أنصحج بمدرسة لبابة ينت الحارث بنات إبتدائي بحطين
ورا بيت التمويل الكويتي وااايد قريبة من بيان
رئيسة قسمهم
تهبل واااايد حبوبة
والمدرسات
في القسم حليوين ويحبون الشغل ومتواضعين
الوكيلات
طيبين وااااايد ومتوااااضعين ومتساهلين لأبعد الحدود
ومتفهمين الظروف ويقدرونها
الناظرة
حقانية وتخاف الله وااايد وااايد وحبوبة ومتفهمة للظروف
وإللي يشتغل تحطه فوق راسها وبصراحة يبين بعينها الشغل واايد
وأحلى شي فيها إنها تخااف الله بالتقييم ولا تظلم أحد ولا تصرخ على الأبلات
ولا تسمعين منها ألفاظ نفس بعض النظار بالعكس تخاف الله وتحترم المعلمات
وهذي شهادة حق تنقال فيها

ولا تنسين إنه مافي إنسان كامل في هذي الدنيا الكمال لله سبحانه وحده
أكيد نفس ما إنتي فيج عيوب وآنا فيني عيوب هي فيها عيوب
بس عيوبها ما تعيبها ولا تنفر من المدرسة لأنها موجودة عند أغلب الناس
مافي إنسان كامل لازم تكون عندج هذي القناعة
يكفي إنها حبوبة وتخاف الله وهذا ما تلاقينه عند كل الناس

نصيحة
وحبيبتي نصيحة مني لج آنا كنت في جميلة بنت عباد وألحين آنا في لبابة بنت الحارث
عندي مبدأ ((من يتقي الله يجعل له مخرجا ويرزقه من حيث لا يحتسب ))
إتقي الله وأخلصي بعملج راااح تلاقين المعاملة الطيبة من الجميع لا يهمج أحد
إمشي سيدة وخلي معاملتج طيبة مع الجميع الرسول صلى الله عليه وسلم قال ((الدين المعاملة ))
آنا أعرف ناظرة جميلة وناظرة لبابة والله ما شفت منهم إلا كل الخير
بس مدرسة لبابة أحسن من جميلة لعدة أمور (راسيلني عالخاص وآنا أقولج ليش )

والله على ما أقول شهيد
وإذا تبين أي شي آنا حاضر

آسفة على الإطالة

رفع

مو ضروري اكون ببيان اي مدرسه تكون الناظره حقانيه ورئيسة قسم الانجليزي زينه

خلاص توكلي على الله وروحي لبابة بنت الحارث