معاناة بنات التربية الاساسية ؟ من المسؤول

بنات انا بنزل صور حق كلية التربية الاساسية
صور تبين معاناتنا وتبين شلون عايشين بهالكلية
اللي حتى الانسان مايقدر على هالقذارة
بنات الحمامات رايحة فيها ماادري شلون بنستحمل
سببت لنا امراض والتهابات

منو تايدني اني احط الصور
؟؟؟

اايدج انج تحطين صور انا بالجامعة بس زرتكم وشفت لي عندكم لله يعينكم

مشكورة عالمروووور

ها منو بعد تايدني عشان انزلهم ؟؟؟؟؟؟؟؟

حبيبتي انااا ايدج
لان صج شي مو طبيعي لا استراحات مثل الباقي ولا اعزج الله الحمامات ولالالالا وشنو اخلي

دربك خضر … حطي

ملينا واحنا نتكلم .. عمك اصمخ

وبهيجه بهبهاني .. تقول بنات لاتفضحونا بالجرايد صبروو عليناا لمن يخلص المبني الجديد ..وع

زين تدرين انا المحاظرات تنتهي الساعه 4 او 5.. تدرين ان الحمامات يقفلونهاا من الساعه 3

زين انا بيتي بالجهراا ابي الحمام .. وين اروح .. ارد طايره للبيت .. جم كامره صورتني , والحاله حاله

يباا .. حطي

معاكم

حطي

..~

حطيت الصور

مشكورين عالمرور

اي ولله .. ماكو حمامامت مثل الناس…
انا وحده من الناس مادشه كلش..
اضطر اروح حمام مجمع المطاعم ..

بس مايدج تحطين صور …
لان مهما حطيتي … ماروح يسون .. شي …
حق منو بتوصل..
لازم تكلمين العميده يمكن تقدر تسوي شي ..
على قولت وحده من العضوات استراحه ماكو
الي تسدح وحامل .. والي يايبن جايهم وقهوتهم..
وازعاجهم واصل بره. ..
بالله عليج ..
وين الجو الدراسي الراقي الي لازم نعيش فيه …
في قسم الصور والفيديو ..
في عضوه حاطه لقطات من جامعه الكويت ..
على قولت عبدالرحمن العقل ..
الله يعز الحكومه …
صج نظافه ..واتيكيت عيل الي عندنا ..
واسمحولي بنات موووووووووووووووووووو كلكم .. البعض منكم عشان لحد يزعل

حبيبتي جفنشيه اشكرج بصراااحه على هالموضوع بس صج شي يحر لماتشوفين السنع والنظافه حق ناس ونااااس

ليش احنا مو عيال الكويت مو بكره راح نخرج اجيااال تعمر الكويت

بذمتج اي اجيااال بتتخرج وتعمر وهذا حال هالمسؤولين الي الواحد ماله شغل بشي بس وعووود وخرطي

خل نتعاون بنات ونحاااول نوصل صوتنا لهالمسؤولين لعل وعسى لمايشوفون تفاعل الطلبه بالكليات يسنعون لنا شي

واذا حطيتي شبيصير يعني
ما في شي راح يتغير نفس الشي منو بيسمع لنا؟؟؟؟؟؟؟

يعطيكم العافيه والله يا بنات و الله يصبركم

احنا كليتنا مو جذى بصراحه واايد نظيفه و ما تلاقين حتى كلينكس طايح بالحمام و الفراشات ما يقصروون طوول الوقت بالحمامات تكرمون يغسلونهم و ينظفونهم و الصابون و الكلينكس موجودين مستحيل ما تلاقين

بس لازم تقولون حق احد حراام فى بنات ما يتحملوون و فى بنات مرضى مو معقوله

اي حطي الصور
وانا انشالله بنشرهم في المنتديات الثانيه
عشان الفايده من بعد اذنج طبعا

حاسه بهلمعاناة و الله
بس الصور ماراح تسوي شي
الأهم يوصل صوتج و شكوتج للي يقدرون يغيرون يعني لو تقدرين توصلينها بالصور لأي جهة يكون أفضل من إنج بس تحطين الصور بالمنتدى ….و بارك الله فيج حبيبتي على هلموضوع المهم ….

(: (: (: